سؤال بخصوص تجديد رخصة سيارة منتهية من 2011
السلام عليكم .
معايا عربية 800 cc موديل 2008
رخصتها منتهية من 6-2011 و المفروض انها عليها فحص .
عايز اعرف بقى الضرية و التأمين هدفعهم عن كل السنين الى فاتت ولا سنة التجديد بس !
يعنى الضريبة و تلت دول هدفع ضريبة و تلت عن الفترة من 6-2011 لـ 6-2012
و ضريبة و تلت من 6-2012 لـ 6-2013
و ضريبة و تلت من 6-2013 لـ 6-2014 :(
ولا الضريبة و التأمين هدفعهم لفترة واحدة الى هى سنة التجديد من 6-2013 لـ 6-2014 ؟؟
....
كمان العربية مش بإسمى و عايز انقل ملكية من مرور السلام لمرور الشيخ زايد . ايه الإجرائات الى اعملها !
..
كمان عايز اعرف الفحص دة هيبص على ايه يعنى فى العربية ؟
انا عندى شوية خبطات كدة فى البيبان هردهم ع البارد . و العربية واخدة من الرفرف فى الجنب سيف يد مدشملها خالص و هردها ع الحامى بس معيش فلوس ارش بصراحة ^_^
عادى ولا ايه ؟
شكراً :)