تغير متور نوبيرا (موضوع للافادة)

السلام عليكم

بداية القصة كنت خبطت فى قطعة حديد و انا مسافر و كانت النتيجة كسر فى كرتيرة الزيت و اشياء اخرى
و توالت المشاكل بعد كدة على مر الايام و كل شوية كانت تظهر حاجة جديدة نتيجة ان الخبطة سمعت فيها
من ترس كرنك ملوح الى الكسر و المكانيكى بيفكة و مشاكلة فى تقسيمة الكتينة و سبايكة باظت بعد تغير الكرنك و ذاد عليهم جوان وش سليندر
و المتور صوتة على فا توكلت على الله و قلت هجيب متور جديد

اول نصيحة مترحش تشترى متور لوحدك اى كان خبرتك الميكانيكية برضة الميكانيكى عندة القدرة انة يقلب فى الحاجة اكتر منك لانك ببساطة هتكون خايف تتبهدل من الزيت

الحمد لله ربنا رزقنا بمكنة الدبرياش بتعها شكلة كويس و توكلنا على الله

السعر 3100 جم بالورق +طرمبة بور + دبرياش + شوية رفايع


النتيجة الحمد لله مرضية الى الان
هدوة عن الاول فى الصوت و مستنى اعير الزيت علشان كنت جايب شل الاحمر للتجربة و اتمنى الصوت يهدى عن كدة
البور الحمد لله رجه ناعم زى الاول لان الطرمبة القديمة كانت ودعت خلاص

السحب و عزم العربية حاسس انة مش زى المكنة القديمة (المرحومة كانت عافية شوية)
بالقديمة كنت بجمع من 100 الى 120 بدون اى مجهودالمكنة الجديدة حاسس انها بتحتاج مجهود اكتر بس مش مشكلة بالنسبالى

الموضوع للافادة للى هيخش فى القصة دى لاقدر الله