-
العربية ولعت
الحمد للة على كل حال
روحت الغردقة اصيف انا والاسرة وانا ماشى فى شارع الكوثر شميت ريحة بنزين افتكرتة جاى من برة- الريحة زادت وبصيت لمؤشر البنزين لقيتة بينقص-
وقفت على جنب ونزلت من العربية لقيت نار طالعة من فوق الكاوتش اليمين
اول شى صرخت فى مراتى انزلى العربية ولعت-بدل ما تفتح سمكرت الباب وقالتلى مش عارفة انزل.
فتحت المسوجر ونزلتها هى وابنى وقولتلها ابعدى من العربية
اخدت الطفاية من تحت الكرسى وشدت الفتيل وضغطت عليها-مش شغالة-الظاهر انتهت صلاحيتها لانى ليها 5 سنين
كل دة وانا ناسى اطفى الكونتاكت
الناس اتلمت والعربيات وقفت وكلة جاب طفياتة وطفاو النار (شهامة مصريين)
المهم انا عاوز نصحية لانى كل ما بداخل الكابوت ماعدا الماتور اتحرق
وديتها لكهربائى وقالى سبلى الف جنية تحت الحساب
عاوز اعرف اسعار قطع الغيار الموجودة بداخل الكابوت وتكلفة تركيبها والمصنوعية عشان الراجل مايدبحنيش
الكهربائى قالى بعد مايخلص حيديها للميكانيكى جنبة
شكرا
-
حمد اللة على سلامتك قبل اى حاجة
والحمد للة انها حصلت وانت فى وسط البلد مش على طريق صحراوى
وطالما انت واولادك وزوجتك بخير
هيبقى الباقى كلة فى داهية ومقدور علية ان شاء اللة
-
الحمد لله على سلامتك انت والاسرة وقدر الله وما شاء فعل
موضوع الاسعار دا مش هتقدر تحدده دلوقتي في حاجات كتير ممكن تجيبها استيراد هتقل معاك ف السعر شوية
بس هات ضفيرة كهرباء جديدة وبلاش تخلي الكهربائي يشتغل فيها ويلمها بلاش بالله عليك
وربنا يكرمك ان شاء الله
-
-
يا ساتر يا رب الف حمد الله على السلامه بس برضو عايزين نعرف ايه الاسباب لعدم تكراها مع اى حد تاني وكويس انك وجماعتك بخير وربنا يعوضك باذن الله
-
قدر الله و مت شاء قعل المهم سلامتك انتو اسرتك و ربنا يعوضك خير ان شاء الله
-
قدر الله و ما شاء فعل .. المهم انكم بخير
بس انا شايف ان اهم حاجة ان حضرتك تعرف المشكلة منين لعدم تكرارها ..
وربنا معاك و ان شاء الله العربية ترجع احسن من الاول
-
اشحن العربية على القاهرة الاول احسن
و تشوف القصة هتتصلح ازاى علشان متفضلش واقف جنبها هناك بدون نتيجة و مصريف على الفاضى
-
ألف حمد لله على سلامتك انت و الاسرة
محدش هيقدر يديك تقدير للتكلفة... لازم العربية تتفك الاول عشان يبان ايه السليم و ايه التالف و بعد كدة تتحسب التكلفة
MMamdouh
-
انا اعرف الغردقة كويس مفيهاش ميكانيكى عدل نصيحة خملها ونزلها مصر وتكلفة نقلها اقل بكثير من فرق سعر الصيانة وقطع الغيار في الغردقة ده بالاضافة الي سوء المصنعيه في الغردقة
Content Relevant URLs by
vBSEO 3.6.0 PL2