تحذير من حالات السرقه فى 6 اكتوبر الاسكندريه

السلام عليكم

من كام يوم كنت فى 6 اكتوبر اسكندريه وهناك سمعت ان سرقه العربيات كتير اوى فى القريه وانا شخصيا اتسرق منى الاريال بتاع العربيه فرجاء من الناس تخلى بالها لو رايحه هنام احتياطى وربنا يسترها معانا كلنا ان شاء الله

أنا سامع كده بردو مش عارف ايه المشكلة هناك.

سمعت الموضوع ده فعلا...خصوصا سيراتو و اوبترا

المشكله هناك ان القريه مفتوحه اى حد يدخلها عادى واى حد يخرج منها عادى ولا حد بيسال حد رايح فين وجاى منين

شكرا للتنبيه ربنا يسترها

الموضوع ده أكيد زياده فى الشتاء او فى رمضان لأن الرجل بتبقى خفيفه فى الوقت ده انما فى الصيف الناس سهرانه فى الشوارع والبلكونات حتى الفجر وفى الصباح الباكر بتبقى فى بنات تحب تنزل البحر يعنى الشوارع فيها حركه برضه على العموم فى أى وقت وأى مكان كل واحد لازم يحرص على عربيته

هو بعيد عن الموضوع شوية تحذير بال (ذ) مش ب (ز)

ربنا يستر

الف شكر على التحذير و يا ريت رجاله اسكندريه لو حد يعرف حد فى الشرطه يعملوا اى حاجه لمنع السرقات دى