الموضوع: ارجو المساعدة..لانسر 1300 & تويوتا ياريس ؟؟؟

المشاركة الأصلية كتبت بواسطة adel1414

السلام عليكم ورحمة الله وبركاته..
اخوانى عندى استفسار مهم جدا لصديق..
هل لانسر مانيوال 1300 2008 افضل ام ياريس 1300 مانيوال 2008 ؟
وما الافضل بين لانسر 1300 مانيوال ام الاتوماتيك كسحب واستهلاك بنزين ؟
وهل تاثير التكييف على السحب اكثر فى المانيوال ام الاتوماتيك 1300 ولا مفيش فرق بينهم ؟
واييه رايكم فى تكييف الانسر 1300 عموما ؟
ارجو سرعة الرد اخوانى وشكرا جزيلا

بص ياسيدي انا هقولك وهرد عليك علي حسب خبرتي المتواضعة وانا عندي لانسر 2007 1300 مانول /شوف ياسيدي انا اصلا كنت هشتري لانسر او ياريس بس لاقيت اجماع كبير علي الانسر بما فيها من قوة وشكل احلي شوية من الياريس وكمان بيقولو ان الياريس ضعيفة شوية من قدام يعني لو لاقدر الله خدت خبطة ضعيفة من قدام بتتأثر جامد وشكل العدادات من جوة رخم شوية ولاكن الياريس تتميز عن الانسر ان موتورها اقوي شوية صغيرة من الانسر ومش بيأثر علي التكيف اوي زي الانسر دا علي حد سمعي مش تجربة شخصية بص ياسيدي انا بقي بحكم خبرتي عن الانسر وخصوصا ال 1300 لاني من ملاكها اقولك ردي المانوال فيها احسن من الاتوماتيك وخصوصا ال 1300 لاكن لو 1600 انصحك اتوماتيك طبعا // استهلاك البنزين بصراحة في ال 1300 ممتاز جدا جدا جدا جدا والياريس بردة ممتاز اتوقع الاتنين مش هيفرقو في استهلاك البنزين ولو اني اسمع ان الياريس تتفوق بس بنسبة بسيطة اوي مش فرق ملحوظ وبلنسبة للسحب الانسر بتتأثر شوية بلتكيف عكس الياريس سمعت ان التأثير مش كبير اوي والانسر بردة التأثير مش كبير يعني نقول معقول وهيكون تأثير السحب في الاتوماتيك عكس المانوال اكيد ولازم تبقي عارف بلنسبة للعربية ال 1300 المانوال افضل بكتيرررر من الاتوماتيك بلنسبة لتكيف الانسر حلو وخصوصا علي الطرق السريعة ممتاز ولاكن الياريس مجربتوش بصراحة اتمني اكون افادتك بلي اقدر علية واكيد باقي الاعضاء هيكونو احسن مني في ردودهم ولاكن حبيت ارد علي موضوعك بخبرتي المتواضعة وربنا يوفقك في الاحسن

طالما فى المستعمل الحالة اللى قدامك هى اللى تحكم والفرق مش كبير قووى يمكن ال لانسر اثبت شوية من التويوتا مع السرعة
والتويوتا عفشتها اريح