محتار ما بين samsung galaxy note 10.1 و apple ipad

**MRBEBO** · 04-08-2013 09:37 PM

ايه رايكم التاب ده احسن

Samsung Galaxy Note 10.1 N8000
Samsung Galaxy Note 10.1 N8000 - Full phone specifications

وﻻ ده

iPad with Retina display with Wi-Fi + Cellular 16GB
Apple iPad 4 Wi-Fi + Cellular - Full phone specifications

مع العلم اني مستخدمتش حاجة من ابل قبل كده وسامع انه سيستم قوي بس خنيق

مستخدم للاندرويد بس عندي احباط شوية من البرامج اللي في الماركت

فايه رايكم ما بين الجهازين وهل الماركت مختلف في الابل عن الاندرويد

**SHNORY** · 04-08-2013 10:42 PM

لو عندك احباط من ماركت الاندرويد
حيجيلك تهيؤات من ماركت الابل وممكن يجيلك توحد ههههههههههه
الاندرويد 95% فري و5% بفلوس واللي بفلوس ممكن تنزلهم من البلاك ماركت
الابل العكس تماما الابليكيشن الفري حاجات تافهه جدا وممل في طريقه تحميل البرامج والتعامل
انا بشتغل سوفت وير وزمان كنت بشتغل نغمات وابليكيشن
ولحد النهارده مبعرفش انزل اغاني للابل ((: هههههههههه

**eleanor** · 04-08-2013 10:49 PM

حضرتك انا معايا النوت عشره وبصراحه جهاز تحفه ولكل الاستخدمات سواء رجال اعمال او جايمز او ميديا
اما بالنسبه لابل فا بصراحه ماستحملتهوش شهر وخنقنى
ولحضرتك الاختيار طبعا

**itsonlyme** · 14-08-2013 10:22 AM

شوف ... أنا متحيز جداً للأندرويد، لكن لو بتقارن ما بيت السامسونج نوت 10 والآيباد يبقى الآيباد يكسب مفيش كلام خصوصاً الشاشة.

بس خد في اعتباراك الآتي.

1) الآيباد أغلى بكتير.

2) نسخة الآيباد الـ 16 جيجا هتبقى خنيقة جداً والمساحة المتاحة قليلة.

3) لو صبرت كام شهر (نوفمبر أو ديسمبر بالكتير) هتنزل نسخة جديدة من الـ Nexus 10.

دي هتبقى خرافة وأقوى من الآيباد كمان.

وعموماً النسخة الحالية من Nexus 10 قوية جداً وأحسن من النوت بمراحل من ناحية الشاشة.
Samsung Google Nexus 10 P8110 - Full phone specifications

وعموماً ماتشتريش تابلت الـ PPI بتاع الشاشة بتاعته واطي. لأن نقاء الصورة والنصوص لما يكون الـ PPI عالي بيبقى تحفة ومجرد النظر للشاشة ممتع للعين، بعكس لما يكون الـ PPI واطي.

**Secret-Man** · 14-08-2013 12:22 PM

المشاركة الأصلية كتبت بواسطة SHNORY

لو عندك احباط من ماركت الاندرويد
حيجيلك تهيؤات من ماركت الابل وممكن يجيلك توحد ههههههههههه
الاندرويد 95% فري و5% بفلوس واللي بفلوس ممكن تنزلهم من البلاك ماركت
الابل العكس تماما الابليكيشن الفري حاجات تافهه جدا وممل في طريقه تحميل البرامج والتعامل
انا بشتغل سوفت وير وزمان كنت بشتغل نغمات وابليكيشن
ولحد النهارده مبعرفش انزل اغاني للابل ((: هههههههههه

لا بينزل طبعا عادى جدا انا معايا اى فون5 واى باد 4 كمان وسهل جدا نزول النغمات والاغانى والافلام ليهم كمان

بس عايزه حد ايده فيهم كويس

**AhMeD MeTwAlY** · 14-08-2013 08:44 PM

انا معايا جﻻكسي نوت 10.1 هو كويس جدا وخلي اختيارك علي استخدامك
انا كل استخدامي خرايط وجي بي اس وشات وحركات فاضيه مش شغل يعني فجبت نوت

**Mahmoud Nagieb** · 15-08-2013 12:48 AM

بص ياباشا , انا معايا النوت 10.1
وعاوز اقولك سيبك منه بجد , اولا الاندرويد خنيق جدا فى التابات , لسة قدامه كتير لحد ما يوصل للايباد

الايباد احسن طبعا

على فكرة انا متحيز للاندرويد بشكل عام , ومعايا نوت 2 , بس انا بقول لحضرتك الرأى المقتنع بيه

الاندرويد فى التاب مش كويس خالص

**mido_soliman** · 15-08-2013 03:08 AM

لو عايز تاب اندرويد متجيبش غير ال xperia z tablet قدامه حجات بسيطة وينزل مصر وهوة نزل السعودية فعلا ودة افضل تاب اندرويد حاليا
غير كدة يبقى الايباد من غير كلام كتير
اما لو تقدر تستنى شهرين مثلا يكون الايباد 5 نزل والنكسوس الجديد نزل وحجات تانية كتير نزلت والاختيار حيبقى احسن من كل اللى موجود حاليا