الموضوع: هو ده الطبيعى فى شركة ارامكس؟

للأسف ان خدمة ارامكس في مصر في منتهى السوء ، كلم موقع سوق وبلغهم بمدى سوء خدمة التوصيل الخاصة بارامكس.

تحياتي.

المشاركة الأصلية كتبت بواسطة Ahmed_Adham

الشركة اللي حضرتك بتشتري منها بتدفع تمن الشحن وقت مل بتسلم الشحنه لشركه الشحن وسواء حضرتك استلمتها أو لاء كده كده شركه الشحن خدت فلوسها كل اللي بيحصل ان شركه الشحن تخلي الشحنه عندها كام يوم وبعدين ترجعها للمرسل وكده انتهى دورهم.

السؤال المهم. بتاع التوصيل بياخد تبس من العميل حتى لو مش كل العملا مش بيدوله طب ليه ميوصلش الحاجه؟ ده لغز مش قادر أحله وبصراحه مش شرط احله مادمت بعرف أخد حاجتي بطريقه تانيه.

المشاركة الأصلية كتبت بواسطة dedi

خدمة زى الزفت عملت معهم اوردر من سوق و خدمتهم سيئة جدا جدا

المشاركة الأصلية كتبت بواسطة Secret-Man

موقع سوق وقع فى مصر خلالالالالالالاص عملاء كتير جدا اشتكوا من الخدمه بتاعته ومنتجاته المضروبه الى كلها صينى برخص التراب وبيبعها للعملاء بارقام

انا شايف ان موقع جوميا مش وحش ولو انى شايف انه غالى جدا جدا بيخاطب فئه معينه فى المجتمع وده عيب فيه مش ميزه لان اكبر شريحه هى المتوسطه بالاخص انك بتبقا شايف المنتج ارخص من كده بكتيييييير وهو هو

المشاركة الأصلية كتبت بواسطة eleanor

ينفع ماتستلمش طالما الميعاد عدى ولو حد كلمك قولو انك سافرت هو مالوش فيه وبعدين الميعاد ده هما بيبقوا عاملين حسابهم فيه زياده يومين

المشاركة الأصلية كتبت بواسطة DreAmO

ماتستلموش ..

خلي سوق يعرف ان ارامكس بتخصره فلوس وعملاء

وبالتالي مع الوقت يسيبها وغيره يسيبها .. وتقع .. السىء ملوش مكان وسطينا خلاص

المشاركة الأصلية كتبت بواسطة MotorX

للأسف ان خدمة ارامكس في مصر في منتهى السوء ، كلم موقع سوق وبلغهم بمدى سوء خدمة التوصيل الخاصة بارامكس.

تحياتي.

المشاركة الأصلية كتبت بواسطة #MAAM#

هيه شركة اقل من المستوى حتى عندنا في السعودية مع سوق وارامكس بهدلة برضة انا بعتلهم شكوى وقلتلهم لو ما استلمتش الاوردر على يوم كذا مش هستلمه وبصراحة استلمته بعد اليوم ده بيوم او يومين بالكتير والحمد لله

الف شكر يا جماعة على اهتمامكم وردودكم الطيبة. اخر التطورات بعت شكوى محترمة بلهجة حادة للشركتين سوق وارامكس على مواقعهم وصفحاتهم على الفيس ملخصها ان خدمة التوصيل عبارة عن تهريج والناس اللى شغالة مش مسئولة وان شركة ارامكس شركة كدابة بتقول راحت وملقتش حد واتصلت بالعميل على خلاف الواقع وبعت نسخة لمدير خدمة العملاء

امبارح الشركتين بعتوا اعتذار عالميل، سوق بتقول انها هتكلم ستاف شركة ارامكس فورا وهتحل المشكلة فى اقرب وقت، وارامكس بتقول احنا اسفين والطلب هيوصل تانى يوم، وبالفعل الاوردر وصل انهاردة بعد الضهر والمندوب بيقوللى يا فندم انا اتصلت بحضرتك من يومين والرقم كان معرفش فى ايه مرضتش احرجه واساله طب ازاى العميل مش موجود فى البيت وقلت يالا رمضان كريم

وبعد التسليم سوق بعتتلى استطلاع بتقولى هااا ساتسفايد ولا مش ساتسفايد
قولتلهم ساتسفايد وامرى لله

كل سنة وانتم طيبين