هو ده الطبيعى فى شركة ارامكس؟

يوم 23/7 عملت اوردر من موقع سوق والتوصيل عن طريق ارامكس والى اليوم لم استلم الطلب ولما تتبعت الطلب فى موقع شركة الشحن لقيت مكتوب قدام يوم 1/8 العميل غير موجود كلمتهم عالفيس وبعتلهم ميل قالولى هنحل المشكلة وانهاردة ردوا عالميل بيقولولى ابعت الـ AWB number

وللاسف تليفوناتهم مبتردش والرقم المختصر عطلان وعالفيس بيردوا كل فين وفين وردود روتينية لا بتودى ولا بتجيب من عينة حاضر يا فندم وهنتابع المشكلة .. الخ، ومن شوية ببص فى الموقع لقيت مكتوب (تغير عنوان العميل) !

طب ازاى وانا كاتب عنوان واحد اصلا ومتواجد فيه من يوم ما عملت الاوردر انا احترت بصراحة والاوردر نفسه مش مستاهل كل وجع القلب ده

دى حركة الشحن من يوم 24/7 الى اليوم
ياريت حد يقولى ده طبيعى مع الشركة دى وفين المشكلة
وشكرا

http://img191.imageshack.us/img191/460/0bir.png

هيا جت على ارميكس. مالبلد كلها كده ياباشا

اقتباس:

---

المشاركة الأصلية كتبت بواسطة y a r i s

هيا جت على ارميكس. مالبلد كلها كده ياباشا

---

ربك يصلح الحال

مش الطبيعي بصراحة...........بس هى حصلت معايا مرة أو أتنين من على سوق برضه و فيه مرة منهم كنت مسافر و قولتلهم لو موصلش الأوردر قبل يوم كذا مش هستلمه.

طبعاً كنت جايبه دفع عند التوصيل.

لول الاوردر جالك ماتستلمهوش وقولهم انا لغيت العمليه علشان دول بيستهبلو
انا عامل اوردر من يوم 2-7 ولغايه دلوقتى ماوصلش عادى

ده هجص كلمهم شوف حل معاهم او اطلع على الفرع ! بلد داهية !

اقتباس:

---

المشاركة الأصلية كتبت بواسطة ahmed a.maksoud

مش الطبيعي بصراحة...........بس هى حصلت معايا مرة أو أتنين من على سوق برضه و فيه مرة منهم كنت مسافر و قولتلهم لو موصلش الأوردر قبل يوم كذا مش هستلمه.

طبعاً كنت جايبه دفع عند التوصيل.

---

المشكلة مش من سوق المشكلة من شركة الشحن
مرة العميل غير موجود مرة تم تغيير العنوان مش عارف المرة الجاية ايه

اقتباس:

---

المشاركة الأصلية كتبت بواسطة eleanor

لول الاوردر جالك ماتستلمهوش وقولهم انا لغيت العمليه علشان دول بيستهبلو
انا عامل اوردر من يوم 2-7 ولغايه دلوقتى ماوصلش عادى

---

مكتوب اقصى حد للتسليم 31/7
هل من حقى ارفض الاستلام بدون ما يلغوا الحساب؟

اقتباس:

---

المشاركة الأصلية كتبت بواسطة deshahcoka

ده هجص كلمهم شوف حل معاهم او اطلع على الفرع ! بلد داهية !

---

تليفوناتهم مش بترد والرقم الساخن مش شغال
والله احترت معاهم

اقتباس:

---

المشاركة الأصلية كتبت بواسطة rapid

المشكلة مش من سوق المشكلة من شركة الشحن
مرة العميل غير موجود مرة تم تغيير العنوان مش عارف المرة الجاية ايه

---

ما أنا عارف يا باشا

بس فى الحالة دي أرامكس تعتبر شريك لسوق لأن سوق مش بتدي إختيارات فى الشحن.........هى أرامكس و خلاص.

أدخل على الأوردر و اعمل كومنت أو شكوى و لو مش عاوز تستلم أكتب أن الأوردر لو موصلش على يوم التلات مش هتستلمه.

طب ما هو الـ AWB number
ده غير رقم بوليصة الشحن؟

اقتباس:

---

المشاركة الأصلية كتبت بواسطة ahmed a.maksoud

ما أنا عارف يا باشا

بس فى الحالة دي أرامكس تعتبر شريك لسوق لأن سوق مش بتدي إختيارات فى الشحن.........هى أرامكس و خلاص.

أدخل على الأوردر و اعمل كومنت أو شكوى و لو مش عاوز تستلم أكتب أن الأوردر لو موصلش على يوم التلات مش هتستلمه.

---

انا هستنى لبكره لو موصلش على اخر النهار هعمل اللى حضرتك قلت عليه
تعبتك معايا يا باشا :)

مكتب القاهره الرئيسي لأرامكس :

31 Musadak Street, Dokki, Giza,0000,
Phone (Customer Service):+20 (2) 33388466
Phone Hotline+20 (2) 16996
Fax:+20 (2) 37482990
PO Box:12311

اتصل و تابع معاهم بس اول ما تتصل اطلب مدير خدمه العملاء مباشره و اعمل شكوي .

أرامكس مش بتوصل للبيت (على الاقل هنا ف اكتوبر) بعد كذا تجربه معاهم بيستهبلو ويقولو ان العميل مكنش موجود وقت الاستلام مع ان المفروض هما بيتصلو قبل التسليم يحددو وقت الواحد يكون موجود في البيت انما هما أسهلهم ميطلعوش يوصلو الحاجه ويقولو العميل مكنش في البيت وأنا كنت شاري من جوميا أول مره استغربت عشان أنا كنت في البيت بس عديتها عادي تاني مره قمت رايحلهم لقيت الشحنه هناك وقالو اتصلو قلتله موبايلي أهو شوف نمرتك فين أو وريني موبايلك اتصلت بيا امتى لقيت لخبطه في الكلام سبتلهم الشحنه على المكتب مستلمتهاش واتصلت بجوميا قلتلهم على الموقف وقلتلهم مش هستلم من أرامكس وبعتولي مع "مشاوير". مش عارف ليه الشركات دي مش بتقدم أكتر من بديل للشحن أنا عن نفسي بفضل مشاوير بالنسبه للشحن الداخلي دايما بيتصلو قبل ما ييجيو ويحددو وقت الواحد يكون موجود فيه في البيت. و dhl بيعملو نفس الكلام انما أرامكس تيييييييييييييت وبقول تاني كلامي عن مكتب 6 اكتوبر معرفش ايه النظام في أي حته تانيه.

اقتباس:

---

المشاركة الأصلية كتبت بواسطة mero100

مكتب القاهره الرئيسي لأرامكس :

31 musadak street, dokki, giza,0000,
phone (customer service):+20 (2) 33388466
phone hotline+20 (2) 16996
fax:+20 (2) 37482990
po box:12311

اتصل و تابع معاهم بس اول ما تتصل اطلب مدير خدمه العملاء مباشره و اعمل شكوي .

---

الف شكر يا باشا بارك الله فيك

اقتباس:

---

المشاركة الأصلية كتبت بواسطة ahmed_adham

أرامكس مش بتوصل للبيت (على الاقل هنا ف اكتوبر) بعد كذا تجربه معاهم بيستهبلو ويقولو ان العميل مكنش موجود وقت الاستلام مع ان المفروض هما بيتصلو قبل التسليم يحددو وقت الواحد يكون موجود في البيت انما هما أسهلهم ميطلعوش يوصلو الحاجه ويقولو العميل مكنش في البيت وأنا كنت شاري من جوميا أول مره استغربت عشان أنا كنت في البيت بس عديتها عادي تاني مره قمت رايحلهم لقيت الشحنه هناك وقالو اتصلو قلتله موبايلي أهو شوف نمرتك فين أو وريني موبايلك اتصلت بيا امتى لقيت لخبطه في الكلام سبتلهم الشحنه على المكتب مستلمتهاش واتصلت بجوميا قلتلهم على الموقف وقلتلهم مش هستلم من أرامكس وبعتولي مع "مشاوير". مش عارف ليه الشركات دي مش بتقدم أكتر من بديل للشحن أنا عن نفسي بفضل مشاوير بالنسبه للشحن الداخلي دايما بيتصلو قبل ما ييجيو ويحددو وقت الواحد يكون موجود فيه في البيت. و dhl بيعملو نفس الكلام انما أرامكس تيييييييييييييت وبقول تاني كلامي عن مكتب 6 اكتوبر معرفش ايه النظام في أي حته تانيه.

---

دول لا جابوا الحاجة ولا حتى اتصلوا وبصراحة مش فاهم ايه اللى يخليهم يتصرفوا هذا التصرف ! ما هو كده خسارة ليهم ورسوم شحن ضايعة الا لو كانوا بياخدوا نسبة من الشركة مثلا مقابل الشحن بغض النظر عن التسليم من عدمه !

اقتباس:

---

المشاركة الأصلية كتبت بواسطة rapid

دول لا جابوا الحاجة ولا حتى اتصلوا وبصراحة مش فاهم ايه اللى يخليهم يتصرفوا هذا التصرف ! ما هو كده خسارة ليهم ورسوم شحن ضايعة الا لو كانوا بياخدوا نسبة من الشركة مثلا مقابل الشحن بغض النظر عن التسليم من عدمه !

---

الشركة اللي حضرتك بتشتري منها بتدفع تمن الشحن وقت مل بتسلم الشحنه لشركه الشحن وسواء حضرتك استلمتها أو لاء كده كده شركه الشحن خدت فلوسها كل اللي بيحصل ان شركه الشحن تخلي الشحنه عندها كام يوم وبعدين ترجعها للمرسل وكده انتهى دورهم.

السؤال المهم. بتاع التوصيل بياخد تبس من العميل حتى لو مش كل العملا مش بيدوله طب ليه ميوصلش الحاجه؟ ده لغز مش قادر أحله وبصراحه مش شرط احله مادمت بعرف أخد حاجتي بطريقه تانيه.

خدمة زى الزفت عملت معهم اوردر من سوق و خدمتهم سيئة جدا جدا

موقع سوق وقع فى مصر خلالالالالالالاص عملاء كتير جدا اشتكوا من الخدمه بتاعته ومنتجاته المضروبه الى كلها صينى برخص التراب وبيبعها للعملاء بارقام

انا شايف ان موقع جوميا مش وحش ولو انى شايف انه غالى جدا جدا بيخاطب فئه معينه فى المجتمع وده عيب فيه مش ميزه لان اكبر شريحه هى المتوسطه بالاخص انك بتبقا شايف المنتج ارخص من كده بكتيييييير وهو هو

ينفع ماتستلمش طالما الميعاد عدى ولو حد كلمك قولو انك سافرت هو مالوش فيه وبعدين الميعاد ده هما بيبقوا عاملين حسابهم فيه زياده يومين

ماتستلموش ..

خلي سوق يعرف ان ارامكس بتخصره فلوس وعملاء

وبالتالي مع الوقت يسيبها وغيره يسيبها .. وتقع .. السىء ملوش مكان وسطينا خلاص

للأسف ان خدمة ارامكس في مصر في منتهى السوء ، كلم موقع سوق وبلغهم بمدى سوء خدمة التوصيل الخاصة بارامكس.

تحياتي.

هيه شركة اقل من المستوى حتى عندنا في السعودية مع سوق وارامكس بهدلة برضة انا بعتلهم شكوى وقلتلهم لو ما استلمتش الاوردر على يوم كذا مش هستلمه وبصراحة استلمته بعد اليوم ده بيوم او يومين بالكتير والحمد لله

اقتباس:

---

المشاركة الأصلية كتبت بواسطة Ahmed_Adham

الشركة اللي حضرتك بتشتري منها بتدفع تمن الشحن وقت مل بتسلم الشحنه لشركه الشحن وسواء حضرتك استلمتها أو لاء كده كده شركه الشحن خدت فلوسها كل اللي بيحصل ان شركه الشحن تخلي الشحنه عندها كام يوم وبعدين ترجعها للمرسل وكده انتهى دورهم.

السؤال المهم. بتاع التوصيل بياخد تبس من العميل حتى لو مش كل العملا مش بيدوله طب ليه ميوصلش الحاجه؟ ده لغز مش قادر أحله وبصراحه مش شرط احله مادمت بعرف أخد حاجتي بطريقه تانيه.

---

اقتباس:

---

المشاركة الأصلية كتبت بواسطة dedi

خدمة زى الزفت عملت معهم اوردر من سوق و خدمتهم سيئة جدا جدا

---

اقتباس:

---

المشاركة الأصلية كتبت بواسطة Secret-Man

موقع سوق وقع فى مصر خلالالالالالالاص عملاء كتير جدا اشتكوا من الخدمه بتاعته ومنتجاته المضروبه الى كلها صينى برخص التراب وبيبعها للعملاء بارقام

انا شايف ان موقع جوميا مش وحش ولو انى شايف انه غالى جدا جدا بيخاطب فئه معينه فى المجتمع وده عيب فيه مش ميزه لان اكبر شريحه هى المتوسطه بالاخص انك بتبقا شايف المنتج ارخص من كده بكتيييييير وهو هو

---

اقتباس:

---

المشاركة الأصلية كتبت بواسطة eleanor

ينفع ماتستلمش طالما الميعاد عدى ولو حد كلمك قولو انك سافرت هو مالوش فيه وبعدين الميعاد ده هما بيبقوا عاملين حسابهم فيه زياده يومين

---

اقتباس:

---

المشاركة الأصلية كتبت بواسطة DreAmO

ماتستلموش ..

خلي سوق يعرف ان ارامكس بتخصره فلوس وعملاء

وبالتالي مع الوقت يسيبها وغيره يسيبها .. وتقع .. السىء ملوش مكان وسطينا خلاص

---

اقتباس:

---

المشاركة الأصلية كتبت بواسطة MotorX

للأسف ان خدمة ارامكس في مصر في منتهى السوء ، كلم موقع سوق وبلغهم بمدى سوء خدمة التوصيل الخاصة بارامكس.

تحياتي.

---

اقتباس:

---

المشاركة الأصلية كتبت بواسطة #MAAM#

هيه شركة اقل من المستوى حتى عندنا في السعودية مع سوق وارامكس بهدلة برضة انا بعتلهم شكوى وقلتلهم لو ما استلمتش الاوردر على يوم كذا مش هستلمه وبصراحة استلمته بعد اليوم ده بيوم او يومين بالكتير والحمد لله

---

الف شكر يا جماعة على اهتمامكم وردودكم الطيبة. اخر التطورات بعت شكوى محترمة بلهجة حادة للشركتين سوق وارامكس على مواقعهم وصفحاتهم على الفيس ملخصها ان خدمة التوصيل عبارة عن تهريج والناس اللى شغالة مش مسئولة وان شركة ارامكس شركة كدابة بتقول راحت وملقتش حد واتصلت بالعميل على خلاف الواقع وبعت نسخة لمدير خدمة العملاء

امبارح الشركتين بعتوا اعتذار عالميل، سوق بتقول انها هتكلم ستاف شركة ارامكس فورا وهتحل المشكلة فى اقرب وقت، وارامكس بتقول احنا اسفين والطلب هيوصل تانى يوم، وبالفعل الاوردر وصل انهاردة بعد الضهر والمندوب بيقوللى يا فندم انا اتصلت بحضرتك من يومين والرقم كان معرفش فى ايه مرضتش احرجه واساله طب ازاى العميل مش موجود فى البيت وقلت يالا رمضان كريم

وبعد التسليم سوق بعتتلى استطلاع بتقولى هااا ساتسفايد ولا مش ساتسفايد
قولتلهم ساتسفايد وامرى لله :rfds:

كل سنة وانتم طيبين :giveflowers::7bteen:

طيب الحمد لله انك استلمتها والف مبروك ياباشا

الحمد لله انك استلمت على خير انا بقى مش هاشتكى
انا لاقيت اللى كنت عايزه واشتريته من بره ولو حد كلمنى هاقوله رجعها تانى انا مش عايزها كان فى ميعاد يوم 27-7

اقتباس:

---

المشاركة الأصلية كتبت بواسطة #maam#

طيب الحمد لله انك استلمتها والف مبروك ياباشا

---

الله يبارك فيك يا باشا

اقتباس:

---

المشاركة الأصلية كتبت بواسطة eleanor

الحمد لله انك استلمت على خير انا بقى مش هاشتكى
انا لاقيت اللى كنت عايزه واشتريته من بره ولو حد كلمنى هاقوله رجعها تانى انا مش عايزها كان فى ميعاد يوم 27-7

---

حقك طبعا