الموضوع: شيفرولة كروز 2012 ولا سيراتو 2012؟

الصراحة انا كنت ناوى اجيب النترا 2012 لكن طبعا كتير قلقونى من شكل العربية و ان السمكرى صعب يشتغل فيها

فاذا نقلنا للسيراتو و الكروز انهوا افضل و الاتنين موديل 2012
و صحيح موضوع ان الكروز حراقة بنزين؟؟؟

هي السيراتو اسرع طبعا استهلاك بنزينها اقل... اللي اعرفه ان استهلاك البنزين في الكروز اعلى شوية من الطبيعي في الفئة دي...

بس مقابل كده الكروز شكلها اشيك بكتير (في نظري)... زائد طبعا انها اتقل على الارض وعفشتها انعم.... عموما السيراتو الشل اللي فات عفشنها قاسية جدا جدا... وياريت ده كان مقابل ثبات جيد... بالعكس انا شايف انها زبااالة على السرعات العالية...

ورأيي برضه ان الكروز من العربيات القليلة في الكوري من الفئة دي اللي ثباتها جيد جدا... وتقدر تقول ممتاز كمان... بصراحة انا شفت انها اثبت من الكورولا وتقريبا زي الفلوانس... ده غير ان صاجها قوي جدا... وشكلها من جوه كمان احلى من السيراتو (ودي اذواق)...

بصراحة لو هجيب حاجة كوري 1600cc كنت هفكر في الكروز بصراحة... بس هات الهايلاين اللي فيها هوامل امان وجنط 17 هتبقى كويسة جدا معاك...

وبصراحة انا مش مقتنع بالسيراتو خالص من خلال شغلي وحاسس انها خفيفة على الطريق...