حسب جيبك يا معلم
لو انت هتدفع بريزة و لا يهمك يبقى وديها مركز و ارجع خدها بعد الفترة المتفق عليها و دور و امشى
لو عايز تستمع بالشغل فى العربية و تعرف راسك من رجليك يبقى اقف جنب حاجتك و اعملها فى كل ورشة لوحدها و وجهه نظرى
ميكانيكة فى الاول و بعد ما تخلص تمشى بالعربية اسبوع او اتنين علشان تتاكد انها مية مية و تدخل المرحلة اللى بعدها
عفشة بعد كدة و تمشى بيها برضوا شوية
كهرباء بعد كدة
سمكرة
دوكو
فرش
و بكدة الدنيا تبقى ارتاحت
لان اصعب حاجة لما تعمل ميكانيكة او عفشة او كهرباء و بعدين تقفل سمكرة و دوكو و تفاجى بان العربية فيها شغل ميكانيكى تانى و العربية تتبلبط شحم و قرف تانى
فخلص العربية كلها و اخر حاجة خالص خالص هى الفرش الداخلى و مبروك عليك
المفضلات