إستهلاك البنزين للبومه بعد صيانه ال10 تلاف إتجنن.و هايجنني !!!

**manfromegy** · 05-08-2013 02:08 PM

السلام عليكم أعضاء المنتدي.أنا معايا لانسر بومه 1600 موديل 2013 و من أسبوعين كنت عملت صيانه ال 10 تلاف في دايموند البرقال في المنصورة المهم من ساعتها مش عارف أحسب أستهلاك البنزين و حاسس إنه زايد شويتين.المهم النهارده فولت العربيه و عملت مشوار بالظبط 37 كيلو و التكييف شغال و علي سرعة لا تتجاوز 100 كيلو و فوجئت بأن المؤشر نزل شرطه بمعدل إستهلاك 6 لتر لل 37 كيلو و طبعا هي ما كانتش كدا قبل الصيانه و كان المعدل ما بين 60 و 70 كيلو علي ما أول شرطه تنزل .المهم إيه رأيكم في كلامي و تاني حاجه هل الريست للعربيه (بمعني فصل كابل البطاريه لحد ما عدادات الرحلات تصفر )ليه علاقه بإستهلاك البنزين لاني وانا خارج من دايموند البرقال لقيتهم عملوه والعدادات إتصفرت مش عارف ياريت رأيكم ياريت الأفادة و شكرا

**ahmedalaahosny** · 05-08-2013 04:19 PM

العربية افتحت نفسها للحرق بعد الصيانة هههههههههه

**manfromegy** · 05-08-2013 07:15 PM

المشاركة الأصلية كتبت بواسطة ahmedalaahosny

العربية افتحت نفسها للحرق بعد الصيانة هههههههههه

ربنا يستر

**manfromegy** · 06-08-2013 12:48 AM

95 مشاهدة ولا رد ايه يارجاله انتوا فين

**kazamodia** · 06-08-2013 08:00 AM

بص المؤشر ده مش دقيق ابدا يعني مثلا انا اللمبة عندي نورت فارحت حطيت ب 20 جنية لاقيت المؤشر بقا 3 شرطات وعلى ما رحت البيت وركنت لافيت البنزين زاد شرطة هههههههههههه يعني زاد مش قل كمان فهو مش دقيق وعليه عفريت
لاكن فعلا استهلاك العربية دي عالي اوي

**manfromegy** · 06-08-2013 09:29 AM

المشاركة الأصلية كتبت بواسطة kazamodia

بص المؤشر ده مش دقيق ابدا يعني مثلا انا اللمبة عندي نورت فارحت حطيت ب 20 جنية لاقيت المؤشر بقا 3 شرطات وعلى ما رحت البيت وركنت لافيت البنزين زاد شرطة هههههههههههه يعني زاد مش قل كمان فهو مش دقيق وعليه عفريت
لاكن فعلا استهلاك العربية دي عالي اوي

مهوا دا اللي مجنني لان العربيه معايا من شهر 12 السنه اللي فاتت و عارف إستهلاكها مش كدا خالص و عموما أنا رايح أكشف عليها في دايموند و كنت عاوز عنوان و تليفون المتخصصون في الاميريه لو سمحتوا لو لا قدر الله الدنيا ما ظبطتتش هناك