اول حاجة هتطلع على الاوتوستراد اتجاه حلوان وتفضل ماشى علطول لغاية ما تخلصوا وتوصل مدينة 15 مايو .........بعد كده هتلاقى يافطة مكتوب فيها طريق الكريمات هتمسك الطريق ده علطول لغاية اسيوط.
الطريق ده مزدوج و مفتوح وتعرف تجرى فيه براحتك بس مفيهوش خدمات غير فى بنزينات وطنية بس اللى موجودة فى ( الكريمات - المنيا - اسيوط )
بعد ما تعدى بوابة اسيوط قدامك حل من تلاتة:
1- هتخش يمين وتاخد الصحراوى الشرقى ... بس الطريق ده عيبه انه فردى و ضيق جدا( طوله تقريبا 130 كيلو )
2- هتخش يمين برضه و تعدى دخلة الصحراوى الشرقى و تطلع الكوبرى اللى على النيل و تنزل نزلة الطريق الزراعى.....الطريق ده برضه فردى وواسع بس زحمة ومليان مطبات علشان بتعدى على كل القرى و المراكز- حوالى 80 مطب من اسيوط لسوهاج - طوله تقريبا 100 كيلو
3- هتكمل علطول بعد بوابة اسيوط لغاية بعد 3 ك تقريبا هتلاقى طريق الصعيد - البحر الأحمر ....الطريق ده فردى برضه بس فاضى خالص و مفيهوش استراحات غير قبل سوهاج ب 50 ك( طوله 160 كيلو )
انا عن نفسى بفضل الأختيار التالت عن تجربة وانا عموما باخدها من القاهرة لسوهاج فى 4 ساعات بس - 6 ساعات لو عربية على قدها شوية
توصل بالسلامة ان شاء الله
المفضلات