بنزين مغشوش ...!!! وعاوز اعرف افضي تانك الماروتي ازاي

السلام عليكم ورحمه الله وبركاته

اولا كل سنه وانتوا طيبين ويا رب عيد فطر سعيد على كل اعضاء المنتدى

,تحيه خاصه لنسور السوزوكي
وكالعاده جاي ومعايا مشكله جديده:waaaht:

انا حطيط بنزين استغفر الله العظيم مش عارف خالطينه بايه
من ساعتها العربيه مفيش سحب وبتفصل وفين وفين على ما بدور لازم استنى لحد
ما العربيه تبرد وبعدها ادور وبتروح خالص والدنيا بايظه , عطلت بيا عند شيل التجمع وقالي البنزين ده مخلوط بزيت او حاجه لزجه مخلياه تقيل ومش بيتسحب بسهوله ..!!!!

دلوقتي عاوز افضي البنزين الي فيها افضيه ازاي كنت عاوز اجيب خرطوم وكدا بسي المكانيكي ال فالبنزينه قالي ان فيه مصفاه والخرطوم مش هيوصل للاخر ومش هينفع ومفيش طبه ممكن افضي منها البنزين والعربيه مش نافعه تمشي بالمنظر ده يا ريت اي حد جرب فضى البنزين من ماروتي يقلي عمل ايه ؟

متهيألى مفيش حل غير ان الميكانيكى يفك التانكــ وينضفه

حل من الاتنين ياما تفك التانك خالص و يتغسل
ياما تجرب تفك الخرطوم اللي جايب من التانك يمكن ينزل كله
بس طالما شاكك بوجود مواد يبقي الأفضل تروح لميكانيكي يفكه و ينضفه اعتقد تكلفة الفك و التركيب في حدود 50-80 ج ع ما اتذكر يعني

بص في مكنة كدة هتلاقيها في البنزينات موبيل النظيفة في مصر الجديدة بتشفط البنزين البايظ من التانك و تحط فية مياة مخلوطة بحاجة كدة شبة الصابون عشان تنظفة بعد كدة تروح تمون العربية و تحط معاها محسن اوكتان و منظف الرشاشات و الكربرتير دة حل اما الحل التاني تروح للميكانيك يفكلك التانك و ينظفة كويس بايدة و كمان يفك الفلتر بتاع البنزين عشان اكيد فية مادة لزجة سداة مطرح البنزين المغشوش و يشيك على الرشاشات الانجكشن و لو كربرتير ينظفة لان دورة البنزين في العربية كلها اكيد اتاثرت من البنزين البايظ و معلش الحمد لله جت في حاجة بسيطة ربنا يباركلك فيها و يكفيك شرها متزعلش ناس زبالة معندهاش ضمير ربنا ينتقم منهم تكلفة المكنة و تنظيف الرشاشات و الفلتر حوالي 120 انا بعملها كل فترة كدة عشان انظف العربية من اي شوائب

والله علي ما اعتقد كل العربيات بيبقي فيهاا طبة حاجة كده زي المسمار تحت بتتفك وبتنزل منها البنزيين مش عارف موجودة في الماروتي ولا لا بص مش هتخسر حاجة

ملهاش لزمة تفك التانك خاااااااااالص
1- هتشترى فلتر بنزين بيبقى بحوالى 30 جنيه
2- و يبقى معاك جركن فيه بنزين نظيف
3- و تيجى عند العجلة الخلفية شمال و ترفع بالكوريك و تفك العجلة
4- هتلقى فلتر البنزين ورا العجلة داخل علبة حديد
العلبة الحديد مربوطة بمسمارين 10 هتفكهم ببيبه 10
5- و هتلاقى الفلتر داخل فيه خرطومين بأفيز واحد جاى من التانك و واحد رايح على ناحية الكبوت ... هتفك الفلتر من الخرطومين هتلاقى البنزين اللى فى التانك كله نازل
6- طبعا خللى بالك يبقى معاك اى حاجة تفضى فيها البنزين علشان خطر انك تنزل البنزين على الارض علشان لو فيه سيجارة مرمية هنا و لا هنا
7- بعد كدا هتركب فلتر البنزين الجديد و تربط كل حاجة و تحط بنزين من الجركن على نظافة و كارك بنزين قبل ما تدور علشان تحضر بنزين للكاربراتير علشان تدور على طول
8- بعد الدوارة بص على فلتر البنزين علشان تتأكد ان مفيش اى تسريب بنزين من عند الافيزات

اقتباس:

---

المشاركة الأصلية كتبت بواسطة alking_2006

ملهاش لزمة تفك التانك خاااااااااالص
1- هتشترى فلتر بنزين بيبقى بحوالى 30 جنيه
2- و يبقى معاك جركن فيه بنزين نظيف
3- و تيجى عند العجلة الخلفية شمال و ترفع بالكوريك و تفك العجلة
4- هتلقى فلتر البنزين ورا العجلة داخل علبة حديد
العلبة الحديد مربوطة بمسمارين 10 هتفكهم ببيبه 10
5- و هتلاقى الفلتر داخل فيه خرطومين بأفيز واحد جاى من التانك و واحد رايح على ناحية الكبوت ... هتفك الفلتر من الخرطومين هتلاقى البنزين اللى فى التانك كله نازل
6- طبعا خللى بالك يبقى معاك اى حاجة تفضى فيها البنزين علشان خطر انك تنزل البنزين على الارض علشان لو فيه سيجارة مرمية هنا و لا هنا
7- بعد كدا هتركب فلتر البنزين الجديد و تربط كل حاجة و تحط بنزين من الجركن على نظافة و كارك بنزين قبل ما تدور علشان تحضر بنزين للكاربراتير علشان تدور على طول
8- بعد الدوارة بص على فلتر البنزين علشان تتأكد ان مفيش اى تسريب بنزين من عند الافيزات

---

+1
بس تصحيح بسيط...
الفلتر قدام العجله مش وراها....

تحياتي

Sent from my Xperia Arc S using Forum Runner

شكرا ليكوا يا شباب والله الواحد مش عارف يقولكوا ايه
الحمد لله رحت للميكانيكي فكلي الكوعه الي تحت واصله بالتانك ودخل خرطوم وفضينا التانك
ونضفناه بكومبريسور الهواء ونضف الكربياتير والحمد لله كلو تمام بسي لسه مجربتهاش
لان الدنيا كانت زحمه وفيه مسيره مؤيده فهجرب بليل بأذن الله معلش تعبتكوا معايا

اقتباس:

---

المشاركة الأصلية كتبت بواسطة mohamedhagrass

شكرا ليكوا يا شباب والله الواحد مش عارف يقولكوا ايه
الحمد لله رحت للميكانيكي فكلي الكوعه الي تحت واصله بالتانك ودخل خرطوم وفضينا التانك
ونضفناه بكومبريسور الهواء ونضف الكربياتير والحمد لله كلو تمام بسي لسه مجربتهاش
لان الدنيا كانت زحمه وفيه مسيره مؤيده فهجرب بليل بأذن الله معلش تعبتكوا معايا

---

مبروك الاصلاح
بس معلش عايز افهم هيا ايه الكوعه اللى فكها دى و فين؟
قصدك الكوعه اللى جاية من ناحية باب تانك البنزين؟

اقتباس:

---

المشاركة الأصلية كتبت بواسطة mohamedhagrass

شكرا ليكوا يا شباب والله الواحد مش عارف يقولكوا ايه
الحمد لله رحت للميكانيكي فكلي الكوعه الي تحت واصله بالتانك ودخل خرطوم وفضينا التانك
ونضفناه بكومبريسور الهواء ونضف الكربياتير والحمد لله كلو تمام بسي لسه مجربتهاش
لان الدنيا كانت زحمه وفيه مسيره مؤيده فهجرب بليل بأذن الله معلش تعبتكوا معايا

---

مبروك و كل سنة و انت طيب اطلع على طريق سريع كدة جربها و شوف السحب بقى شد شوية و اتاكد انها رجعت زي الاول بس خلي بالك :) :)