-
تعريق زيت على وش السلندر
معايا مكنة tvs هندى180 عاملة حوالى 5000 كيلو عندى فى تعريق زيت على وش السلندر بتاع البوجية بس من الناحية التانية اللى مش راكب فيها البوجية يعنى من جنب واحد وهو بيزيد حاجة بسيطة قوى مع الآستخدام اليومى يعنى بيكون باين قوى وملحوظ بعد أخر الآسبوع يعنى حوالى يكون مشى 300 كيلو وطبعا بيعمل تراب لو سبتة أسبوع من غير ما أمسح الفواصل العليا بتاعت السلندر من برة طبعا لآن الزيت بيرشح من الفاصل اللى فوق اللى قافل وش السلندر بس من الجنب الشمال عكس مكان البوجية والمسامير بتاعت وش السلندر مربوطة كويس .. يا ترى هل التعريق دة يبقى كدة فى مشكلة أو تأثر على حاجة على الرغم من عدم ملاحظة أى فرق فى أداء المكنة ومستوى المكنة ثابت ولا يضعف ... وما المطلوب عملة لآصلاح المشكلة ..
وجزاكم الله خيرا
-
تقريبا نوع الزيت اللي بتحطه خفيف عشان حصل معايا الموضوع ده بعد ما غيرت ل شيل الازرق وممكن يكون سبب تاني ياريت الاعضاء يفيدونا
-
أنا بحط زيت شيل x3 هو زيت موتسيكلات أصلا .. هل موضوع ثقل أو خفة الزيت لية علاقة يا بشمهندسين ولا فى أسباب تانية .. وما هو السبب الآكثر واقعية
وجزاكم الله خيرا
-
-
يا ريت اللى يعرف معلومة يفيدنا بيها يا شباب
وكل عام وأنت بخير وتقبل الله منا ومنك صالح الآعمال
-
اول حاجة يا فندم لازم نبتديها خطوة خطوة
هل في سيرفس اتعمل في الموتور قريب ومن بعد السيرفس دا ابتدي يحصل كدة؟
لو محصلش سيرفس قريب هيبقي في فرض من الفرضين
اولا نوعية الزيت خصوصا زيوت الموتوسيكلات الموجودة في مصر وبعض انواع الزيوت الاحادية دي للاسف في منها المضورب كتير وبيبقي عليها مواد بتتبخر وتطلع علي شكل تعريق وهتبقي ظاهرة قوي في اماكن الجوانات و طبة الزيت
تاني فرض يكون البيك وقع علي الجنب دا او حاجة خبطة عملت شرخ صغير (الشروخ مبتبقاش ظاهرة علي شكل شكل بتبقي عاملة زي الخربوش يكاد لا يذكر ) هي اللي عاملة كل الحكاية دي
طيب من غير ما نستعجل الاحداث اول حاجة هنعملها لو مكنش البيك عامل سيرفس قريب
هنغسل المكان اللي بيعرق زيت دا جامد ببنزين ونكشف كويس في الحتة دي علي اي اثار لخرابيش او اي حكة حتي لو كانت صغيرة
لو ان شاء الله مفيش اي حاجة
هنقوم منزلين الزيت اللي في البيك ونغير بزيت تاني (يستحسن من الزيوت المعروفة )
قبل ما ندخل علي الحزئية التانية اللي ان شاء الله مش هندخل عليها والمشكلة هتتحل قبليها
معاليك قلت انك بتحط للبيك ....l HX3 اللي هو الجركن الاحمر
لو حضرتك بتغير الزيت بنفسك اتاكد من الجركن مكتوب علي 20W50 multi grade
ولا w50 ono grade
وللاسف الجركنين ميتفرقوش عن بعض خالص الا اللي يدقق في الخواص في ضهر الجركن دا غير ان الاتنين في نفس السعر
لان الزيت w50 بس دا يعمل اكتر من اللي حضرتك بتقول عليه بكتير لو حضرتك بتغير الزيت في محل روح قولة وريني انت غيرتلي الزيت بانهي جركن او جرجرة في الكلام اكن معاليك هتغير زيت وشوف وقبل ميغير زيت اقفش منو الجركن :D
لزوجة الزيت ليها عامل كبير قوي في التعريق او ان الزيت يتبخر
اول حاجة هنعملها نتاكد بس من الزيت ونغسل المكان ونكشف عليه
-
جزاك الله خيرا يا بيدو وهتأكد من موضوع الزيت و أبص على المكنة تانى وهراجع عليها
وجزاك الله خيرا
-
بسم الله الرحمن الرحيم
انا غاوى موتوسيكلات وعاوز اشترى موتوسيكل عملي وخفيف وقطع غياره متوفرة ورخيصة
ممكن اطلب من السادة اعضاء المنتدى الكرام والخبراء افادتى باجزاء الموتور وكل قطع فى الموتوسيكل ووطيفة كلاً منها وعلاقتها بالاخرى.
ولكم جزيل الشكر،،،
Content Relevant URLs by
vBSEO 3.6.0 PL2