سهوله الصيانه

**khmt1970** · 07-08-2013 11:50 PM

المشاركة الأصلية كتبت بواسطة m i d o

ودي مشكلة العربية ان شغلها معقد شوية ويفضل ان الاستاذ يروح التوكيل مرة وياخد ارقام الصنايعية الي هناك هتلاقيهم فاتحين ورش برة دول اكتر ناس هيبقو فاهمين في العربية كويس وهيعملو نفس شغل التوكيل بتكلفة اقل

هى طبعا فكره جميله جدا بس الواحد لا قدر الله لو عطلت منه فى اى مكان مثلا لو مسافر او على طريق ماذا سيفعل هى دى الفكره لا بديل غير ونش الانقاذ والذهاب الى الميكانيكى المتخصص الى تعرفه وراح عليك المشوار او السفريه حاجه تحير العربيه عجبانى جدا جدا بس النقطه دى قلقانى شويه وزى ما قلت للاستاذ هوجان حستخير ان شاء الله شكرا لك استاذ ميدو على ردوك ومجهوداتك فى الرد على تساؤلات اعضاء المنتدى وكل سنه وحضرتك طيب

**abdulhafeez** · 10-08-2013 11:13 PM

بالنسبة لعفشة الاسبيرانزا اي بتاع عفشة يقدر يشتغل فيها

وبالنسبة للميكانيكا برضو الموضوع مش معقد قوي كدا

هي بس المشكلة في عمرة وش السيلندر لان مش اي حد بيقدر يعملها بنجاح فيها سر مهنة كدا
ما ينفعش تتعمر زي البيجو او 128 علشان كدا طلعت فكرة ان ماتورها معقد

انا بصلح عند ميكانيكي بيصلح الشاهين واللادا والفيرنا والميكروباص الترمكو كمان ..... والراجل فاهم في العربية وزي الفل .......... بعمل عنده كل الصيانات ....

**M I D O** · 11-08-2013 12:04 AM

المشاركة الأصلية كتبت بواسطة khmt1970

هى طبعا فكره جميله جدا بس الواحد لا قدر الله لو عطلت منه فى اى مكان مثلا لو مسافر او على طريق ماذا سيفعل هى دى الفكره لا بديل غير ونش الانقاذ والذهاب الى الميكانيكى المتخصص الى تعرفه وراح عليك المشوار او السفريه حاجه تحير العربيه عجبانى جدا جدا بس النقطه دى قلقانى شويه وزى ما قلت للاستاذ هوجان حستخير ان شاء الله شكرا لك استاذ ميدو على ردوك ومجهوداتك فى الرد على تساؤلات اعضاء المنتدى وكل سنه وحضرتك طيب

الشكر لله وحدة يا باشا وموفق في الشراء ان شاء الله وعيد سعيد

**abdulhafeez** · 11-08-2013 10:58 PM

المشاركة الأصلية كتبت بواسطة khmt1970

كلام حضرتك مشجع وازال بعض الخوف شكرا لك

العربية كانت بتسخن ودخت فيها وفي الآخر صلحهالي صبي ميكانيكي وطلع في سدادة في الريداتير من تحت بتدخل هوا وربطها وتمام

بعدها انا رحت بنفسي عملت غسيل لدورة مياه العربية والحرارة بقت تمام خالص

الدنيا فعلا ابسط بكتير من اللي الناس فكراه

**hemaa_82** · 13-08-2013 01:00 PM

يا اخوانا الفكرة ان في تغيير الكاتينة بيكون في مثبت للتروس "اسمها مسطرة كاتينة" و دي بتكون بالمقاس للعربية حسب مقاس تروس الكاتينة ... فالميكانيكية في الطبيعي مبيجيبوهاش فمبيعرفوش يغيرو الكاتينة و اللي بيجرب باي هبل بيركب غلط و من هنا بقت اووووووببببببباااااااا عربية صيانتها صعبة ...

انما اللي بيشتغل و معاه الاجهزة من اسكانر و مسطرة كاتينة مبيلاقيش اي مشكله في اي حاجة

العلم نور مش اكتر و مش اي حاجة تيجي بالدراع