عرض للطباعة
السلام عليكم ورحمة الله وبركاته
كل سنه وانتوا طيبين
دى اول مره اروح فيها مرسى مطروح ومحتاج استفساراتكم
ايه اجمل مكان فى مرسى واهدى ويكون على البحر والبحر بتاعه يكون نضيف مافيهوش صخور ورايق
وحد هنا يعرف حد بياجر شاليهات على البحر ويكون سعره حلو مش غالى
ياريت تجاوبونى مع العلم انى عايز اروح بعد يوم 20
ولو فى ارقام تليفونات للى هحجز معاهم اكتبوهالى
تحياتى لكم
متابع بس انت هيجيلك قلب تسافر فى اللبش ده المسافه دى كلها
احسن شواطئ الغرام الوبيض دول احسن شواطئ وغرام لة ميزة ممكن تروحة بالمركب والوبيض في موصلات من سوق اسكندرية
السلام عليكم
حضرتك اول ما توصل مرسى مطروح وتاخد شارع الاسكندرية لحد البحر حتبقي مطروح مقسومة نصفين
اليمين فيه شواطء هادية جدا ورملة زي المخيل والكناري في باب البحر ودول عند الكبري الجديد اللي بيوضل البلد بشاطئ روميل وكل الشواطئ دي امااااااااان جدا للاولاد لان ارتفاع الماء صغير جدا ومفيش موج ابدا
الناحية الشمال قيها شواطئ كنير وميتهم احلي واجمل انما في موج واعلي زي الابيض وعجيبة ودي اماكم حلوة للفسحة والفرجة علي الطبيعة
بالنسبة للاقامة عندك 3 حلول
اولا الفنادق ودي موجودة في شارع الاسكندرية حول مبنى المحافظة وانا جربن منهم فندق اسمه الاسرة السعيدة وكان كويس سعر الاقامة حسب الموسم من 70 الي 300 ج
ثانيا الشقق الفندقية ودي عمارات تقدر تاجر فيها شقة لكن فيها خدمات اكتر وموجودة في كل مطروح افضل الشقق دي اللي انا جربنتها في عمارة بجانب مصيف التطبيقيين قريبة من وسط البلد لكن لا ترى البحر بس شقق نظيفة جدا وواسعة 3 عرف 2 حمام مطبخ وريسبشن السعر 100 الي 500 حسب الموسم
ثالثا الشقق العادية ودي مفيش اكثر منها افضل شقة جربنها كانت في بابا البحر وده في نهاية الكرنيش في عمارة بتاعة عرباوي اسمه الحاج مراجع وكمان في عمارة ممتازة امام مبنى المحافظة السعر 70 الي 1000 ج حسب الموسم
انا عارف انك مستغرب من التفاوت في الاسعار بس هي مطروح كده انا رحتها متييير وفي شقق اخدتها ب 70 ج وفي نفس السنة اروح تاني اخد نفس الشقة من نفس الراجل ب 500 ج في اليوم فمثلا في العيد الاسبوع الجاي الشقق ممكن توصل 1500 ج في اليوم انما قي اول شهر 9 تلاقي 70 او 100
ارجو ان اكون افدتك واهلا بيك لو في اي استفسار
رحلة سعيدة
تعديل بعض الاخطاء والمعلومات
السلام عليكم
حضرتك اول ما توصل مرسى مطروح وتاخد شارع الاسكندرية لحد البحر حتبقي مطروح مقسومة نصفين
اليمين فيه شواطئ هادية جدا ورملة زي النخيل والكناري في باب البحر ودول عند الكبري الجديد اللي بيوضل البلد بشاطئ روميل وكل الشواطئ دي امااااااااان جدا للاولاد لان ارتفاع الماء صغير جدا ومفيش موج ابدا
الناحية الشمال قيها شواطئ كنير وميتهم احلي واجمل انما في موج واعلي زي العوامي الابيض وعجيبة ودي اماكن حلوة للفسحة والفرجة علي الطبيعة
بالنسبة للاقامة عندك 3 حلول
اولا الفنادق ودي موجودة في شارع الاسكندرية حول مبنى المحافظة وانا جربت منهم فندق اسمه الاسرة السعيدة وكان كويس سعر الاقامة للغرفة المزدوجة حسب الموسم من 70 الي 300 ج
ثانيا الشقق الفندقية ودي عمارات تقدر تاجر فيها شقة لكن فيها خدمات اكتر وموجودة في كل مطروح افضل الشقق دي اللي انا جربتها في عمارة خلف جامع العوامي ترى البحر واخرى بجانب مصيف التطبيقيين قريبة من وسط البلد لكن لا ترى البحر بس شقق نظيفة جدا وواسعة 3 عرف 2 حمام مطبخ وريسبشن السعر 100 الي 700 حسب الموسم
ثالثا الشقق العادية ودي مفيش اكثر منها افضل شقة جربتها كانت في بابا البحر وده في نهاية الكرنيش في عمارة بتاعة عرباوي اسمه الحاج مراجع وكمان في عمارة ممتازة امام مبنى المحافظة السعر 70 الي 1000 ج حسب الموسم
انا عارف انك مستغرب من التفاوت في الاسعار بس هي مطروح كده انا رحتها كتييير واحياناً مرتين في السنة وفي شقق اخدتها ب 70 ج وفي نفس السنة اروح تاني اخد نفس الشقة من نفس الراجل ب 500 ج في اليوم فمثلا في العيد الاسبوع الجاي الشقق ممكن توصل 1500 ج في اليوم انما قي اول شهر 9 تلاقي 70 او 100
ارجو ان اكون افدتك واهلا بيك لو في اي استفسار
رحلة سعيدة
انت راجل 100 100اقتباس:
المشاركة الأصلية كتبت بواسطة mo7a_mo7a
معاك ارقام تليفونات للناس االى بتاجر منهم ولا بتروح وتدور هناك على الاسعار وتختار وانتا هناك
طبعا معايا ارقام الناس
بس ولا ليها اي 30 لازمة
لان في مطروح صعب اي حد يديك سعر او اي شئ في التليفون ومستحيل انه يحجزلك في التليفون مستحيل مستحيل
خصوصا وان حضرتك اول مرة تروح
في واحد هناك قعدت عنده 5 مرات ويعرفني كويس ورغم كده مينفعش ابدا يحجز في اليومين دول بالتليفون لانه بيدور علي اعلي سعر لشقته
افضل حل سعادتك توصل الصبح بدري وتروح شاطئ كويس وتاجر برجولة او شمسية وتخلي الاسرة تهيص وبعدين تاخد عربيتك وتنطلق سيادتك
وخلال ساعة ان شاء الله حتكون اجرت شقة تحط شنطك وترجعلهم تقضي باقي اليوم ((( ومتنساش تفاصل كويس)))
وفي مطروح الموضوع سهل جدا ومش محتاج سمسار ببساطة كل العمارات اللي انت شايفها في وسط البلد او علي البحر او في الشوارع الرئيسية دي للايجار لان اهل البلد ساكنين قرب الاسواق وعلي الاطراف ومش محتاج سمسار ابدا زي اسكندرية
مجرد تنقي العمارة اللي تعجبك وتخش تسال علي السعر واذا كان في شقق فاضية
نصيحة
انا رحت حتت كتير في مصر وبرة مصر كمصايف افضل مصيف في العالم هو مطروح
ولو رحت مرة حيبقي ادماااااااااان ادمااااااااان
ولو تحب اقترح عليك برنامج كويس للرحلة يحققلك اعلي استفادة من الوقت ومتعة حقيقية ان شاء الله حددلي بس عدد الايام وانا تحت امرك
تحياتي
مش هقدر افيدك اكتر ولكن احب اقول للك انك هتكون مبسوط جدا جدا بمرسى مطروح وهناك سوق ليبيا زى مابيسموه وسينمات وكافيهات والسيرك .... الاسعار عاديه والجو هايل وجميل وكل سنه وحضرتك بخير .
افضل مصيف فى مصر هى مطروح وافضل شاطئ فى مطروح هو الشاطئ الابيض فظييييع بجد
بلد جميلة وطبيعة رائعة
الطريق آمن لو طلعت صحراوي اسكندرية واخدت طريق الساحل كله متقلقش بإذن الله، أطول شوية من طريق العلمين بنسبة بسيطة بس خدماته اكتر ومأهول عن العلمين
لو حابب تروح تقعد في عجيبة جنب جبل عجيبة ولو حضرتك من هواة الهدوء والطبيعة ممكن ارتبلك مكان (لأسرة) شاليه على البحر والشاطىء رملي في قرية عجيبة نفسها واسعار تمام وأمان. ابعتلي على الخاص وميهمكش بس تبقى عارف إنها بعد مطروح بحوالي 28كم غربا (جبل عجيبة)