-أنا شايفك كاتب أنك من المنصورة لو الأوبل و الفليونس مش منتشرة هناك يبقى بلاش منهم
عرض للطباعة
-أنا شايفك كاتب أنك من المنصورة لو الأوبل و الفليونس مش منتشرة هناك يبقى بلاش منهم
ـ الاوبل منتشرة بس انا فرق السعر مش هعرف ادفع اكتر من كدا و سوقت النترا علي الطريق 100 120 كانت كويسه بس ال رينو مش حاسس انها عمليه
-خلاص هات الالنترا بس مشكلتها الوحيدة ان مفيش Immobilizer بس كده بس ممكن تركب فعلا فصل الكهرباء ده في التوكيل...مبروك مقدما
ـ طيب معلش مطول عليك ايه الفرق بين ال immobilzer و نظام فصل الكهربا ده
-ال immobilizer ده زي جهاز بيستخدم شفرة على المفتاح في شل حركة المحرك بحيث ان الموتور عمره ما هيشتغل بدون الشفره دي بس العربية ممكن تتقطر عادي
- فصل الكهرباء ده بيفصل مثلا عن طلمبة البنزين و لو حرامي بيسرق وواخد راحتة و فاهم ممكن يدورها و يتخطى الجزئية دي
ـ النترا 2013 highline ولا cruz highline
-ك package الCruze هتكون أحسن (ثبات و عربية من General Motors ) .. أنا بحس الكروز أكثر فخامة
-بس انا مش شايفها منتشرة كمان التوكيل معرفش أيه نظامه الناس بيشتكوا منه منصور بس أنا مش أتعاملت معاه
-غبور أنا جربته فرع العبور مش سيئين زي م الناس بتقول
-بص برده على لانسر شارك
رايي تزود شوية وتخليك في الالماني افضل بكتير وحاليا قطع الغيار بقت كلها متقاربة سواء كوري او ياباني او الماني وسيبك من حتة اعادة البيع دلوقتي هوة انت لسة اشتريت العربية عشان تفكر تبيعها
بالنسبة للعربية فهى مميزاتها حلوة جدا واسعة و قويه و فتيس سلس وتصميم داخلى حلو جدا و تعتبر best valueبالنسبة لثمنها ده كمجمل طبعا بالمقارنة مع الفئات المنافسة
اما العيوب فهى عيوب ظهرت فى بعض العربيات موديل 2012 و كانت علبة الدريكسيون و بتتغير فى التوكيل بالنسبة 2013 مظهرش العيب ده فيها حتى الان و الله اعلم
2 - عدم وجود الايموبلايزر الا فى الفئة العالية منها
3- العربية تصميمها الخارجى و السوكتين اللى فى الجنب مخلينها تبقى عرضة انها تتحك فلازم الواحد يبقى صاحيلها شوية
بس الحاجات دى مش العيوب اللى تخلى قرار الشراء يتراجع عنها أنا شخصيا حجزتها النهاردة
و مبروك مقدما