أنا بأفكر جديا اجيب سكوتر و لقيت الانسب البيجو ...بس لقيته اغلي من باقي الانواع بفرق كبير ... فهل هو يستاهل الفرق؟؟؟
ارجو من حد مجربه انه ينقلنا تجربته و اسعار الصيانة في التوكيل و قطع الغيار ....
شكرا مقدما :)
عرض للطباعة
أنا بأفكر جديا اجيب سكوتر و لقيت الانسب البيجو ...بس لقيته اغلي من باقي الانواع بفرق كبير ... فهل هو يستاهل الفرق؟؟؟
ارجو من حد مجربه انه ينقلنا تجربته و اسعار الصيانة في التوكيل و قطع الغيار ....
شكرا مقدما :)
متابع
أنا هرد ع حضرتك رد مالوش علاقة بأن البيجو كويس ولا وحش ..
ولكن هرد بناء ع ان حضرتك غالبا ملكش تجربة فى قيادة الاسكوتر ولسه عاوز تشوف الدنيا فيها ايه وتجرب الفكرة ..
أنصحك تجيب سكوتر رخيص وبلاش تبدأ مع البيجو .. لإن ممكن بعد التجربة تلاقي نفسك مش مرتاح فيها او مكانتش بالشكل اللى حضرتك تصورته .. ف الحالة دي مش هتزعل ع الفلوس اللى دفعتها ف سكوتر رخيص .. لإنك هتبيعه بهامش خسارة قليل نسبياً أو هتحتفظ بيه ومش هتحس انك أتجرحت او أتزنقت ف الفلوس بتاعته ... ولو التجربة كانت موفقة وعجبتك ممكن تبيعه وتكمل وتجيب البيجو وإنتا حاسس بالثقة تجاه الخطوة دي ..
إنما البيجو غالي جدا وممكن لو تجربتك ف عالم الاسكوتر كانت غير موفقة هتتضايق اوووي لما تلاقي نفسك أتورطت ف سكوتر بالمبلغ الكبير ده ..
أنا أشتريت موتوسيكل بمبلغ صغير نسبياً وكانت التجربة غير موفقة وعاوز أبيعه .. والحمدلله إني مش اشتريت موتوسيكل غالي وإلا كنت هزعل اوووي اووووي
بص حضرتك الاسكوتر لو ب 100 الف جنية مش هيديك الاداء الى انتا متخيلوا لان الاسكوتر تصميمو معمول للسيدات فا مش هيبقا بلسحب ولا بلسرعة الى انتا متخيلها انتا ممكن ب 15 الف تجيب حتة هوندا cb400 sf حاجة معتبرة كفاية انها هوندا يابانى 400 سى سى 4 سلندر الخ الخ الخ سريعة وشديدة وقوية جدن ومعمرة بمعنى الكلمة وليها سوق فى البيع لاكن الاسكوتر فى بيعوا تقريبن مفيش انصحك بعدم الاقتراب من الاسكوترات لاءنها غالية على الفاضى
اشكركم ع ردودكم يا جماعة ...بس مع احترامي انتو لا سألت عن استخدامي و لا اي حاجة و لا كان الرد في صلب الموضوع ...و انا والله كان في دماغي اللي بتقولوه ده بس شيلته لاعتبرات معينة ...
و قصة السكوتر معمول للحريم ...ده "تاتش " مصري رخيص الصراحة :)