سيلك الموبينه اتقطع وغيرته وما ردتش تدور

السلام عليكم

حاجه غريبه اوى

امبارح العربيه اتنهدت منى مرتين وكنت مستغرب بس عديتها
وبعدين النهارده جيت ادور واطلع دارت عادى وبعدين بطلت وانا ماشى تلات اربع مرات ما حطتش فى دماغى وقولت يمكن علشان العربيه بارده

وبعدين بطلت قبل البيت بحاجه بسيطه روحت مدور وركنت على طول واول ما ركنت روحت مبطل وبعدين لقيت نفسى قدامى فاضى قولت اطول قدام شويه علشان ماحدش يخبطها من ورا

جيت اطلع قدام بدور مش راضيه تدور فى ايه ياعم
دور تانى ودوس بنزين مافيش دوس بنزين كتير ودور برضه مافيش

المهم شرقت وما رضتش تدور ابدآ
فتحت الكابوت قولت ابص على سلوك البوجيهات والموبينه واراجع عليهم
زقيت كام سيلك بوجيه وجيت عند سيلك الموبينه بزقه لقيته راح واقع ببص جواها لقيتها مفحمه فى ايه ياعم اتاريها اتقطعت وفكت من بعض ولقيت سن سلكة الموبينه لسه محشوره فى الاسبراتير

روحت شايلها ببنز وكان معايا سلكه تانيه روحت حاططها وقولت كده الحمد لله مافيش حاجه

جيت ادور مافيش دوست بنزين برضه مافيش كاركت بنزين مافيش

روحت رايح للميكانيكى صحبى قولتله فى ايه راح شايله العمه وراح دايس على سلك الاكسلاتير للاخر وقالى دور دورت راحت دايره

طب انا مش فاهم هو عمل ايه فرق عن اللى انا عملته ؟

ما انا كنت بدوس بنزين وبكارك بنزين ومارضتش تدور

هو تقريبا اللى حصل ان العربيه شرقت بنزين بسبب انك قعدت تدوس بنزين كتير وانت بتدور

اقتباس:

---

المشاركة الأصلية كتبت بواسطة besso

هو تقريبا اللى حصل ان العربيه شرقت بنزين بسبب انك قعدت تدوس بنزين كتير وانت بتدور

---

بس هو اللى عمله ما يشرقهاش ؟
انه داس على سلك الاكسلاتير للاخر هو المفروض ايه اللى يحصل لو هى شرقت ؟

الفرق انه فك عمة الكاربراتير فالعربية خدت كمية هواء زياده على قد البنزين الكتير فادارت وطبعا عبال مارحتله كان 1/2 البنزين اللى فى الكاربراتير طار انت لو فكيت العمة ونفخت فى الكاربراتير كانت دارت معاك تحياتى !!

اقتباس:

---

المشاركة الأصلية كتبت بواسطة aw2100

الفرق انه فك عمة الكاربراتير فالعربية خدت كمية هواء زياده على قد البنزين الكتير فادارت وطبعا عبال مارحتله كان 1/2 البنزين اللى فى الكاربراتير طار انت لو فكيت العمة ونفخت فى الكاربراتير كانت دارت معاك تحياتى !!

---

الف شكر يا باشا هو فعلآ كده جزاك الله كل خير يا استاذ وليد الواحد حمد ربنا انها عملت كده بعد ما ركنت لانى كنت هقعد الف حوالين نفسى وكان ممكن البطاريه تنام الحمد لله

فعلاً العربية كانت شارقه
فك الشارقه ليها طرق كتير كنت شايفها على فيديو
منها انك ممكن تخلع الخرطوم اللى بيدخل بنزين على الكربراتير وتسده بإيدك
وتدوس على الإكسراتير وتحاول تدور لحد ما تخلص من كمية البنزين الزيادة فى الكربراتير والماتور وبدون دخول بنزين جديد لإن الخرطوم مفكوك
واعتقد ان ده اللى عمله الميكانيكى

sherket or flooded carburetot because pushing and releasing the pedal you kept moving the acceleration pump . the mechanic removed air filter and opened fully to get a lot of air to evaporate all the petrol you pumped.