ريحة بنزين شديدة داخل صالون العربية

**eslam atia** · 07-08-2013 03:57 AM

السلام عليكم ورحمه الله وبركاتة
كل عام وحضراتكم جميعا بخير
عندي العربية جديدة 2013 فيرنا gls
لما بفولها بشم ريحة البنزين شديدة جدا داخل الصالون
فياتري من ايه

**ibnmoaz** · 07-08-2013 05:52 AM

مبروك السيارة اوﻻ ...ربنا يديك خيرها يكفيك شرها إن شاء الله. هو حضرتك اكيد لما بتفول العربية بقولو فول على الزور يعني املاها على اﻻخر زي كل المصريين وده يؤدي الى خروج بعض البنزين اثناء حركة السيارة من تحت جوان فلتر البنزين اللي بيكون تحت الكنبة الخلفيه.
الحل تفول العربية لحد ما مسدس طلمبة البنزين في المحطه يفصل لوحده بعد كده تشيله وإن شاء الله تعالى مش هتشم ريحه البنزين تاني.
هذا والله أعلم .

**ALKareem** · 07-08-2013 09:17 AM

عشان فلتر البنزين تحت كنبة الصالون لما تيجي تفول العربية متخليش الراجل يملاها على الاخر هو لحد ما المسدس يقف يقوم شايلة عشان التانك ما يتمليش على الاخر و الفلتر ياخد بنزين كتير بس بردوا شيك على دورة البنزين كلها من التانك لحد الرشاشات و اتاكد غير كدة انت بتبقى واقف في بنزينة في طبيعي ريحة البنزين بتمسك في كل العربيات الي جواها فمتقلقش ان شاء اللة خير ربنا يكفيك شرها ^_^

**AhmedNaeem** · 07-08-2013 11:07 AM

الف مبروك العربية
ممكن في التوكيل وانت رايح تعمل صيانة او اي واحد ميكانيكي
تحت الكنبة هتلاقي الفتحة بتاعت طرمبة البنزين هتلاقي الكوتشة بتاعت الغطاء مش عدله هيعدل الكوتش ويقفل وانسي
حصلت معايا وكنت قلقان لكن لقيت الموضوع بسيط ان شاء الله

**amagroup** · 07-08-2013 12:20 PM

معلومه جامده

**eslam atia** · 08-08-2013 08:37 AM

جزاكم الله خيرا جميعا
بس برضه ريحه البنزين موجوده والتنك فيه نصفه فقط
وبتكون شديدة اوي لما بكون ماشي بسرعه علي 70-80 كده
اما موضوع تفويل العربية لحد الزور فكنت بفولها في العربية القديمة لحد الزور وعمري ماشميت ريحة البنزين كدا
وكانت موديل 2012