e36 موديل 1996 - 316- 1600 سى سى كاملة اوتماتك فرش جلد اسود العربية حالتها نضيفة جدا عملة 220 الف كيلو تكيف تاتش دواخل فبريكة فيها بس برومة فوق الازازالخلفى بسيطة جدا السعر نهائى 65 الف السعر دة لقطة وفرصة انى اخدها ولا موجود من السعر دة كتير ؟؟ ولو اختها المفروض اهم حاجة فى العربية ابص عليها اية وتكون حالتها كويسة ؟؟؟؟ هو مش المفروض يكون الاوتوماتك يكون فاتحة سقف ولا عادى ؟؟؟
مش شرط يكون في فتحة سقف الفتحة بتنزل في التوب و الهاي لاين بس مش مشكلة القضية كلها ان العربية ماشية كتير قوي في عربيات ماشية اقل من كدة و باسعار حلوة نفس الرينج فمتتسرعش و اهم حاجة بص عليها الحوض و القوايم و الشاسية ان مفهوش حاجة و الموتور و الفتيس اتاكد منهم كويس عشان في ناس تدورلك و تلصملك العربية لحد ما يبيع و لما تستلمها تلاقيها هلكانة فالاحسن تستني و دور على كونتاكت كار و في الوسيط هتلاقي اسعار حلوة قوي
بس انت حدودك كام و عايز اية في العربية الي هتجبها و هل انت تدور على بي ام بس ولا ؟
شوف الرسائل عندك انا بعتلك كام حاجة كدة يمكن تعجبك
السعر معقول جداً لو العربية حالتها كويسة
السلام عليكم ورحمه الله
عربيه موديل 1996 وماشيه 220000 الف كم
يعنى سوف تشتىرى العربيه وتبدا فى الصرف عليها
يعنى من الاخر سعر 65000 هذا السعر المبدائى الذى سوف تدفعه للبائع
ولكن قبل مرور سنه سوف تكره السياره لان قطع العربيات ال bmw ليست متوفره مثل باقى الموديلات وايضا من كثره التردد على الميكانيكيه وقطع الغيار
بلاش ممكن بلفلوس دي تجيب عربيه هيونداي او تويوتا معدش 100000 كيلو بدل ماتصرف فلوس علي الميكانيكيه ومعروف قطع غيارها نار مجرد راي
http://www.c o n t a c t c a r s.com/usedcars_profile.asp?CarID=1323934
طبعا اللى حاطط سعر عامل حساب الفصال. يعنى ممكن تنزل 3000 أو 5000 أنت وشطارتك
هو طالب فى الموقع مبدئيا 63 اتوماتيك وايه بى اس و113 الف كم وفبريكة دواخل وصورها تحفة
انا حدودى لحد 60 وعاوز بى ام المشكلة ان عرفت ان موديل 91 عملة 60 الفاقتباس:
المشاركة الأصلية كتبت بواسطة alkareem
قطع الغيار متوفرة جدا مفهاش مشكلة انا بس حاسس ان السعر دة كويس ولقطة انا ممكن اخدها اكسب فيها مثلا لو بعتها ولا هى سعرها كدة وخصوصا العربية موديل 96اقتباس:
المشاركة الأصلية كتبت بواسطة sas5
انا عارف ان الاسعار عندك فى القاهرة واطية جدا عن سكندرية انا لو الاقى حاجة زى دى فى اسكندرية ياريتاقتباس:
المشاركة الأصلية كتبت بواسطة maregypt
السعر كويس لو بالمواصفات اللى انت كاتبها...العربية كويسة و اعطالها قليلة جدا و قطع الغيار متوفرة و رخيصة للموديل ده تحديدا E36 ... و متخدش نصيحة من اى حد ملوش فى ال BMW علشان طبيعى هيقولك بلاش و قطع الغيار غالية و العربية قديمة و ماشية كتير و هات حاجة كورى...سيبك من الكلام ده خالص (مع احترامى لكل الناس دى)...العربية لو فعلا كويسة مش هاتبص ل اى حاجة كورى...بس لو لقيت حاجة 1800is او حاجة 2000cc هتبقى احسن كتير و هاتنبسط اوى بالعربية....بس اكشف كويس علشان فى عربيات انصاص كتير فى السوق
اقتباس:
المشاركة الأصلية كتبت بواسطة legend_0087
ممكن تشترى من القاهرة. وافضل من المدن الساحلية. عشان فى المدن الساحلية كتير بيكون فى باروما بسبب طبيعه الجو وارتفاع الرطوبه لقربها من الساحل
كلامك عجبنى بجد بس انا خايف اقع فى حاجة وحشة انا مفهمش حاجة فى البى ام بس لقيت السعر مناسب بس انا مش لاقى 1800 خالص وعاوز اعرف لو حقلبها مانول حتكلم كام وعاوز اعرف كمان اعرف انها مش نصين اازاااى او اختبر حالة الموتور ازاى واية اهم حاجة فى الاساسيات ابص عليها وعاوز اعرف 220 الف كيلو كتير ولا عادى ؟؟اقتباس:
المشاركة الأصلية كتبت بواسطة sherif_wmb
- خايف تقع فى حاجة وحشة > الطبيعى علشان تتجنب حاجة زى دى يبقى تكشف عليها كويس عند حد متخصص BMW و ده على حسب انت ساكن فين, من الناس اللى ممكن تكشف عندهم :
1- أسمه منصور فى جسر السويس بعد مستشفى القوات المسلحة فى أتجاه كوبرى التجنيد خش يمين بعد العمارات اللى بعد المستشفى على طول.
2- طارق فوزى
الكيلو 4.5 طريق السويس و أنت فى أتجاه السويس هتلاقيه عند البنزينة بتاعة شل اللى على شمالك
هو تحت كوبرى الجيش الجديد اللى عند الكيلو 4
غير كدا ممكن تروح اى بنزينة محترمة يكشف على العربية و يعملك تقرير على كل حاجة فيها لو مفيش حد متخصص BMW قريب منك.
- ابعد عند الموديلات ال 1600 اللى من 1991 ل 1994 علشان مواتيرها زباله
- مبتفهمش فى الBMW > عندك هنا على نايل موتورز كل حاجة عنها فى المواضيع و فى كذا جروب على الFaceBook زى Bimmers Egypt, Egyptian Bimmers, and Bimmers Zone ممكن تسأل على اى حاجة و هايفيدوك...
و ده لينك علشان تاخد فكره عن اسعار قطع الغيار
http://www.nilemotors.net/Nile/27712...6-91-98-a.html
- تعرف انها نصين ازاى > تروح لأى سمكرى شاطر يكشفلك عليها..هيفك الكوتش اللى فوق الابواب و القوايم و يشوف اذا كان فى لحامات ولا لأ
- لو عايز عربية مانوال يبقى هاتها مانيوال من الأول و متوجعش دماغك علشان التعديل و التسقيط مصاريفو كتير و التعامل مع الصنايعية و تضييع الوقت معاهم مقرف و ممكن تجيب قطع غيار تلاقى حالتها مش حلوه...و هاتلاقى ان فرق الفلوس كان ممكن تزودها من الاول على سعر العربية و تجيب اللى انتا عايزو
- حالتة الموتور هاتبان فى نسبة الكبس بتاعة و انت بتكشف و فى صوتة و سحبه و انت سايق
-220000 كيلو مش قليل و لا كتير...الاهم من ده كفائة الموتور و حالته و كان بيتعمله صيانة ولا لأ
- من الحاجات المهمةكا اساسيات و انت بتكشف انك تتأكد ان البطاحات مفيهاش شروخ من كتر الصدمات و المطبات علشان الموضوع ده منتشر فى ال E36 و ال E46
- خد وقتك و دور على اللى انت عايزو...و خليك فى ال 1800 او ال 2000 احسن
sherif_wmb
بجد انت انسان محترم ومبخلتش علية باى حاجة ربنا يخليك بس انا من اسكندرية هى البطاحات دى اللى هى ماسك فيها المساعد ولما اشوفها ابص عليها من فوق عند الموتور ولا لما بتشرخ بتتلحم من تحت وعاوز اعرف اية الصيانة المطلوبة لجير بوكس الاوتوماتك عشاناحافظ علية
شروخ البطاحات زى اللى فى الصورة دى :
http://i44.tinypic.com/118dtah.jpg
و حلها انك تركب عليها شداد زى ده :
http://i43.tinypic.com/ehdaw1.jpg
او تقويات زى اللى فى الموضوع ده :
http://www.nilemotors.net/Nile/327841-bmw-e36-e46.html
و ممكن تتلحم بس طبعا لا يفضل علشان هتقلل سعر العربية جامد
اهم حاجة فى صيانة الجير بوكس الاوتوماتيك تغيير الزيت فى مواعيدو...هى دى معلوماتى غير كده معرفش :)
بجد انت انسان خدوم جدا انا عاوز اكلم حضرتك على تلفون ضرووووووورى انا اسف على الاطالة