عاوز انبه علي حاجه مهمه

**hanyelwaly2010** · 02-09-2008 05:26 PM

والدي اشتري تويوتا كرولا 2007 و بصراحه عربيه زي الفل ثم بعد ذالك قررنا نجيب عربيه اخري تكون متوسطه السعر ليا عشان اروح بيها الكليه و الذي منه..
فكان اختياري علي عربيتين bydf3 او aveo 2008سيدان
لما رحت اتفرج علي bydعند توكيل الامل لقيتها عربيه جميله جدا و زي التويوتا في كل حاجه ما عدا الماتور بس في حاجه خوفتني جداا لاحظت نور السكيورتي بتاع المفتاح الالكتروني بينور احمر ضعيف جدا وبيعلق فهذه مشكله كبيره عشان لو عطل هذا النظام لم تتمكن من تشغيل السياره لاكن في النهايه بعد متابعه المنتديات عرفت ان aveo افضل بكتيررررر و كانت اختياري
و الي عنده اي استفسار يقولي و انا اجوبو

**mohamed ibiza** · 02-09-2008 05:30 PM

احنا مقييمين ال byd في موضوعنا الجماعي متثبت في المنتدي العام روح بص عليه هناك و للعلم متفتكرش انها هتبقي زي تويوتا اللي معاك هي عبارة عن تقليد صيني للتويوتا فقط لا غير و لسه ادامهم كتيييييييييييييييير علي ما يوصلوا لمستوي تويوتا

**hanyelwaly2010** · 02-09-2008 05:56 PM

شكرا علي الرد بس اكيد طبعا مش زي التويوتا انا جربت سواقه التويوتا و جبت بيها علي طريق مصر اسكندريه 140 و الثبات ممتاز بلا مبالغه بس ماكنتش مزود عن كدا عشان الجو كان ليل بس انا كنت بتكلم علي شكا ل byd العام انه عربيه جامده

**tito2020** · 04-09-2008 10:25 AM

ممكن افهم ايه النور الاحمر دة و وظيفته ايه وفى المجمل ايه رايكم فى العربيه لانى فعلا بفكر اشتريها وبرضه بفكر فى الافيو بس ببص برضه ان فيه فرق حوالى 8 او 9 الاف جنيه فى السعر شكراا

**hanyelwaly2010** · 04-09-2008 02:32 PM

بص يا تيتو النور الاحمر هو نور السكيوريتي بتاع العربيه وظيفته ان العربيه لازم عشان تشتغل لازم يكون بمفتاحها الاصلي لان المفتاح به شريحه الكترونيه عندما تدخله في الكونتاكت تتم مطابقه الشفره و تشتغل العربيه اما لو عملت نسخه علي المفتاح الاصلي ثم حاولت تشغل بيه العربيه مش هتشتغل
عشان مافيهوش الشريحه الالكترونيه
و هذا النظام موجود في التويوتا ...
عندما اشتريت التويوتا نصحوني بهذه الملحوظه و قالولي مش هتعرف تشغل العربيه غير بالمفتاحين المرفقين مع العربيه ولو ضاعو لازم يتم تغيير نظام السيستم سكيوريتي ب 11 الف جنبه

فهذا النور موجود في byd بس بينور احمر خافت وضعيف و بيعلق ساعات
byd عربيه شديده و كفايا ان ماتورها ميتسوبيشي بس قبل ما تشتريها اتاكد من نظام السكيوريتيانه شغال كويس
و ربنا يوفقك للاختيار الافضل

**tito2020** · 04-09-2008 02:40 PM

متشكر جدا على الجابه طب متقولى باه الافيو احسن بكتير فى ايه بالظبط

**hanyelwaly2010** · 04-09-2008 02:50 PM

الافيو احسن في ان
1 قطع غيارها متوفره و رخيصه
2 عندما تريد ان تبيعها مش هاتخسر في ثمنها
3 1500 سيسي و معدل استهلاكها للبنزين جيد جدا
4 عامله معايا لحد دلوقتي 1800 كياو بدون اي عيوب ظاهره
5 قمه الشياكه في الطابلوه و صالونها عالي من الداخل مما يعطيك سهوله في القياده

بس اعذروني هاغيب يومين عن المنتدي عشان مسافر انهارده و هارد علي استفساراتكم بعد يومين
باااااااااااااااااااااااا ااااايييييييييييييييييييي يييي

**muslem** · 05-09-2008 06:31 AM

والله يمكن كان فى عيب فى النوراللى حضرتك بتقول عليه ده اظن ان حضرتك تقصد الريموت و مفهاش حاجة لو حصل عيب فى ريموت من الريموتات بتحصل فى احسن الشركات اكيد
هى برضوة فى الثبات جيدة و انا جربتها على 140 و كل شئ فى البودى او الصالون او العفشة ممكن تغيره بتويوتا و المتور ممكن يتغير بقطع غيار ميتسوبيشي يعني باختصار ممكن تغير اى حاجة فيها بيابانى الا الفوانيس بقي طبعا لانها مختلفة من الامام خصوصا
و من ناحية البنزين فهى اقتصادية و الحمد لله جدا بتعمل حوالى 9.5كيلو فى اللتر جو البلد و من حيث التكييف فهو جامد يظهر جى مع المتور لانه فعلا تلاجة

**tito2020** · 05-09-2008 12:09 PM

والله كلام جميل انا بصراحه رحت اتفرجت على العربيه هيا شكلها جميل بس لانى مش بفهم فى الميكانيكا والعربيات خالص فا معنديش خبرة لتقييم العربيه وباخد بكلام الناس فى المنتدى بس انا فعلا لقيت ان فيه فى بعض الابواب عيب انه مش بيقفل بشدة زى الابواب التانيه وتقريبا العيب دة انا سمعت من بعض الاخوة عن نفس العيب انا كنت بس عاوز الاستاذ muslem يقولى ايه سر اعجابه بالعربيه دى والدفاع الشديد عنها ؟؟؟؟

وياريت تكمنى من ناحيه العربيه لانى عاوز اشتريها وكل ما اقابل حد من معارفى يقولى ايه العربيه دى موجودة فى مصر!!!
صحيح وايه سر ان موديل gl عليه لوجو العربيه الى نصه ابيض فى ازرق و موديل gli عليه ثلاث حروف pyd ??