6 جنيه زكاة الفطر بتاعت المفتي ماتنفعش في القاهرة والحضر

السلام عليكم ورحمه الله
الشيخ محمد عبد العظيم امام وخطيب مسجد الصديق وهو راجل عالم نحسبه علي خير قال
ان الحد الادني لمقدار زكاة الفطر السنادي ال 6 جنيه دي تنفع في الارياف والصعيد فقط
عشان ممكن تلاقي هناك كيلو رز ب 2.5 ولو هاتطلع صاع من رز يعني 2.150 جرام يبقي الحد الادني فعلا 6 جنيه
لكن لو حضرتك ساكن في القاهرة والاسكندرية والمدن يبقي كيلو الرز بين 5 الى 6 جنيه
وده معناه ان الحد الادني لزكاة الفطر 15 جنيه للفرد تقريبا لو هاتطلعه رز
وماتزنقهاش على نفسك قوي كدة
لو مقتدر طلع صاع من زبيب وده الكيلو ب 35 جنيه
طلع صاع من لوبيا 2.6 كجم ودي النضيفة بتاعتها ب 15 جنيه يعني تطلع 50 جنيه مثلا
اللي اقصد اقوله ما تزنقهاش قوي وراعي مكان معيشتك عشان متقعش زكاتك
وماتنسوش بقي للي لسه مطلعهاش
كل سنة وانتم بخير

جزاك الله خيرا

و ياريت الناس تعجل بيها علشان الفقير يلحق يوفى احتياجاته

هو فعلا الشيخ عندنا قال نفس الكلام ......متبقاش بتاكل رز بسمتى وتطلع تمن ابو 4 جنيه......لازم تكون من اوسط ما تصعمون اهليكم منه يعنى بتجيب ابو 5 جنيه الكيلو تيبقى الزكاة 15 جنيه....لو بتجيب ابو 15 جنيه الكيلو تبقى الزكاه 45 جنيه وهكذا.
وتقبل الله منا ومنكم صالح الاعمال.

المفروض تتوزع في صوره عينيه مش فلوس ويجوز كل انواع الحبوب زي القمح والرز والذره واللوبيا والفاصوليا والعدس الخ الخ وممكن كمان الطحين سواء دقيق قمح أو ذره. و 6 جنيه ده الحد الادنى وكل واحد ومقدرته وكله في الاول وفي الاخر استثمار.

اقتباس:

---

المشاركة الأصلية كتبت بواسطة ahmed_adham

المفروض تتوزع في صوره عينيه مش فلوس ويجوز كل انواع الحبوب زي القمح والرز والذره واللوبيا والفاصوليا والعدس الخ الخ وممكن كمان الطحين سواء دقيق قمح أو ذره. و 6 جنيه ده الحد الادنى وكل واحد ومقدرته وكله في الاول وفي الاخر استثمار.

---

بسم الله الرحمن الرحيم قال تعالى(( وما تنفقوا من خير تجدوه عندالله هو خيرا وأعظم اجرا)) صدق الله العظيم
ولكن هناك رأى شرعى بأن الذكاه تكون من المحاصيل التى تشتهر بها الدوله فمثلا العراق يكون زكاتها من التمر والشام من الموالح ومصر من القمح أو الشعير أو الأرز
أما موضوع من أوسط ما تأكلون يكون فى حاله إطعام المساكين فى حالات الكفارات عن الذنوب
مثل إطعام 60مسكين فى حاله الظهار ولها شروط محدده
والله أعلم

اقتباس:

---

المشاركة الأصلية كتبت بواسطة karim_monir

السلام عليكم ورحمه الله
الشيخ محمد عبد العظيم امام وخطيب مسجد الصديق وهو راجل عالم نحسبه علي خير قال
ان الحد الادني لمقدار زكاة الفطر السنادي ال 6 جنيه دي تنفع في الارياف والصعيد فقط
عشان ممكن تلاقي هناك كيلو رز ب 2.5 ولو هاتطلع صاع من رز يعني 2.150 جرام يبقي الحد الادني فعلا 6 جنيه
لكن لو حضرتك ساكن في القاهرة والاسكندرية والمدن يبقي كيلو الرز بين 5 الى 6 جنيه
وده معناه ان الحد الادني لزكاة الفطر 15 جنيه للفرد تقريبا لو هاتطلعه رز
وماتزنقهاش على نفسك قوي كدة
لو مقتدر طلع صاع من زبيب وده الكيلو ب 35 جنيه
طلع صاع من لوبيا 2.6 كجم ودي النضيفة بتاعتها ب 15 جنيه يعني تطلع 50 جنيه مثلا
اللي اقصد اقوله ما تزنقهاش قوي وراعي مكان معيشتك عشان متقعش زكاتك
وماتنسوش بقي للي لسه مطلعهاش
كل سنة وانتم بخير

---

مين قاللك ان الصعيد رخيص دي فكره خاطءه انا بروح معظم الصيد والاسعار ناااااار دانا لما بروح اسوان بقول القاهره ارحم انا مش بتكلملي الا رياف ولو عايز الحقيقه كله بقي نار مقارنه بالدخل

تقبل الله زكاتكم لو كنت طلعتوها
ولو نسيتو هاتكون صدقة من الصدقات

الواحد طبعا بيطلع بزيادة
لكن ازاي المفتي مش عارف الاسعار ؟ و نسمع كلامه ولا كلام الشيوخ في المساجد ؟
حاجه تحير طبعا و تسبب فقدان ثقه

جزاك الله خيرا

اقتباس:

---

المشاركة الأصلية كتبت بواسطة mr.foxman

الواحد طبعا بيطلع بزيادة
لكن ازاي المفتي مش عارف الاسعار ؟ و نسمع كلامه ولا كلام الشيوخ في المساجد ؟
حاجه تحير طبعا و تسبب فقدان ثقه

---

لأ ... المفتي عارف الأسعار طبعا ... وهو بيحط المعيار ده بيكون قدامه الأسعار بتاعة الحاجة كلها .. ولكن المفتي بيقول دائما الحد الأدنى والحد الأقصى مفتوح حسب قدرة كل فرد

لأن زكاة الفطر مش الغني فقط اللى بيطلعها ... ولكنها واجبة على كل نفس مسلمة حتى الفقراء ...

تخيل انت بتقول لواحد فقير يطلع زكاة الفطر بتاعته صاع من الزبيب أو الرز البسمتي وإن واجب عليه يطلع ما يعادل ... 50 جنيه ... عن كل فرد في أسرته ... ده هايلطم ومش هايبقى فرحان خالص بالعيد ...

عشان كدة الفير ده بيكون عنده الحد الأدنى اللى هو 6 جنيه ... وده تقريبا قيمة 2.5 كيلو رز من السايب بتاع العطار ... أو حتى فول أو بليلة

وعشان كدة برضه من المستحب للغني إنه يخرج الزكاة مبكرا في بدايات شهر رمضان مثلا ... عشان الفقير يكون وصلته الزكاة بتاعة الغني ويقدر يخرج عن نفسه منها لو لم يكون لديه ما يخرج منه

قيمة الحد الأدنى بتكون قيمة 2.5 كيلو من أرخص أنواع الحبوب الموجودة في البلد

ومش معنى إن الحد الأدنى يساوي 6 جنيه إن الناس كلها تطلع 6 جنيه ... أمال أصحاب الفضل هايكونوا من السابقين إزاي