تقرير بعد تجاوز 10 الاف كيلو بالكيا rio الشكل الجديد وكل التفاصيل بالداخل

**M I D O** · 14-08-2013 07:39 PM

تقرير ممتاز يا باشا

**2CODE** · 15-08-2013 02:06 AM

المشاركة الأصلية كتبت بواسطة MoH.SaLaDiN

بصراحة احييك على تقريرك محايد ومنظم ووافى جدا
اصلا انا كان عندى مشكلة فى موضوع المرايات الكبيرة دى كنت دايما وسط الزحمة اضطر اققفل المرايا وانا كنت فاكر العيب منى هههههههههه دلوقتى عرفت ان المشكلة مش فيا
طبعا انا اؤيدك تماما فى مميزات وعيوب العربية بس الحاجة اللى مختلف معاك فيها هى التسارع انا شايف ان سحب العربية مش حلو وخصوصا مع التكييف والاحمال بص لو انت بتركب العربية لوحدك كتير مش حتحس بيه خالص لكن لو معاك ناس يعنى مركب اتنين او تلاتة و مشغل التكييف حتعرف ان السحب مش حلو وموضوع الكيك داون ده انا شايفه دليل على ضعف السحب المفروض لو العربية سحبها كويس معاك مش حتحتاج كيك داون
طبعا بالنسبة لباقى العيوب طبعا مشكلة ابعاد العربية وده عيب مشترك فى كل العربيات الجديدة وفعلا الواحد محتاج حساس ركن ضرورى وللاسف التوكيل رافض تركيبه لازم نشوف حل برده موضوع الزجاج الخلفى مساحته صغيرة وده بيقلل مدى الرؤية من الخلف ومتفق معاك برده فى ارتفاع العربية شايفه متوسط يعنى مش واطية اووى وفى نفس الوقت لو راكب معاك ناس ممكن تحك فى مطبات كتيرة طبعا الكاوتش زاولنى فى الاول لقينه ساعات لما كان بيلم زلط كنت بسمع صوت رفة فى العجل وكنت بفتكلر انى عندى مشكلة بس فهمت بعد كده ان السبب فى الكاوتش وبحاول طول مانا ماشى انى ابعد عن اى زلط فى الطريق برده مساحة الكنبة تعتبر مش واسعة يعنى لو قاعد ورا 3 افراد متوسطين الحجم ممكن ميكونوش قاعدين براحتهم اووى و اخر حاجة صاج العربية مش قوى زى العربيات الالمانى ولا فى تصفيح فى الابواب او من تحت العربية وده المفروض شيئ مهم يجب توفيره لزيادة الامان وعموما الحمد لله هى عربية جميلة ماشاء الله ربنا يدينا خيرها ويكفينا شرها

انا عامتاً بيركب معايا هم اتنين واحد جنبي (والواحد ده بيبقى تقريباً على طول معايا جنبي) وواحد ورا بس مش كتير

وبتبقى الامور تمام جداً مش بحس بحاجة لاني بعمل الكيك داون انا اصلا اللي بعمله بأيدي على الستيب ترونيك مش بستناه فأكيد مش هحس بالموضوع ده لاني متعود على الستيب ترونيك

والحمد لله من ساعة ما البنزين مكنش موجود (ومكنش موجود من اول يوم اشتريتها) فعلشان كده التكيف بيشتغل ساعة العيد مش اكتر

الكاوتش نفسه ممتاز (كومهو سولوس) لكن النقشة هي اللي كبيره على شوارعنا مش اكتر انما كومهو عموماً حلو جداً ومجربه في عربيتين قبل كده مع قرايبي

ثم انها مش مشكلة انت هتروح كده بحاجة مش حادة هتطلع بيها الزلط وكأن شيئاً لم يكن

بالنسبة للتصفيح غريبة جداً انت عربيتك خليجي ؟؟؟؟؟؟؟؟؟؟؟؟

الوكيل بينزل الريو بقضيبين من الحديد اسفل السيارة تقدر تشوفهم والعربية مرفوعة في التوكيل انا شوفتهم في صيانة الالف ومسكتهم في الـ10 الاف لان لقيتهم اتكحتوا قلت اكيد انا حكيت في مطب مش ظريف رغم اني باخد المطبات بزاوية لكن انا فاكر برضه اخدت مطب بزاوية وكان معايا 3 ورا وحكت برضه

بس بصراحة عربية ممتازه جداً

**prooo** · 15-08-2013 08:39 AM

تقرير ممتاز و محايد جدا وانا شخصيا اتفق معاك في الكل اللي انت قلته باستثناء السحب بيقل لما اقف في الزحمة كتير العربية بتتخنق واستهلاك البنزين بيزيد لكن في المجمل عربية صفقة رابحة جدا ........
وبعدين احنا ماشيين مع بعض في الصيانات ولا ايه انا كنت هعمل الموضوع ده بس انت سبقتني ..... حلال عليك يعم ....

**2CODE** · 15-08-2013 03:51 PM

المشاركة الأصلية كتبت بواسطة prooo

تقرير ممتاز و محايد جدا وانا شخصيا اتفق معاك في الكل اللي انت قلته باستثناء السحب بيقل لما اقف في الزحمة كتير العربية بتتخنق واستهلاك البنزين بيزيد لكن في المجمل عربية صفقة رابحة جدا ........
وبعدين احنا ماشيين مع بعض في الصيانات ولا ايه انا كنت هعمل الموضوع ده بس انت سبقتني ..... حلال عليك يعم ....

غريب - طيب هنقول حاجة انا نفسي مش بصدقها

العربية بتاعتي كل يوم بتجري على 120 - 130 ودي سرعة بتجيبها كل يوم

فهل صحيح موضوع تمشي بسرعة بالعربية تتعود على كده والكلام ده انا بصراحة مش بصدقه

ايه يعني هينقص من الموتور حصان لما ميجريش شويه ولا ايه ؟؟؟؟؟؟؟؟؟ بصراحة انا مش متأكد من الكلام ده لكن جربه - حاول على مدار فتره كده كل يوم تجري بالعربية على سرعة وجرب انا عن نفسي مش مصدق الكلام ده بس نشوف

**prooo** · 15-08-2013 07:37 PM

المشاركة الأصلية كتبت بواسطة 2CODE

غريب - طيب هنقول حاجة انا نفسي مش بصدقها

العربية بتاعتي كل يوم بتجري على 120 - 130 ودي سرعة بتجيبها كل يوم

فهل صحيح موضوع تمشي بسرعة بالعربية تتعود على كده والكلام ده انا بصراحة مش بصدقه

ايه يعني هينقص من الموتور حصان لما ميجريش شويه ولا ايه ؟؟؟؟؟؟؟؟؟ بصراحة انا مش متأكد من الكلام ده لكن جربه - حاول على مدار فتره كده كل يوم تجري بالعربية على سرعة وجرب انا عن نفسي مش مصدق الكلام ده بس نشوف

بص ياسيدي انا تقريبا بعمل كده بس مش كل يوم وكمان بحم شغلي انا بستعمل العربية اسبوعين بس في الشهر وبتفضل مركونة تماما الاسبوعين الباقيين بس انا مشواري تقريبا بتاع كل يوم من المعادي على الدائري عند كارفور لغاية التجمع وبمشي بليل والدنيا زحمة لما بتكون مراتي معايا مبزودش عن 120 وجبت بيها 190 على الدائري برده في نفس الطريق كنت قافل الزجاج ومش مشغل التكيف ومرة تانية برده خدت الطريق كله من السلام لغاية المعادي لزق في لزق في فيرنا والحمدلله العربية كانت ظابطه الاداء معاه لدرجة انه اول مدخل دخلة المعادي معايا شاورلي وقاللي الله ينور يابرنس بس في حاجة اكتشفتها بقه ودي عن تجربة ومتاكد منها انك لو ثبت رجلك على البنزين عند 3000 rpm بالظبط ومشي شوية حلوين على نفس السرعة استهلاك البنزين وصل معايا 5.5 لتر لكل 100 كيلو جرب كده وشوف انت بالنسبالك سهلة عشان عندك مثبت سرعة ... انا معنديش بس كمان بعد صيانة ال 10000 الموتور صوته بقه اهدى كتييير ومش بتسمعه وانت جوه العربية الا لما تقرص عليها بتسمع صوت حلو كده

**2CODE** · 15-08-2013 09:43 PM

المشاركة الأصلية كتبت بواسطة prooo

بص ياسيدي انا تقريبا بعمل كده بس مش كل يوم وكمان بحم شغلي انا بستعمل العربية اسبوعين بس في الشهر وبتفضل مركونة تماما الاسبوعين الباقيين بس انا مشواري تقريبا بتاع كل يوم من المعادي على الدائري عند كارفور لغاية التجمع وبمشي بليل والدنيا زحمة لما بتكون مراتي معايا مبزودش عن 120 وجبت بيها 190 على الدائري برده في نفس الطريق كنت قافل الزجاج ومش مشغل التكيف ومرة تانية برده خدت الطريق كله من السلام لغاية المعادي لزق في لزق في فيرنا والحمدلله العربية كانت ظابطه الاداء معاه لدرجة انه اول مدخل دخلة المعادي معايا شاورلي وقاللي الله ينور يابرنس بس في حاجة اكتشفتها بقه ودي عن تجربة ومتاكد منها انك لو ثبت رجلك على البنزين عند 3000 rpm بالظبط ومشي شوية حلوين على نفس السرعة استهلاك البنزين وصل معايا 5.5 لتر لكل 100 كيلو جرب كده وشوف انت بالنسبالك سهلة عشان عندك مثبت سرعة ... انا معنديش بس كمان بعد صيانة ال 10000 الموتور صوته بقه اهدى كتييير ومش بتسمعه وانت جوه العربية الا لما تقرص عليها بتسمع صوت حلو كده

تصدق اني عمري ما شغلت مثبت السرعة ههههههههههههههه
علشان ربنا جعل لي في كل خطوه مطب !!!!!!!!!!!!!!!

مثبت السرعة مش هيثبت عدد اللفات ده هيجيب السرعة اللي انت عايزها عند (اقل) عدد لفات للموتور لان طبعاً انت لما تحرق على الموتور هيستهلك بنزين بزيادة يعني لما توصله مثلاً لـ5000 لفه هتلاقيه بلاعة بنزين وهكذا

لكن وليه لأ مش هتبقى صعبه نجربها ونشوف

انا اقل استهلاك شوفته على الكمبيوتر كان 7.9 عندي - انا حالياً جوه البلد ظاهر لي 9.8 طول ما انا جوه البلد اطلع برا الاقيه 8.5 او 8.4

الفتيس نفسه بيعمل كيك داون فمره كان الحارة المقابلة فاضية وقدامي 5 عربيات روحت جايب اخر الدواسة برجلي واخدت الحارة التانية وانطلقت - صوت الموتور هادي (ماعدا) وقت الحرق بيديك صوت عالي انا لقيت واحد من الناحية اليمين طلع راسه من الشباك يبص ايه الصوت اللي جاي ورا ده

بيني وبينك بحب صوت المحركات جداً وعلشان كده اخترت موتور sDrive 20i للـX1 بأذن الله اول دفعة 2014 الـFACELIFT

**MoH.SaLaDiN** · 15-08-2013 10:05 PM

المشاركة الأصلية كتبت بواسطة 2code

الكاوتش نفسه ممتاز (كومهو سولوس) لكن النقشة هي اللي كبيره على شوارعنا مش اكتر انما كومهو عموماً حلو جداً ومجربه في عربيتين قبل كده مع قرايبي

الكاوتش كويس جدا مع ال abs & ebd عامل balance كويس ماشاء الله والحمد لله العربية بتكلبش فى الارض لو فرملت جامد وحصل معايا الموقف ده مرتين والحمد لله بس هى موضوع لم الزلط ده هو اللى رخم بس انا عايز اقولك ان ده تقريبا فى معظم العربيات اومال انا عرفت انى معنديش مشكلة ازاى عشان طول مانا ماشى كنت بسمع الصوت ده فى كذا عربية المشكلة فى شوارعنا اللى كلها حفر ومطبات و زلط

بالنسبة للتصفيح غريبة جداً انت عربيتك خليجي ؟؟؟؟؟؟؟؟؟؟؟؟

الوكيل بينزل الريو بقضيبين من الحديد اسفل السيارة تقدر تشوفهم والعربية مرفوعة في التوكيل انا شوفتهم في صيانة الالف ومسكتهم في الـ10 الاف لان لقيتهم اتكحتوا قلت اكيد انا حكيت في مطب مش ظريف رغم اني باخد المطبات بزاوية لكن انا فاكر برضه اخدت مطب بزاوية وكان معايا 3 ورا وحكت برضه

هو انا فعلا عمرى ما بصيت على العربية من تحت بس لما سألت المعرض اللى اشتريت منه على التصفيح قالى مفيش اتصدق حاتخلينى انزل دلوقتى ابص على العربية هههههههههه بس الله ينور عليك منك نستفيد برده عموما التصفيح ده انا شايفه من الاساسيات فى مصر بسبب شوارعنا الجميلة بس ياريت كان فى تصفيح برده فى الابواب و حوض الماتور لزيادة الامان

بس بصراحة عربية ممتازه جداً

متفق معاك بس لو كان الموتور 1600 كانت تفوقت على كل العربيات اللى فى فئتها

**MoH.SaLaDiN** · 20-08-2013 11:18 PM

Prooo , 2code ايه اخبار استهلاك البنزين معاكم وانتوا بتحسبوه ازاى هل بتعتمدوا على كمبيوتر الرحلات ولا بتحسبوها فعلى ... المشكلة ان عامل التكييف داخل فى الليلة وانا ساعات بشغله وساعات لا فا مش عارف احسبها مظبوط

**prooo** · 21-08-2013 06:26 AM

المشاركة الأصلية كتبت بواسطة MoH.SaLaDiN

Prooo , 2code ايه اخبار استهلاك البنزين معاكم وانتوا بتحسبوه ازاى هل بتعتمدوا على كمبيوتر الرحلات ولا بتحسبوها فعلى ... المشكلة ان عامل التكييف داخل فى الليلة وانا ساعات بشغله وساعات لا فا مش عارف احسبها مظبوط

بص يا MoH.SaLaDiN التكييف داخل في اللعبة ااه بس مش بيأثر على استهلاك البنزين بيأثر على سحب العربية فقط وفي الزحمة بس كمان انما لو على طريق سريع ومشيت فيه مثبت سرعتك عند 3000 ار بي ام وده عن تجربة وحسابات افضل سرعة موتور تمشي عليها العربية الاستهلاك بيوصل لغاية 6 لتر لكل 100 كيلو بتكييف او من غير امما بقه جوه البلد حاجة تانية معدل الاستهلاك بيختلف تماما الصفيحة مبتعملش غير 220 كيلو معايا بالكتير اوي و افضل طريقة تعرف بيها استهلاكك انك تروح تفول ومتخليش المسدس يفصل عند اول تكه لسه بيبقى في بتاع نص لتر كمان بعد التكه دي وبعد كده حضرتك تقوم مصفر العداد اللي هوه trip B واول محضرتك توصل لغاية نص التانك روح فول تاني هتلاقي التفويلة تقريبا عملت معاك حوالي 17 أو 18 لتر شووف بقه انت مشيت كام كيلو في trip B واقسمهم على ال17 لتر يبقى هو ده معدل استهلاكك