الموضوع: تقرير بعد تجاوز 10 الاف كيلو بالكيا rio الشكل الجديد وكل التفاصيل بالداخل

تمام يعنى العربية بتعمل معاك 6 لتر كل 100 كيلو ده على الطرق السريعة طب قدرت تحسب متوسط الاستهلاك جوه المدينة قد ايه ؟ سؤال عل الماشى هى الصفيحة دى كام لتر
تانى حاجة عشان كنت عايز اعرفها وانت ماشى على طريق سريع لما بتمشى على سرعة 100 بيكون عداد ال ار بى ام قارى معاك كام يعنى انت بتقول ان افضل استهلاك على ار بى ام 3000 طب ده بيكون على انهى سرعة لو انت ماشى على طريق سريع ؟

الصفيحة = 20 لتر ..

المشاركة الأصلية كتبت بواسطة MoH.SaLaDiN

تمام يعنى العربية بتعمل معاك 6 لتر كل 100 كيلو ده على الطرق السريعة طب قدرت تحسب متوسط الاستهلاك جوه المدينة قد ايه ؟ سؤال عل الماشى هى الصفيحة دى كام لتر
تانى حاجة عشان كنت عايز اعرفها وانت ماشى على طريق سريع لما بتمشى على سرعة 100 بيكون عداد ال ار بى ام قارى معاك كام يعنى انت بتقول ان افضل استهلاك على ار بى ام 3000 طب ده بيكون على انهى سرعة لو انت ماشى على طريق سريع ؟

الـRPM مش بيعتمد على سرعات معينة يعني انا ممكن اجيب الستيب ترونيك واسقط غيار بدل التالت اخليه التاني ووصلت لـ90 وانا على التاني (كان عدد اللفات 5000 وحاجة) فيعني مش بيعتمد على سرعة فهو بيعتمد على غيارك اكتر من السرعة لان انت كل ما تغير بدري هتلاقي استهلاك البنزين اقل للعربية (علشان كده هتلاقى العربية هنقلاتها سريعة) والمميز في الفتيس انك مش بتحس نهائي بالنقلات انا بحس بنقلته بس وانا بجيب الـR انما وهو على D ممتاز جداً وسلس في حركته وبيستجيب للستيب ترونيك في وقت قليل جداً ودا عن تجربة في عربيات اوتوماتيك تانية الستيب ترونيك بياخد فتره في تغييره للغيار - تعليقي الوحيد على الفتيس وكتبته في اول الموضوع هو على r بياخد حوالي ثانية على ما يغير التروس

بالنسبة لموضوع 3000 ار بي ام انا مجربتوش لسه لاني مش بسافر بالعربية من اول الارهاب ما بدأ فعلشان كده استني لما prooooooooooooo يدخل

المشاركة الأصلية كتبت بواسطة 2code

الـrpm مش بيعتمد على سرعات معينة يعني انا ممكن اجيب الستيب ترونيك واسقط غيار بدل التالت اخليه التاني ووصلت لـ90 وانا على التاني (كان عدد اللفات 5000 وحاجة) فيعني مش بيعتمد على سرعة فهو بيعتمد على غيارك اكتر من السرعة لان انت كل ما تغير بدري هتلاقي استهلاك البنزين اقل للعربية (علشان كده هتلاقى العربية هنقلاتها سريعة) والمميز في الفتيس انك مش بتحس نهائي بالنقلات انا بحس بنقلته بس وانا بجيب الـr انما وهو على d ممتاز جداً وسلس في حركته وبيستجيب للستيب ترونيك في وقت قليل جداً ودا عن تجربة في عربيات اوتوماتيك تانية الستيب ترونيك بياخد فتره في تغييره للغيار - تعليقي الوحيد على الفتيس وكتبته في اول الموضوع هو على r بياخد حوالي ثانية على ما يغير التروس

بالنسبة لموضوع 3000 ار بي ام انا مجربتوش لسه لاني مش بسافر بالعربية من اول الارهاب ما بدأ فعلشان كده استني لما prooooooooooooo يدخل

تمام يا باشا الله ينور انا فاهم الكلام ده انا كان سؤالى ان لو انت سايق سواقة هادية وبتطلع بسرعة العربية تدريجا وانت ماشى على طريق مفتوح لما توصل لعداد ار بى ام 3000 حتكون جبت سرعة كام عشان انا كنت حاسس ان صوت الماتور كان بيعلى شوية لما بزود عن 120 على طريق مفتوح بس صراحة مش فاكر ساعتها ال ار بى ام كان كام فهل ده طبيعى

المشاركة الأصلية كتبت بواسطة MoH.SaLaDiN

تمام يا باشا الله ينور انا فاهم الكلام ده انا كان سؤالى ان لو انت سايق سواقة هادية وبتطلع بسرعة العربية تدريجا وانت ماشى على طريق مفتوح لما توصل لعداد ار بى ام 3000 حتكون جبت سرعة كام عشان انا كنت حاسس ان صوت الماتور كان بيعلى شوية لما بزود عن 120 على طريق مفتوح بس صراحة مش فاكر ساعتها ال ار بى ام كان كام فهل ده طبيعى

طيب ما لازم نعرف انت هتكون على الغيار الكام علشان نعرف لما الغيار ده هيكون على 3000 لفه هيجيب معاك كام
يعني مثلاً التالت لو هتاخدها تدريجيا هيجيب معاك 100 وبعد كده هياخدك الرابع ويطير الـ120 و الـ130 وده علشان الـECO في استهلاك البنزين بيغير لك بدري

اما موضوع الصوت فده طبيعي اكيد الفتيس عمل منك كيك داون وسقط غيار لانه بيسقط غيارات لما تدوس عليه جامد شويه وهو ممتاز في تسقيط الغيارات من نفسه خصوصاً لما بكون محمل ومشغل التكيف بحتاج الكيك داون علشان بحب اطلع على العربيات بسرعة يعني اكون مجمع سرعتي واطلع عليه لتقليل مده الخروج عن الحارة مش اكتر

لا هو لما الصوت كان عالى ده ماكنش بسبب الكيك داون انا شايف ان سببه ان العربية 4 غيار بس مش ستة وده نفس الكلام اللى كان ملاحظ فى السيراتو لما نزلت بالفتيس الجديد 6 غيار بس فكرة الصوت العالى هل ده بسبب ان الموتور لسه فى التليين انا اصلا لسه عامل 2000 km من يومين ولا بسبب انها 4 غيار وكنت عايز اسألك على حاجة تانية انا من بعد ما عملت صيانة الالف كيلو ماكنتش بصيت على منسوب الزيت ولما بصيت عليه لقيته اعلى من علامة ال max وانا بصيت على كذا موضوع والناس بتتكلم ان ده ممكن يعمل مشكلة فى الموتور فا مش عارف اسيبه عادى ولا اكلم التوكيل ولا اروح اى بنزينة اخليه يفضى جزء بسيط من الزيت عشان المنسوب يقل عن ال max

صباح الفل يارجالة ....... انا بس عاوز افهمكوا اقصد ايه ب 3000 ار بي ام ...... انا كل اللي طالبه من حضرتك تطلع على طريق نضيف ويكون الطريق فاضي ووتمشي بالعربية عادي جدا من غير اي حرق والايكو شغال لغاية امما تجيب 120 هتلاقي تقريبا ال ار بي ام معاك حوالي 3500 ساعتها تبدأ تشيل رجليك من على الدواسة سنة سنة لغاية ما ال ار بي ام يبقى 3000 وساعتها سرعتك هتتراوح مابين 100 لغاية 120 حسب الطريق و الهواء معاك ولا ضدك والطريق طالع ولا نازل بس اهم حاجة يبقى ال 3000 سرعتك من 100 ل 120 وساعتها انت لوحدك هتحس انك يادوبك بس لامس الدواسة وبكده العربية هتكون يدوبك بتشم البنزين وده كلام علمي على فكرة لان العربية خلاص بتكون خدت سرعتها .... امما بقه لو حضرتك زودت عن ال 120 صوت العربية هيعلى طبعا والبنزين استهلاكه هيزيد ونفس الكلام طول ما سرعتك اقل من 100 البنزين استهلاكه هيزيد طبعا ..... من الاخر بالبلدي كده طول مالعربية واخدة سرعة ثابته على الغيار الاخير ده بيبقى افضل وضع للموتور لكن طول منت عمال تشيل رجلك وترجع تدوس تاني وبعدين تفرمل شوية وترجع تدوس تاني وبعدين تقف في اشارة وترجع تدوس هتسحب بنزين عالي جدا وده في اي عربية مش في الريو بس وده السبب الرئيسي لارتفاع معدل استهلاك البنزين داخل المدينة على عكس الطرق السريعة............
امما بالنسبة بقه لصوت الموتور طبيعي جدا جدا ان صوته يبقى عالي كده خصوصا كمان ان حضرتك لسه بتلين هتعرف الفرق ان شاء الله مع غيار الزيت اللي جاي ..... بس اهم حاجة تحافظ على عدم الحرق على الموتور بدون داعي خللي الحرق ده على الطرق المفتوحة عشان تحافظ على عربيتك .......