السلام عليكم
بفكر أشترى كيا ريو هتشباك (هاى لاين )
و كنت محتاج أعرف ايه هى عيوب العربية دى بمنتهى الحيادية
مشكورين مقدما"
عرض للطباعة
السلام عليكم
بفكر أشترى كيا ريو هتشباك (هاى لاين )
و كنت محتاج أعرف ايه هى عيوب العربية دى بمنتهى الحيادية
مشكورين مقدما"
منقول عن واحد صحبى معاه الريو ان العفشه بتاعتها نشفه شوى يعنى مش العيب اللى يقلق
هي عربيه محترمه وشيك وواسعه ومنتشرة
وبالنسبه للعيوب انا لست من ملاكها ولكني سمعت عن مشكلة استهلاك البنزين انه عالي وما بيقلش حتى بعد تعديل السوفتوير وتغيير البوجيهات
ايضا صاجها ضعيف .. واسأل على قطع غيارها وصيانتها ممكن تكون غاليه شويه
كل العيوب ممكن تتأقلم معاها عادى لان ببساطة مفيش عربية من غير عيوب انا شايف ان اكتر عيب ممكن يعمل مشكلة هو صغر حجم الشنطة لو مش فارقة معاك يبقى توكل على الله عربية جميلة بس خليك فى الخليجى وحاول تشترى ضمان ولو لاقيت حاجة كسر زيرو يبقى انت ربنا كرمك بجد
هي عموما عربيه بسم الله ما شاء الله عليها جميله جدا وسواقتها مريحه جدا جدا وبالنسبالي كشاب مفهاش اي عيب بس انصحك خليك في الوكيل عشان اكتر المشاكل في العربيه دي بتبقي في الخليجي فقط زي سحب البنزين و وكمان الجنط ال١٧ ده هيبقي ناشف وهتبقي العفشه رخمه فعلا عشان بلدنا كلها مطبات لكن الجنط ال ١٥ بيخلي العفشه ناعمه الي حداً ما بس افضل بكتير من ال ١٧ . وعن تجربه انا معايا هاتش باك وكيل هاي لاين . واي سؤال انا معاك
متشكر على ردك و اهتمامك
صحيح مفيش هربية من غير عيوب بس عيب عن عيب يفرق
و بالنسبة لكسر الزيرو للأسف ما بقاش فيه ضمير خلاص علشان تطمن تشترى عربية مستعملة فى بلدنا دى حتى و لو عاملة 1000 كم بس و لو حتى روحت رفعتها فين حتى ممكن تشرب جامد و حصلت يا ما مع ناس اعرفها
العربية انا مقتنع بيها فعلا جميلة اللى ممكن يغير رأيي بس لو لقيت عربية مناسبة كروس أوفر حلوة
مفيش حاجة مناسبة أكيد هتبقى الريو
كلامك سليم اذا ملقتش اي حاجة SUV عالية عن الارض بما انك في شوارع مكسره
يبقى توكل على الله الـRIO معانا كلنا 10\10 وفي تقرير انا عامله بعد صيانة 10 الاف كيلو انا عامله معايا دلوقتي 12 الف كيلو
وبصراحة كأنها جديده كل اللي بيتعمل في الصيانات بس تغيير زيوت لكن ولا صفافير ولا غيره روح شوف نيسان ايه اللي حاصل هناك مقولكش تدوس على الفرامل كأنك بتفرمل عربية نقل كساح والله انا خوفت ونزلت من العربية واديتها لصاحبها قلت له دا انا في نعمه تعالا اركب معايا الريو واتفرج
بس نصيحة لوجه الله - لو هتشتري ريو خليك في وكيل هاي لاين علشان وسائل الامان
abs
ebd
2 airbags
ووكيل علشان الوكيل مواصفاته هنا في مصر متناسبه مع مصر يعني عفشه وسوفت وير وكل شئ 10\10
انا معايا العربية الهاتشباك الوكيل الهاى لاين وبصراحة العربية تمام لغاية دلوقتى مفيهاش اى مشاكل الحمد الله
بالنسبة للسحب مفهوش مشكلة حتى مع التكيف واحسن من عربيات تانية كتير
واستهلاك البنزين اعتبر انت راكب عربية 1600 لان موتور العربية 105 هورسباور فعلا قوي وقريب من معظم المواتير 1600 اللى موجودة
العيوب من وجهة نظري
العربية ليست مرتفعة قوي عن الارض
الشنطة صغيرة