عرض للطباعة
الحمد لله العربية الفورد فيستا الجديدة واحد خبطها من ورا و أنا ماشى. الاكصدام فك من الجنب و اتشرخ.
الظابط قالى يفضل أعمل المحضر ضد مجهول (كأنها اتخبطت و هى واقفة) علشان العربية ماتباتش فى القسم و الاجراءات تطول.
عمرى ما أمنت قبل كدة, التأمين شامل مع مصر للتأمين
1- فى حد أقصى للحوادث كل سنة ؟
2- الاجراءات تاخد كلها قد اية ؟ يا ريت بالتفصيل ...
بص يا باشا
لو هاتغير في التوكيل .
هارتوح التوكيل (يعملك مقايسة و تسعير للتلفيات )
و تبلغ شركة التأمين ........ على موقعهم الألكتروني .
يكون معاك (الرخصة - المحضر - رقم الوثيقة - المقايسة بتاعة التوكيل )
لو تغيير أكصدام بس ....... هاينزلك موافقة من شركة التأمين
هاتدفع ثمنه للتوكيل و تغيره مع حساب المصنعيات طبعا .
في خلال شهر و نصف الشهر
مصر للتأمين هاتصدر شيك بالمبلغ و ترجع تصرفه أنت من البنك .و لو فيه نسبة تحمل في الوثيقة ... الشيك هايطلع ناقص نسبة التحميل .