هل شكل العدادات بيكون كدا فى فئة ex fo ؟؟
http://nileup.com/up/uploads/nilemotors_13759199761.jpg
و ايه الحاجات اللى بنستلمها مع العربية ؟؟
و ما سعر الترخيص فى المرور ؟؟
و انا لقيتها فى معرض 2013 بـ 163 ألف هل السعر دا مناسب و لا أفاصل كمان ؟؟
عرض للطباعة
هل شكل العدادات بيكون كدا فى فئة ex fo ؟؟
http://nileup.com/up/uploads/nilemotors_13759199761.jpg
و ايه الحاجات اللى بنستلمها مع العربية ؟؟
و ما سعر الترخيص فى المرور ؟؟
و انا لقيتها فى معرض 2013 بـ 163 ألف هل السعر دا مناسب و لا أفاصل كمان ؟؟
للرفع
دة العداد بتاعها ايوة
الحاجات الي بتستلمها معاها عدة العربية طبعا و الكتالوج و لو هي سبورت هيبقى معاها 4 جنوط و سبويلر و اعتاب و طبعا كاسيت و تكييف و abs و سنتر لوك
بنسبة للترخيص هي 1600 او لو القديمة 1500 هتكلفك السنة في حدود 600 جنية شاملة كل حاجة و الاكراميات
بنسبة لسعرها فاصل اكتر لان التجار حرامية و العربيات الي عندهم قديمة من قبل ما الاسعار تغلى دي لو كانت قبل الاسعار كنت هتجبها بي 140 الف ففاصل فيها اكتر و ربنا يكرمك و يكفيك شرها
شكرا جزيلا على رد حضرتك
لكن عندى إستفسار بسيط آخر
الفئة دى معاها جنوط 16 هل الإستبن بيكون جنط و لا حديد عادى ؟؟
و ايه موضوع السبويلر و الأعتاب دى ؟؟ مشتفهومش بصراحة فى السيراتو الشكل الجديد
و ياريت اللى اشترى الفئة دى يفيدنا من فضلكم
بص لو ex خليجي اعلى فئة بتبقى نازلة بسبويلر صغير على الشنطة و عتب داير ميدور على العربية اما المصري مفهاش كدة و المصري الفئة التانية هي الي بتنزل بجنوط 16 و اعلى فئة الي فيها ستارت انجين و كفاشات ليداد و لنسات و كراسي كهربة و مروحة في الكراسي هي الي بتنزل بجنط 17
لا انا هشتريها توكيل بإذن الله
لان صاحب المعرض خوفنى من الخليجى و قالى خليجى لو فيه مشكلة بعد ما تشغل العربية انا آسف out معرفكش
اه هو ده عداد ال ex fo دى فيها ليدات فى الفوانيس الاماميه و الخلفيه لو فيها يبقى هو ده
مع العربيه الكتالوج و دفتر الضمان و طفايه و ولاعه طالما حضرتك هتشترى وكيل و عده العربيه مفتاح العجل و الكوريك و شداد الطوارئ و مفك صليبه و عاده مع بعض
تكلفه الترخيص حوالى 480 600 مش فاكر بالظبط
الاربع فرد و الاستبن بيبقوا جنوط و 16 احسن من ال17 بكتير لان بروفيل الكاوتش بيبقى اعلى و العربيه بتبقى حنينه فى المطبات غير الرزعه الى ممكن تكون فى ال17
الكلام ده طبعا مش صح لان التوكيل دلوقتى بيقبل العربيات الخليجى فى الصيانه عنده بس بتكون بفلوس و فيه كمان دفتر ضمان اسمه AAA تريبل ايه ده بيكون فى حدود 4 الف لمده 3 سنين او 100 الف بيضمن كل حاجه فى العربيه الخليجى او اى عربيه استيراد و خارج ضمان اى وكيل و فى المراكز المعتمده للوكيل و ليس مراكز صيانه الوكيل نفسه و انا تحت امر حضرتك فى اى استفسار
شكرا جزيلا عزيزى hambosi
بخصوص العربيات الخليجى أنا أقصد انه لا مرتجع للسيارة لو بها عيب لا قدر الله
و أكيد الضمان AAA مش هيقبلها أصلا لو شك ان فيها عيب لا قدر الله
آسف لو أزعجت حضرتك
عندى سؤال بسيط ايه أخبار استهلاك البنزين ؟ و التكيف و السحب ؟
السحب تمام مفهوش حاجة حتى مع التكيف مفيش مشاكل العربية سرعتها مش بتقل ولا سحبها هو بس بتهبط جامد مع ركوب افراد كتير و دة وارد في كل العربيات يعني و استهلاك البنزين جوة البلد الزحمة بيعمل حوالي 7 لتر لي 8 لتر لل100 كيلو و الطرق السريعة من 5.8 لتر لي 6.9 لتر و بيزيد سنة بسيطة مع تشغيل التكيف مش حتحس بالفرق يعني
الضمان بيقبل الخليجي بس بتدفع حوالي 4 الف او 5 الف عشان تشتري ضمان بس احسنلك خليك في التوكيل تجنبا للمشاكل
يا باشا اسال برحتك كلنا هنا بنفيد بعض :) :)
حتى الوكيل معندوش حاجه اسمها مرتجع الا لو كانت تكلفه الاصلاح اعلى من تمن عربيه جديد لكن لو عيب فى ماتور او جيربوكس بيغيره نفس الشئ مع تريبل a
سحب البنزين جوه البلد و حسب رجليك و دسوتك على البدال طبعا انا معايا بتعمل من 9 ل 11و نص لتر فى ال 100 كيلو
و الطرق المفتوحه العربيه طياره انا وصلت بيها 200 اول امبارح على طريق اسكندريه دمياط و كان سحب البنزين معايا مع تشغيل التكيف 12 لتر فى ال100
على سرعه 140 بيكون متوسط السحب 6.2 ل 7 فى ال100 مع التكييف بس العربيه جرايه
تفويله ال 50 لتر بيكتبلى ان العربيه تمشى 585 مره اول ما اشتريت كتبلى 650 كم
كل حسب سواقه حضرتك
انا اسف يا دكتور انى اقول ان الخليجى افضل فى حاجات كتير
اولا سعر الغربيه اقل 11 الف جنيه عن الوكيل وده اللى حصل معايا
اوبشن اعلى من الوكيل فى نفس الفئه
تعالى بقى لحاجات مهمه فى العربيه على سبيل المثال و ليس الحصر
ردياتير العربيه الخليجى انا هتكلم عن المواصفه السعودى اكبر و اعرض من الوكيل و ده بيكون عشان يدى العربيه تبريد اعلى نظرا لظروف الجو فى الخليج
الدهان بتاع العربيه تقبله لحراره الجو اعلى من الوكيل بردوا عشان نفس النظريه الوكيل السعودى بيدى ضمان على الدهان لوحده 5 سنين
ارجو ان اكون افدتك بعض الشئ
جزاكم الله خيرا جميعا
كلامكم صحيح جدا بخصوص الخليجى
بإذن الله غدا أزور المعارض مرة أخرى و أشوف الفرق و موضوع الضمان ده
أنا نفسى أجيب هااى لاين خليجى سعودى لان معرض الحجاز أتومبيل عارضها بـ 179000 يعنى فارق حوالى 20000 عن التوكيل
روح سمير ريان او الليثى فى مصر الجديده و مستورد الكيا خليجى سلطان فى الاسماعيليه متنساش حضترك يكون معاك بورشور بتاع الوكيل عشان تعرف الفرق منه
و الله الظروف فى القاهرة أعتقد هتضطرنى انى اجيبها وكيل لانى ممكن معرفش ارجع بيها البيت أصلا فى ظل الظروف الراهنة
ربنا يرحم مصر و يوحد شعبها
هو الخليجي في كل الاحوال احسن من المصري لاسباب كتير منها الدهان و الرادياتير زي ما قالك الباشا و ضيف عليهم نوع الكاوتش الي بيستحمل حرارة و سرعة اكتر من المصري و اضافات تانية منها ال follow me home light شفتها مرة في عربية خليجي في معرض و كان سعر الخليجي ارخص من المصري بس انا عندي اقتراح ممكن تجيب الخليجي الي عجباك في معرض الحجاز و تروح تامن عليها تامين شامل ضد عيوب و السرقة و اي تاثير سلبي على السيارة في مصر للتامين بحوالي 5 بواكي مثلا و تريح دماغك :)
من حيث الخليجى فهو بيفرق فى كماليات كتير جدا
لكن للأسف الخليجى الهاى لاين غير منتشر بكثرة فى محافظتى
لأن أغلب الناس بتشترى الخليجى أول فئة بس