-
شوف المفروض ان الفيوز ده ميطلعش شراره لوحده لانه المفروض والكلاكس مش شغال مفيهوش كهرباء
بس ممكن ان يكون الكهربائي اللي ركب اي حاجه زي الكاسيت او الانزار خد كهرباء من الفيوز بتاع الكلاكس المفروض كان حطه علي فيوز فاضي احسن كتير
بعد مشوار ولا حاجه جرب تجس الفيوز لو سخن برضو يبقي العيب موجود والكهربائي مش اد كده
المهم انت تتاكد ان النحاستين اللي مسيكين الفيوز مسكينه كويس اوي واتاكد من نضافه النحاستين وحاول علي اد ما تقدر يكون النحاسه مطبعه علي الفيوز ونضف النحستين كويس اوي وده بسنفره ناعمه اوي او اي حاجه مدببه مفك مثلا حك النحاسه لحد ما تلمع
لو الحاله كويسه بلاش تلعب فيها لان الكهربائي بيكون عدل النحاسه ولعبه الكتاوت دي علي شان يحلل لقمته ولو في حاجه انا معاك ما بزهقش :original:
-
الف شكر يا استاذ حسام
بقالى فترة متابع الفيوز ومفيش مشكله من ساعتها لا كلاكس قطع ولا فيوز سخن ولا حاجه
وربنا يكملها بالستر من عنده لانى زهقت من العربيه واللى بيطلع فيها كل شوية ده
خلاص قررت اركنها واطلعها بس ف المناسبات علشان اقلل من فرص اكتشافى لاى حاجه مش شغاله فيها
-
لا ما تركنهاش لو عاوز تتعلم وتعرف اكتر وانا ياما حصل لي اكتر من كده بس الواحد بيستفيد وبيتعلم وبيعرف وتعب ساعه ولا كل ساعه
-
اصلك متعرفش اللى حصل فى تجديد العربية كنت مأمن لواحد صنايعى كان ماسكها مقاوله ربنا يسامحه بقى دفعنى الطاق طاقين والشغل مش حلو خالص
العربيه ف اسبوع واحد اتسمكرت واترشت مرتين وطبعا المرة التانيه على حساب الصنايعى علشان كان في شغل غلط وطبعا مش كانت بنفس جوده المرة الاولى
فان شاء الله ناوى امشى بيها شوية لغايه ما الدوكو اللى عليها يطق وان شاء الله هجددها تانى فى قبل تجديد الرخصه الجاى بعد 3 سنين
فلو تنصحنى بايه ولو ينفع انى اعمل حاجات اجهز بيها العربية من دلوقتى للتجديد(بعد 3 سنين) بمعنى لو فى حاجات اجددها واحده واحده لانى مش ناوى استغنى عن العربية دى حتى لو صرفت عليها تمنها (بحبها وكفايه انى فهمت فيها شوية) ولو تعرف صنايعيه كويسين يعرفوا يرجعوها لحاله المصنع(مش ينسوا حتى ادق التفاصيل)
-
يا جماعه محدش يعرف طريق حد بيبيع فيوزات مش مضروبة
الفيوزات العظم ال 16a (لونه احمر ) اللى فى السوق اول ما بركبها بتسيح اظن ده من عيب منها لان الفيوز شكله ضعيف اوى وكمان البلاستيك بتاعه شكله ضعيف جدا
والبلاستك اللى شكله ناشف وكويس هوا بتاع الفيوز ال 25 a وخايف اركب فيوزات 25 لان فيوزات العربية اللى خلعتهم كلهم 16
Content Relevant URLs by
vBSEO 3.6.0 PL2