بعد اذنكم كنت بسال علي الطريق من بعد ما اخرج من اسكندرية واوصل بوابه الجيزة امشي ازاي لحد العين السحنة الغردقة
وطريق القطامية السخنة امان في كل الاوقات ؟؟
عرض للطباعة
بعد اذنكم كنت بسال علي الطريق من بعد ما اخرج من اسكندرية واوصل بوابه الجيزة امشي ازاي لحد العين السحنة الغردقة
وطريق القطامية السخنة امان في كل الاوقات ؟؟
بعد البوابات هيقبلك اول حاجه المحور هتسيه وبعديه بشويه الدائرى هتطلع عليه فى اتجاه المنيب والمعادى وتحرص انك تاخد بالك كويس وتتبع اللوحات الارشاديه عشان تتدخل من الدخله اللى رايحه على المعادى وبتبقى على يمينك وتكمل بعد المنيب والمعادى وكرفور ومودرن اكاديمى فى منزل يمين عند شركة غاز بتنزل وتعمل يو ترن وتلاقى طريق السخنة امامك وطبعا فى يافته كبيره وهو ده طريق الغردقه وتوصل بالسلامه ان شاء الله واكيد الاعضاء الافاضل هيضيفوا تفاصيل اكتر منى توضحلك وتوضح للجميع وبالتوفيق
شاكر لحضرتك ومستني اراء الاعضاء الكرام
رديت عليك على الرساله اللى بعتهالى
على العموم اهو تانى :)
من اسكندريه تاخد صخراوى و توصل القاهره تعدى البوابات و تكمل هتوصل للدائرى تعدى من تحته و تطلع اول طلعه يمين و تمشى شويه و تاخد وصلة المريوطيه يمين (زى كوبرى يمين مش منزل) و طوالى هتعدى النيل و بعديه كارفور و بعديه هتلاقى يفط مخرج القطاميه تنزله ... المنزل هيلف بيك و تعمل يوترن و ترجع تلاقى ميدان هتكمل طوالى (متلفش مع الميدان) هتلاقى بنزينة و طنيه و تخش يمين بعدها كده طريق السخنه حوالى 120 كيلو ...
و لما توصل اخره تخش يمين و طوالى 350 كيلو هتوصل الغردقه :)
(العين السخنه - الزعفرانة المسافة حوالى 80 كم و السرعة القصوى 90 و توجد بنزينة مصر للبترول فى أول الطريق و بنزينة موبيل ووطنيه فى الزعفرانة .. خلى بالك و متجريش عشان فى ملفات وحشه) ثم (الزعفرانة - رأس غارب المسافة حوالى 120 كم و السرعة القصوى 110 و توجد بنزينة وطنيه فى رأس غارب) و أخيرا (رأس غارب - الغردقة المسافة حوالى 150 كم و السرعة القصوى 110) و مدخل الجونة قبل الغردقة بحوالى 25 كيلو و من بعد الكمين السرعه 90 و بيكون فى رادارغالبا
[QUOTE=mohamed_selim;3875125490]رديت عليك على الرساله اللى بعتهالى
على العموم اهو تانى :)
جزاك الله خيرا انا عارف انك ماتقصر بس والله الرسالة ماوصلتش
استاذ محمد هل وصلة القطامية السخنة امان في كل الاوقات ؟؟ لانها 120 كيلو من غير خدمات
امان و عمرى ما سمعت عن حاجه عليه
و مين قال مفيش خدمات.. فى النص فى بنزينه و استراحه