الموضوع: صوت تزييق في العربيه الانترا 2012

ممكن تشوف الجرابات الي في الباب ممكن يكون فيها حاجة محطوطة بتتهز بتعمل الصوت دة او ممكن قايم السنتر لوك الي جوة الباب مفكوك مش مربوط كويس انا حصل معايا نفس الحركة و طلع ان في حاجة مش مربوطة كويس جوة الباب بس هي ملهاش دعوة بالموتور متقلقش العربية سليمة بردوا شيك على التابلوة ممكن من الحرارة يكون فك من الجناب او من عند الكاسيت و ربنا يباركلك فيها و تركب احسن منها ^_^

المشاركة الأصلية كتبت بواسطة mafshaheen

السلام عليكم جميعا
اولا كل سنه وانتو طيبين
دي اول مشاركة في المنتدى وعندي سؤال في الانترا 2012، انا العربيه معايا الهاي لاين وبلاحظ وانا ماشي عى سرعات واطيه او متوسطه ان فيه صوت حكه او تزييق جاي من بودي العربيه من الداخل كأنه صوت بلاستك بيحك في بعضه او صوت بلاستك بيحك في حديد، لما ركزت شويه عشان اعرف مصدر الصوت ايه حسيت انو جاي من الابواب او القوائم الجانبيه بس برضه مش متأكد... في الأول برضه كنت متخيل ان ده صوت الفرش الجلد مثلا بيحك في بعضه ! طبعا ده ممكن يكون استنتاج خطأ بس انا استنتجته لأن الصوت شبيه بصوت كأنك لابس جاكت جلد وقاعد على كرسي جلد ! :-))
معلش انا عارف ان الموضوع غريب شويه بس انا بثق في رأي اعضاء نايل موتورز جدا ونصايحهم في الجول بصراحه
جزاكم الله كل خير وشكراً مقدماً

و انت طيب و صحة و سلامة
انا كان معايا الموديل اللى قبلها و زى ما انت بتوصف بالضبط بس للاسف زى ما الاخوة قالوا الموضوع قتل بحثا و موجود فى عربيات كتير كورى و يابانى و المانى تقريبا كل الكاتيجورى اللى زيها بس اقدر اقلك هو حاجة فى تقفيل التابلوه بتحك ما بعضها و تعمل الصوت ده
بس انت نسيت تقول انك كنت قافل الكاسيت عشان تسمع الصوت ده
استمتع بالعربية و نصيحة ما تدورش على سببه و انت سايق عشان أناعشت مع الموضوع و كنت هعمل كوارث؟؟؟؟؟؟ استمتع بالعربية و ربنا يباركلك فيها

الصوت دا من القايم اللى جنب السواق من المكان بتاع الحزام

الموضوع ده سببه ان الفاصل الكاوتش بين الابواب وفرش الابواب الداخلى بيكون فيه احتكاك مع اهتزاز السياره و الحل انك اما ان تقوم بتزييت هذه المناطق بالمواد المناسبه "سيلكون سبراى"
https://www.facebook.com/video/video...52106010475338
او تتجاهل الصوت :)

المشاركة الأصلية كتبت بواسطة rsarabia

الصوت دا من القايم اللى جنب السواق من المكان بتاع الحزام

انا اتجننت في العربيه بسبب الصوت دا لمده اسبوع لحد ما اكتشفت الصوت جاي من ناحيه حزام الامان بعد كدا كبرت دماغي بس عايز اعرف ايه حلها وشكرا

المشاركة الأصلية كتبت بواسطة alkareem

ممكن تشوف الجرابات الي في الباب ممكن يكون فيها حاجة محطوطة بتتهز بتعمل الصوت دة او ممكن قايم السنتر لوك الي جوة الباب مفكوك مش مربوط كويس انا حصل معايا نفس الحركة و طلع ان في حاجة مش مربوطة كويس جوة الباب بس هي ملهاش دعوة بالموتور متقلقش العربية سليمة بردوا شيك على التابلوة ممكن من الحرارة يكون فك من الجناب او من عند الكاسيت و ربنا يباركلك فيها و تركب احسن منها ^_^

المشاركة الأصلية كتبت بواسطة john55

انا اتجننت في العربيه بسبب الصوت دا لمده اسبوع لحد ما اكتشفت الصوت جاي من ناحيه حزام الامان بعد كدا كبرت دماغي بس عايز اعرف ايه حلها وشكرا

شكرًا يا جماعه على الردود ، انا فعلا بطفي الكاسيت وبشيل كل حاجه من الجرابات و كمان ساعات بطفي التكيف عشان حتجنن واعرف الصوت جاي منيني، لو زي حضراتكم مبتقولو الصوت ممكن يبقى جاي من العمود اللي جمب السواق اللي فيه الحزام يبقى إيه الحل ؟ ولو رحت التوكيل في الصيانة الجايه تفتكرو انهو توكيل أحسن في التعامل مع المشاكل دي،،، العبور ولا أبو رواش،،،، انا بروح أبو رواش دائماً بس بفكر أروح أجرب بتوع العبور

المشاركة الأصلية كتبت بواسطة محمد فوزى

الموضوع ده سببه ان الفاصل الكاوتش بين الابواب وفرش الابواب الداخلى بيكون فيه احتكاك مع اهتزاز السياره و الحل انك اما ان تقوم بتزييت هذه المناطق بالمواد المناسبه "سيلكون سبراى"
https://www.facebook.com/video/video...52106010475338
او تتجاهل الصوت :)

شكرًا يا فندم،، ده ممكن اشتريه منين ؟