الموضوع: انا و اختى انضربنا غى الشارع من ست و جوزها نتصرف ازاي

يا جماعه انا بنت ناس محترمين و مليش في اللبش ، كل غلطتي اني وانا ماشيه داخل احدى المولات اتكعبلت في واحده لبش و لقيتها ابتدت تشلأ و هتفرشلي الملايه و شتمت طبعا فقولتلها انا مش هرد عليكي و مشيت و حاسبت المحل لأن الدنيا كانت زحمه اوي عند الكاشير و خرجت و كملت خروجتي و خرجت من المول انا و اختي و كنا مستنين تاكسي لقيتها جايبه جوزها و بتشتمني تاني فى الشارع بشتايم قذره جدا جدا و مدت ايدها على وش اختي و انا والله ما نطفت و جوزها بيشجعها و جوزها نفسوا مد ايده عليه لما حاولت ادافع عن اختي وولاد الحلال حاشو و واحد منهم جاب بطاقته و ادهالي و هما لما لقوا الوضع كده ركبوا عربيتهم و هربوا علطول بس انا و قفت قدام العربيه وهو حاول يشيلني بالعربيه و مشي طبعا و .. انا من كتر الاهانه اللي شوفتها زائد اني مغلطش بكلمة واحده زائد اني عمري ما شفت بلطجه بالشكل ده رحت خلعت نمرة عربيته الورانيه لانها كانت ملخلخه و مشينا و كلمت اخويا ووالدي و روحت عملت محضر انا و اختي بس كل الناس بيقولولنا طالما مفيش اصابات المحضر هيتحفظ و كمان مفيش شهود لأن انتوا عارفين حال البلد.

انا مش قادره اسكت على اللي حصل و لو سكت الناس دي هتطاول على ناس غيري و يعملوا نفس عملتهم . انا دلوقتي معايا بطاقة الراجل و رقم عربيته (اللوحه نفسها) و المحضر اللي عملته كان برقم العربيه فقط لاني مكنتش لسه حصلت على بطاقته من الناس اللي وقفوا معايا.

انا اتبهدلت جامد اوي اوي و والله ما بعرف انام ولو نمت ساعتين كل 48 ساعه يبقى كويس اوي. الموضوع ده حصل من اربع ايام و انا على فكره حامل و لسه مروحتش كشفت عشان اطمن على الجنين بس انا حالتي النفسيه وحشة اوي و كمان جسمي كله مكسر من الضرب و ضهري و اجعني لوحده من الحمل و بعد المشكلة دي واجعني اكتر و اكتر .

على فكره انا قلت في المحضر اني حامل و هما ادوني ورقه اكشف بيها في مستشفى هليوبلس.

قولولي اتصرف ازاي مع الناس دي.

يا جماعه الموضوع اكيد في تفاصيل اكتر من كده بكتير بس انا مش عايزه اطول عليكوا و والله انا مغلطش في الست غير لما لقيتها مدت ايدها على اختي و لقيت جوزها بيمد ايده عليه قولولنا نتصرف ازاي ارجوكوا .. و و الله شتمتني وانا جوه المحل و مرديتش عليها و شتمتني بره المحل شتايم قذره و بردو مرديتش و هي لما لما لقيتنا مؤدبين راحت قالت كمان تمد ايدها.

المشاركة الأصلية كتبت بواسطة y a r i s

ًمعليش طولي بالك يا بنتي
واحكيلي كده من الاول علشان انا مفهمتش ايه الي يخلي ست مع جوزها تجري وراكي علشان تضربك يوم العيد ... يعني انتي كاتبه انك اتكعبلتي في وحده شلق ... هل وانتي بتتكعبلي اتشعبطي في طرحتها ولا حصل ايه بالزبط ... وحده وحده كده وفهمينا واحكيلنا بهداوة حصل ايه .... والمهم سيبك من ده كلو اهم حاجة الجنين يكون بخير وتروحي تطمني عليه . .

حضرتك ده في رمضان .. والحكايه بالظبط اني كنت في محل زحمه جدا وانا رايحه للكاشير اتكعبلت في الست دي و انا كنت هقع لقيتها جايه تزغندني في قلبي و تقولي هو انتي عاميه ومش شايفه فقولتلها ايه ده هو انتي بمتدي ايدك ليه فراحت شتمت و قالتلي يا حيوانه يا سافله رحت انا قولتلها باللفظ انا مش هرد عليكي و حاسبت المحل ومشيت و بعدين واحنى مستنين تاكسي انا واختي لقيتها جايه هي وجوزها وبتشاورولوا عليه وبتقوله هي دي ----------- ..... اللي ضربتني فانا قولت معاها راجل و قلت مش هكلمها طالما لسانها زفر و لسه بقول لجوزها اتا اتكعبلت فيها مش ضربتها و الله لسه بقوله حضرتك لقيتها لطشت اخي بالقلم و مسكت فيها تضربها .. هي مسكت اختي لأن اختي اللي كانت قريبه ليها فانا بحوش لقيته مسكني من وشطي و زقني و و الموضوع تطور .. يا جماعه اى انسان طبيعي هيحصله كده هيدافع عن نفسه اقل حاجه انه يشتم و هي شتمت كتير وغلطت في ابويا وامي وفيا و شتايم اقذر من اللي كتبتها فهي لما لقيتني اني كمان همد ايدي زي ما مدت ايدها ركبت العربيه و هو ركب و هربوا فانا وقفت قدام العربيه راح هو ماشي و شالني بالعربيه فهو ماشي انا خلعتله نمر العربيه و عملت فيه بلاغ ومره تانيه بقول لو انا مش مظلومه مكنش حد جابلي بطاقة الراجل لأنه افترى هو وهي .. و انا ببقوله قدام الناس انت شايف مراتك بتشتم شتايم قذره و بتضرب وسكتلها يقولي دي مش مراتي

انا كل اللي عملته اني عملت محضر والكل بيقولي المحضر هيتحفظ ، انا خايفه يكون جنيني حصله حاجه

و على فكره اللي سمعته بعد كده ان الست دي من شبرا وانتوا عارفين يعني ايه ست من شبرا وبتتخانق

حسبي الله و نعم الوكيل فيها هي وجوزها

و اقسم بالله كان معاها بنتين معرفش دول بناتها ولا ايه سنهم حوالي 17 و 16 سنه وكانوا بيقولولي معلش حقك علينا لأنهم عارفين انها مريضه وشبطه و بتاعة مشاكل