اوكتافيا a7 الكاتجوري الاول ولا اوبل استرا سيدان التربو

**Ahmed_Adham** · 13-08-2013 07:24 PM

المشاركة الأصلية كتبت بواسطة cosmo

انا عارف ان ده اللى بيحصل انا معايا اكسيل 1300 وبوصل ب3 ل110 بس هيا 4 غيارات بس
انا مشكلتى ان عربية 7 غيارات السرعة القصوى 220 وبتجيب 100 بغيارين كده ارهاق غير عادى على الموتور

طالما عداد ال rpm مدخلش الريد زون يبقى انت في السليم وكده كده لو الفتيس تيبترونيك العربيه لما تقرب من الريد زون بتنقل لوحدها عشان تحمي الموتور.

**cosmo** · 13-08-2013 07:29 PM

المشاركة الأصلية كتبت بواسطة Ahmed_Adham

طالما عداد ال rpm مدخلش الريد زون يبقى انت في السليم وكده كده لو الفتيس تيبترونيك العربيه لما تقرب من الريد زون بتنقل لوحدها عشان تحمي الموتور.

انا معنديش rpm فى الاكسيل بس الموتور بينعر ساعتها
اما الاسترا علشان لسة جديدة فمقرصتش علشان كدة كلامى نظرى(بدون خبرة)
والواحد بيستفيد

**A.Adel** · 13-08-2013 08:54 PM

المشاركة الأصلية كتبت بواسطة inspiron

مش عارف بصراحة 92 هيفرق في التسارع ولا في السرعة القصوي ولا في الاتنين

عن تجربة :)
هيفرق فرق بسيط قوي في ال low to mid acceleration
بس في ال high end الفرق بيبقى ملحوظ

**A.Adel** · 13-08-2013 09:23 PM

المشاركة الأصلية كتبت بواسطة inspiron

هرد فقط علي جزئيتين..اولا موضوع الملتي لينك ده انا مش جايبه من بيتنا حضرتك..ده كلام الشركة فرع غمرة قبل نزول العربية بشهور.وكلام موقع اجنبي اكد علي الموضوع ده انها مالتي لينك لمواتير البنزين وتورشن بيم لمواتير الديزل..كون ان ارتوك هنا يلعب فيها دي مش قصتي !! تمام!!

ما هي دي المشكلة
نقل معلومات من غير ما تتأكد منها

BTW : أنا أصلا شاكك إن -مع احترامي -مسئول المبيعات اللي بتتكلم معاه ده .......
والعربية هتطلع multilink
لأن فعلا في ال brochures ال 140 حصان بتنزل multilink

لا اما الشركة دي تبقى معفنة
وartoc auto بيسترخص وجايبينها هنا torsion beam
وساعتها أنا إيه اللي يخليني أشتري من شركة مش بتحترمني كعميل أصلا

المشاركة الأصلية كتبت بواسطة inspiron

بالنسبة لموضوع الاوبشن ده بردو مش جايبه من الحلم وانا نايم..العهدة علي الراوي م.احمد خليل مدير المبيعات.وتقدر تخطف رجلك لحد عنده في القطامية تسأله هو احسن ما نضيع وقت في البحث عن مصدر المعلومة اللي بنقلها..يعني الموضوع مش تحدي وتربص لبعض ونطلع علي بعض سمعة ان ده بيدافع ودخ متعصب وده متواطئ..الكلام ده اتهرس خلاص في كذا موضوع.

حلو قوي الكلام ده
يبقى مع احترامي :)

متجيش تقول بقى دي فيها كذا وكذا
وإنت مش متأكد

المشاركة الأصلية كتبت بواسطة inspiron

وتاني بقول لله الحمد انا لا فارق معايا a7 من استرا من العفريت..معايا فانتازيا ومعايا مرسيدس s-class فنقطة التعصب دي ملهاش محل من الاعراب.فضل ونعمة من عند ربنا.شكرا

هو إنت كل حد يكلمك تقولوا معايا S class
وربنا عرفنا إن معاك S

أُمال لو جديدة هتعمل فينا إيه
دي متجبش تمن C180 جديدة

المشاركة الأصلية كتبت بواسطة inspiron

اه نسيت بالنسبة للفتيس..هاتلي انت review او article من اي حته فيه شكوي من الجيل الرابع..شكرا

تمام يا باشا الله ينور عليك.

يا برنس الله يباركلك تسلم علي ردك.

بالنسبة للفتيس
البينة على من ادعى

إنت اللي مطالب تثبت إنه مفيهوش مشاكل
DSG لحد دلوقتي بيتعمل recall بسببه
سواء skoda أو seat أو audi أو VW

لحد 2013 بيطلع فيه مشاكل
الفتيس ده فااااااشل و VW عمالة تعند عشان الفلوس اللي اتدفعت في ال R&D
وعمالة بتجرب في العملاء في العالم كله

**inspiron** · 14-08-2013 03:47 AM

المشاركة الأصلية كتبت بواسطة A.Adel

ما هي دي المشكلة
نقل معلومات من غير ما تتأكد منها
ما قولنالك مش مشكلتي ان الشركة تشيع كلام وتغيره .. ولو مش مكفيك المعلومة هنا روح اسأل بنفسك ومتوجعش راسك !!
BTW : أنا أصلا شاكك إن -مع احترامي -مسئول المبيعات اللي بتتكلم معاه ده .......
والعربية هتطلع multilink
لأن فعلا في ال brochures ال 140 حصان بتنزل multilink

طيب ولما انت عارف ده بتشكك في كلامي ليه .. اذن انت زيك زيي في مصدر المعلومة علي الاقل انا جايبها من بق الوكيل مش من البرشور بتاعها.كون انه يكلفت الزبون تيجي تشبط فيا انا !!
لا اما الشركة دي تبقى معفنة
وartoc auto بيسترخص وجايبينها هنا torsion beam
وساعتها أنا إيه اللي يخليني أشتري من شركة مش بتحترمني كعميل أصلا

بين البايع والشاري...واللي ميعجبوش .. ميلزموش.

حلو قوي الكلام ده
يبقى مع احترامي :)

متجيش تقول بقى دي فيها كذا وكذا
وإنت مش متأكد

رديت عليك فوق.

هو إنت كل حد يكلمك تقولوا معايا S class
وربنا عرفنا إن معاك S

أُمال لو جديدة هتعمل فينا إيه
دي متجبش تمن C180 جديدة

وانت ايه اللي مضايقك !! يا عم انا بتباهي بيها ومحدث نعمة وبتنطط بيها !! هو انا جايبها من حر مالك؟؟ ولا انت منيت عليا بيها؟؟ انا حر يا سيدي!! وابقي فرجنا علي سعر عربيتك لما تبيعها اخباره ايه.. وبالنسبة لكلمة لو جديدة هتعمل فينا ايه..ياما في الجراب يا حاوي :) .. لا انت ولا غيرك هنا يعرف لسه شاريين عربية ايه ولله الحمد..ومحبيتش اعلن عشان ميجيش واحد زي سعادتك يفتكر اني بتنفخ عليه ولا حاجة..وفي النهايه دي فضل ونعمة من عند ربنا وربنا يحفظها.
بالنسبة للفتيس
البينة على من ادعى

إنت اللي مطالب تثبت إنه مفيهوش مشاكل
DSG لحد دلوقتي بيتعمل recall بسببه
سواء skoda أو seat أو audi أو VW

لحد 2013 بيطلع فيه مشاكل
الفتيس ده فااااااشل و VW عمالة تعند عشان الفلوس اللي اتدفعت في ال R&D
وعمالة بتجرب في العملاء في العالم كله

لا معلش انا كلامي واضح..هات انت ما يثبت ان الجيل الرااااااااابع حصل منه شكوي

**A.Adel** · 14-08-2013 06:40 PM

المشاركة الأصلية كتبت بواسطة inspiron

طيب ولما انت عارف ده بتشكك في كلامي ليه .. اذن انت زيك زيي في مصدر المعلومة علي الاقل انا جايبها من بق الوكيل مش من البرشور بتاعها.كون انه يكلفت الزبون تيجي تشبط فيا انا !!

أنت راجل في skoda team , يعني المفروض تتأكد من مصادرك
وبعدين معلش يعني

لما لقيته بيفتي في موضوع العفشة , تروح تنقل كلامه عن الكماليات ؟؟!!!!!!!

المشاركة الأصلية كتبت بواسطة inspiron

بين البايع والشاري...واللي ميعجبوش .. ميلزموش.

والله فعلا عندك حق :)
المشتري المصري ده يستاهل ضرب الجزم
طول ما هو مش بيدافع عن حقه وبيرضي إنه يتعامل على إنه درجة تانية
مع إننا من أهم الأسواق في المنطقة

ده مش option , دي عفشة يا اخونا
يعني أساسات عربية

لا يكونوا منزلينها كمان بـ platform مش MQB
وتبقى نازلة زي ال jetta

المشاركة الأصلية كتبت بواسطة inspiron

وانت ايه اللي مضايقك !! يا عم انا بتباهي بيها ومحدث نعمة وبتنطط بيها !! هو انا جايبها من حر مالك؟؟ ولا انت منيت عليا بيها؟؟ انا حر يا سيدي!! وابقي فرجنا علي سعر عربيتك لما تبيعها اخباره ايه.. وبالنسبة لكلمة لو جديدة هتعمل فينا ايه..ياما في الجراب يا حاوي :) .. لا انت ولا غيرك هنا يعرف لسه شاريين عربية ايه ولله الحمد..ومحبيتش اعلن عشان ميجيش واحد زي سعادتك يفتكر اني بتنفخ عليه ولا حاجة..وفي النهايه دي فضل ونعمة من عند ربنا وربنا يحفظها.

والله إنت أدرى بقى إنك محدث نعمة :)
كويس إنك إنت اللي قلتها
وفعلا اللي يجيب موديل من 10 سنين عشان يبقى اسمه راكب S
وكل ما حد يكلمه يقول أنا راكب S
يبقى عنده نقص فعلا

وبالنسبة للعربية الجديدة :)
إيه جبت فئة سابعة موديل 2000 LOL

أنا مش هرد عليك واقولك عندنا كذا وكذا لاني ميفرقش معايا إنك تعرف إنت ولا غيرك

بس نصيحة يعني وفيه ناس كتير ملاحظة الموضوع بس ممكن مش عاوزة تتكلم
ارحمنا بقى بأم ال S بتاعتك
مش كل ما حد يتكلم عن حاجة, تقوله أنا معايا S
والله عرفنا

المشاركة الأصلية كتبت بواسطة inspiron

لا معلش انا كلامي واضح..هات انت ما يثبت ان الجيل الرااااااااابع حصل منه شكوي

يا باشا أنا مش محتاج اثبت إنه فتيس فاشل
العالم كله معترف بكدة

وبالنسبة انهم عدلوه
الكلام ده اتقال 100 مرة قبل كده
كل مرة بيقولوا اتصلح وولا الهوا

وعشان نخلص برده ,أكيد فيه ناس هنا هتجيبها
بس للاسف هيحصل زي ما حصل مع الصني الجديدة
دفاع ملاك الماركة عنها بشدة خلى ناس كتير تتأذي
والايام بيننا وهبقى أفكرك

**inspiron** · 15-08-2013 12:43 AM

المشاركة الأصلية كتبت بواسطة A.Adel

أنت راجل في skoda team , يعني المفروض تتأكد من مصادرك
وبعدين معلش يعني

لما لقيته بيفتي في موضوع العفشة , تروح تنقل كلامه عن الكماليات ؟؟!!!!!!!

والله فعلا عندك حق :)
المشتري المصري ده يستاهل ضرب الجزم
طول ما هو مش بيدافع عن حقه وبيرضي إنه يتعامل على إنه درجة تانية
مع إننا من أهم الأسواق في المنطقة

ده مش option , دي عفشة يا اخونا
يعني أساسات عربية

لا يكونوا منزلينها كمان بـ platform مش MQB
وتبقى نازلة زي ال jetta

والله إنت أدرى بقى إنك محدث نعمة :)
كويس إنك إنت اللي قلتها
وفعلا اللي يجيب موديل من 10 سنين عشان يبقى اسمه راكب S
وكل ما حد يكلمه يقول أنا راكب S
يبقى عنده نقص فعلا

وبالنسبة للعربية الجديدة :)
إيه جبت فئة سابعة موديل 2000 LOL

أنا مش هرد عليك واقولك عندنا كذا وكذا لاني ميفرقش معايا إنك تعرف إنت ولا غيرك

بس نصيحة يعني وفيه ناس كتير ملاحظة الموضوع بس ممكن مش عاوزة تتكلم
ارحمنا بقى بأم ال S بتاعتك
مش كل ما حد يتكلم عن حاجة, تقوله أنا معايا S
والله عرفنا

يا باشا أنا مش محتاج اثبت إنه فتيس فاشل
العالم كله معترف بكدة

وبالنسبة انهم عدلوه
الكلام ده اتقال 100 مرة قبل كده
كل مرة بيقولوا اتصلح وولا الهوا

وعشان نخلص برده ,أكيد فيه ناس هنا هتجيبها
بس للاسف هيحصل زي ما حصل مع الصني الجديدة
دفاع ملاك الماركة عنها بشدة خلى ناس كتير تتأذي
والايام بيننا وهبقى أفكرك

مستوي النقاش لا يناسبني بعد وصفك لي بالنقص بدون وجه حق..لذلك انا همتنع عن الرد ولا تزعل نفسك يا سيدي الفاضل ومتشكر علي ذوقك.

بالنسبة للعربية الجديدة بتاعة الحاج الكبير x5 2012 حاجة كده علي اده.مش 2013 للاسف.ادعيله انت بالستر في طريقه بس :)

**A.Adel** · 15-08-2013 12:55 AM

المشاركة الأصلية كتبت بواسطة inspiron

بالنسبة للعربية الجديدة بتاعة الحاج الكبير x5 2012 حاجة كده علي اده.مش 2013 للاسف.ادعيله انت بالستر في طريقه بس :)

مش بقولك :)
تاني هتقولي عندنا وبتاع

**المنسي** · 15-08-2013 11:55 AM

ياشباب استهدو بالله الموضوع مش مستاهل

**EngAhmedSayed** · 15-08-2013 01:55 PM

اعذرونى لتداخلى فى الموضوع
و بعد اذن صاحب الموضوع انا مش هتكلم عن مقارنة بين عربيتين لانى الاخوة قالو كل حاجة بخلاف الطريقة فى التعامل مع بعض

اولا لية التحيز للاوبل و لية التحييز للسكودا

كل واحد شايف انى العربية اللى راكبها او اللى نفسو يشتريها احسن عربية

انا راكب سكودا كومبى موديل 1996 انا شايف انى هى احسن عربية دى وجهة نظرى بس مش هفرضها عليك اجبارى متفقين

نيجى بقى لحاجة تانية انا ضد جميع التوكيلات اللى فى مصر عارف لية لانى بينزل عربية درجة 3 او 7 كمان مش هى العربية اللى بتنزل فى اوربا و على فكرة فى ناس ميعرفوش الكلام دة لما روحنا وعملنا تقرير عن سكود ربيد 2013 طلعنا عيوب فى العربية مش عاوز اقولك التوكيل بيتجنبنا بسبب الموضوع دة و ممكن سياتك تراجع التقرير عندنا فى القسم فى قائمة المثبتات بس احنا دى رسالة و لازم توصل بأمانة للاخوة هنا فى المنتدى ومرضيوش نعمل تقرير عن اوكتافيا a7 علشان محدش يقول احنا بنتعصب لسكودا
و من الاخر كلنا بيضحك عليه فى القصة دى

يبقى انا مش شايف اى تعاصب او على الاقل نزعل من بعض لانى فى الاول وفى الاخر كلنا اخوة و اصدقاء و بنحب نقضى وقت حلو فى المنتدى فبلاش نفسد الوقت دة

تعالو نتفق على موضوع واحد ازاى نخلى التوكيلات دى ترضخ للمستهلك المصرى بدل ما يتاكل على ............. عيش
و يغتنو مننا

معليش طولت عليكم بس من خنقتى للتوكيلات ومدى العصبية اللى شوفتها فى الموضوع

تحياتى لكم بالتوفيق جميعا
م / احمد سيد
منسق قسم سكودا