بصراحة ايه رئيكم : في لبس المحجبات السوريات !

بسم الله الرحمن الرحيم

بصراحة : ايه رئيكم في لبس المحجبات السوريات !
هل ممكن موضة لبسهم تنتقل الى مصر وتعمم ؟
طيب هل تعلم ان هذه الموضه بالاساس هيا ملابس تركية اسلامية !

https://fbcdn-sphotos-b-a.akamaihd.n...68677727_n.jpg

تحية طيبة من القلب الى القلب .... طبعاً كلنا شاهدنا كتير من اشقائنا السوريين في الفترة الاخيرة .... ولفت انتباهنا ملابس المحجبات. بتاعهم .... فسؤالي هنا ليكم ايه رئيكم في لبسهم ... بالالوان السادة الجميلة بدون. زخرفة وورود ... زي البنات عندنا تلاقيها ماشية والايشارب بتعها عليها جنينة لدرجة اني شفت بنت مصرية لابسة ايشارب اصفر فيسفوري وصاحبتها لابسه تيشيرت اخضر فسفوري. .... مراتي بتقولي ايه ده !!!
قلتلها بنات عندهم نظر. عارفين الكهربا بتتقطع كتير فلابسين ايشاربات تنور في الضلمة ههههههههه

https://fbcdn-sphotos-e-a.akamaihd.n...72032949_n.jpg

المهم
نرجع لموضوعنا ... بزي السوريات. الرائعات الجمال هل تعتقد ان ممكن المصريات تتعدي منهم .... ويبتدوا يهتموا برشاقتهم زي السوريات هل ممكن المصرية تعرف وتعترف ان الجمال مش اني اعري الحته دي وارفع الكوم من هنا شوية والبس الوان كده فريحي تزغلل عيون الشباب. ... وورد وورد و ورق شجر على الجيبة على البلوزه الي عليها تيرتير على ايشاربات مايعلم بيها الا ربنا !!! انا حقيقي شايف من وجهت نظري الشخصية ان المصريات صفر على الشمال في الاناقه والشياكة !
الا من رحم ربي ... ياترى انتا وجهت نظرك ايه !

في انتظار جميع وجهات النظر
وعيد سعيد ... وكل عام وانتم بخير

@@@@@@@@
وتحياتي

عارف مشكلتنا اننا متتمسكناش بتقاليدنا وبقين نقلد

الصراحه اجمل بكتييييييييييييييييير من الللى بنشوفه فى الشوارع وخصوصا العبايات السودا المفروض انها عبايه سوداء علشان تكسى الجسم وماتبقاش مبينه حاجه وفضفاضه لكن ازاى الكلام ده ماينفعناش احنا شعب متتدين بطبعه يبقى لازم تبقى ضيقه من هنا ومحزقه من هنا علشان تلفت النظر اكتر............ حاجه تجيب شلل

اقتباس:

---

المشاركة الأصلية كتبت بواسطة adel_2346

عارف مشكلتنا اننا متتمسكناش بتقاليدنا وبقين نقلد

---

معاك حق ... في نقطة التلقليد دي بالذات
اه انا معاك احنا كشعب مصري بنقلد كل شيء كل شيء حتى الافلام بتاعتنا ومعندناش. فكر او رؤيا دراميا لكن بنشوف فيلم امريكي ولا هندي نقوم جيبينوا ونعملو فيلم مصري بنفس القصة واللقطات والافيهات الي في الفيلم الاجنبي .... بنقلد حتى في لحن الاغاني نشوف لحن تركي جملة من هنا على جملة موسيقيا من هناك ونعمل البوم ... حتى اطفالنا بيقلدوا احمد السقا وعبدو موته وقلب الاسد في تصرفاتهم الهمجية ... فليه لأ. لو قلدنا حاجة كويسة جيلنا من الشرق :) ... بصراحة يا عادل باشا يا عزيزي انا شايف ان الهوية المصرية اخذت بالاندثااااار بل الانعدام ... واصبحنا شعب بلا هوية شعب مقلد ... فانا بقول على الاقل نقلد الحجات الحلوة ... وبصراحة بصراحة بيني وبينك برغم بساطة لبس السوريات وهدوء الوان لبسهم وبرغم ان اللبس ساتر من اول شعرايه فيها لاخمص اخمص قدميهااااا بس الجمال هيطرشئ يا اخي منهم .... صحيح ان محسوبك كييف عبايات سوده قديم ههههههه بالذات اذا كانت ميتالك بس بصراحة الزي التركي او الزي السوري ليه نكهة رائعة. ... وتحياتي

ماهو النفس اماره بالسوء فانت طول ما انت سايب الناس على هواهم المجتمع هايزيد سوء اكتر واكتر ومش هاتلاقيه بيقلد الحلو لا هو هايقلد اللى يدخل دماغه ويقتنع بيه

اقتباس:

---

المشاركة الأصلية كتبت بواسطة besso

الصراحه اجمل بكتييييييييييييييييير من الللى بنشوفه فى الشوارع وخصوصا العبايات السودا المفروض انها عبايه سوداء علشان تكسى الجسم وماتبقاش مبينه حاجه وفضفاضه لكن ازاى الكلام ده ماينفعناش احنا شعب متتدين بطبعه يبقى لازم تبقى ضيقه من هنا ومحزقه من هنا علشان تلفت النظر اكتر............ حاجه تجيب شلل

---

هههههههههههههه جيت على. الجرح يا بيسو يا عزيزي
الحمدالله مش انا لوحدي باعجب بالعبايات ... بجد ايه ده يا اخي في عبايات دي مش عبايات خالص ... بجد تخلي القلب كده اول ما يشوفها تسمع دقات قلبك ابتدت تخبط في دماغك وتلاقي القلب بيعمل بوم بوووم ... وتبقى البت كده عرووسة وهيا ماشيا. تحس كده بون بوناية كده. ماشية ، او تبقى عامل زي. النوجا وهيا ملفوفة بشريط سيلوفان او عاملة زي الملبن من غير سكر من عند العبد الي هيا السادة بدون مكسرات بتبقى ااااااااايه اللهم صلي على النبي ... ايه ليت العبايات. تعود يوماااااااااً .... وتحياتي

http://img198.imageshack.us/img198/6...5606034266.jpg

ههههههههههههههههههههههههه ههههههههههههههههههههههههه هههههههه
ياباشا احنا شعب عنده استبحس فى دماغه ههههههههههههههههه

وكله كوم وربطه الطرحه يااااااااااااااااااااااه بيبقوا لافين راسهم هديه
تلاقى البنت وشها صغير كده وبسم الله ماشاء الله على الجمال لكن تاخد باللك بقى من العشه اللى هى عاملاها فوق دماغها هههههههه تحس انها مكفنه دماغها ولا تحس ان فيه ناس قاعده جوه هههههههههههههههههههههههه

ولا اللى بيحطوا الموبايل فى الطرحه هههههههههههههه اهم دول لوحدهم حكايه بقى تلاقيها ماشيه سرحانه اساسا وتلاقيها بتلطش فى اللى رايح واللى جاى ماتقفلى ام التليفون لا ازاى علشان تبقى بنت روشه وتلفت نظر الشباب مش يمكن تلاقى عريس فيهم (عريس يابوى هههههههههههههههه)

فعلاًلاً معاك حق يا بيسو يا عزيزي
موضة الطرحة الي عاملة زي سنام الجمل بتبقى حلو اكتر على البدويات. او الخليجيات بتحسسك كده بعزز. عزز ... يعني تحس ان البت. بنت نعمة. وبنت قبيلة ... لكن البت المصرية. سواء اكانت مسلوعة وقزعة كده لمن تعمل كده بتبين اكتر قد ايه هيا ئزعة ولو البت تخينه. بتحس مهرج لابس طرطور حاطط فوق منو طرحة ...

بيني وبينك يؤسفني بجد حال البنات المصريات الي جمالهم وؤنوثتهم اخر شيء يفكروا فيه الا من رحم ربي بس انا باتكلم عن الاغلبية مع الاسف بيعملو كده .... يعني مثلاً مثلاً نلاحظ ان في بنات بيتحجبوا مش عن اقتناع. لكن ممكن استسهال لسه هتقعد تسرح شعرها وتغسلو وتنضفوا وحده تقلك يالله خليني اضرب طرحة على راسي وخلاص .
وعلى فكرة. نوعية البنات دول ان دل على شيء فيدل قد ايه الاهمال عندهم في كل شيء
حتى يجيو يتجوزوا ميعمروش وبيطلقوا على طول وبسرعة تلاقي المطبخ بتاعهم او البيت انتا مش داخل بيت لا انتا داخل زريبه ليه لان البنت اتعودت على الاهماااال في كل شيء والاستسهال .

حتى برضو مع احترامي لامهتنا واخواتنا وبناتنا
انا بصراحة عن نفسي برضوا بدايق لمن الاقي واحدو طلعه من البيت باسدال ....

http://www.aqarcity.org/aswaqup2011/di-9SYE.jpg

رغم ان في منهم الي يقاوح ويقول ومالوا. ماهو لبس ساتر وكده ... ماشي هو ساتر وكل شيء ولكن ايه الفرق بينك وبين. شب. قاعد في بيتهم عدى عليه واحد صاحبو. فنزلوا بالبيجامة والشبشب الزيكو ووقفوا تحت البيت . وقال يالله نخطف رجلينا على ناصية الشارع نجبلنا سندويتشين كبدة ونتنااا راجعين !!

بمعنى اخر ... انو تحس ان البنت مستسهلة كده في كل شيء وطعاله بايسدال بيت مش. ايسدال خروج
وتلاقيها لابسة شيبشب حمام باصباع في رجليها ... وتقلك ياعمي محدش هياخود بالووو ... ازاااي يا ماما محدش هياخود بالو في ناس كده زي حالاتي دقيقيين جداً في حياتهم ههههه وبيحطوكي تحت الميكرسكوووب من اول ما تخوشي المحل لحد ما ترجعي تحاسبي و تركبي عربيتك ومن اول شبشبك للبسك لعربيتك لموديل العربية لغايت ايه الخبطات الي في العربية وماركت العربية ولونها والخرابيش الي في العربية ( كام خربوش) . وموديلها ونمرت العربية تبع اي مرور ههههههههه

علشان مابقاش فيه قيم ولا اسس للمجتمع ولا حتى فى التربيه
بس هاتعمل ايه ماهى البيئه كلها فاسده مجاتش عليهم يعنى

مش بيقوللك اذا صلح حال البيت صلح حال الامه(صح ولا انا قولت غلط ههههههههه)

هى مالاقيتش اللى يقولها كده غلط وبحزم كمان علشان هى بنت لازم هى اللى تاخد بالها من الحاجات دى اكتر من اللى حواليها
زى بالظبط لما تلاقى بنت ماشيه بتتكلم فى الموبايل وبتضحك بصوت عالى!!!!!!!!!!!!!!!!!!!!!!
ايه ده ياماما انت بتعملى كده فى بيتكوا؟؟؟؟؟ طب انا ازاى اجوز واحده بالشكل ده اذا كان هى مش عامله حساب لشكلها قدام الناس ولا صاينه نفسها وسمعتها يبقى هاتعمل معايا انا ايه؟؟؟؟؟؟؟؟؟؟؟؟؟؟

والبنت دى فى الاخر هى اللى بتكبر وترجع تربى اولادها اللى هما هايبقوا مستقبل البلد ويرفعوها لفوق(موت ياحمار)
فشوف بقى الحكايه ابتدت ازاى

زى كده لما تلاقى بنت محجبه وتلاقيها يوم فرحها ولا فى فرح حد تبعها تبقى مش عايز اوصف بقى ههههههههههههههههههههههههه ههه فيفى عبده بشحمها ولحمها
ولو اتكلمت معاها تقوللك عادى ده فرح؟؟؟؟ يعنى ايه فرح هو الفرح مباح فيه اى حاجه كده طبعا هى لاقيت امها واخواتها وعماتها وخالاتها كلهم عملوا كده يبقى هى هاتطلع لمين(نظريه الكفار ...... هذا ماوجدنا ابائنا واجدادنا عليه)

يا اخ ياريس سايب مشاكل البلد وعمال تتكلم في مواضيع ملهاش لزمه .... شكلك بتموت في الحريم يالئيم ههههههههه عامل زي اخوك هههههههههه

اقتباس:

---

المشاركة الأصلية كتبت بواسطة prof2013

يا اخ ياريس سايب مشاكل البلد وعمال تتكلم في مواضيع ملهاش لزمه .... شكلك بتموت في الحريم يالئيم ههههههههه عامل زي اخوك هههههههههه

---

ههههههههه ومين مبيموتش فيهم بس
انا بصراحة اعتزلت المشاكل. وطلقت السياسة بالتلاته ... بص انا عيشني عيشة كريمة وهاتلي نيتن ياهوو يحكمني مش مشكلة بس وفر لي الهدوء ابعد عني. الغجر ... نشطلي القوانين وغيرهالي. خلي صاحب الحق ياخود حقوقوووا وانا ابوس ايدي وش وظهر عاش الملك مات الملك ... والحق هنا مش زي الهبل الي الناس تطالب بيه عاوزين فلوس والكلام الهبل الي لا يودي ولا يجيب. الحق هنا اني لمن انظلم اعرف اجيب حقي بالقانون من غير مد ايد او شتيمة او ضرب او اي قلة ادب ... ده احنا ابسط حاجة انا لو خبطلك عربيتك اقعد اطنطط قدامي ليل نهار ماهطول مني ولا مليم .... فتسعين في المية من حقوقنا ضايعة وهو ده وجه اعتراضي ... ثم مين قال لحضرتك موضويع ملهاش لازمة بالعكس

بص السورين عندما جائو الى مصر على الرحب والسعه طبعاً وان مشلتيهمش الراس تشيلهم عنيناااااا لكن قدمهم وزيارتهم لينا هيغيروا التركيبة السكانية للمصر مش من حيث العدد لا بالعكس ... من حيث العادات والتقاليد ... والشطارة اننا ناخود منهم كل العادات والتقاليد الحلوة والمثل الحلوة .... انا شايف في عين واحد سوري دلوقتي انو نفسوا. اول مالامور تهدى في سوريا يفتح ابو حوااا هناك وينزل التكاتيك سورية ويشغل عليها العيال الشمامة السوريين ههههههة

لاحظ دلوقتي البنات عندنا بقو يلبسوا ايشارب ابيض سادة بس علشان تعمل نفسها سورية. يمكن حد يحن عليها ويبصلها ... فسؤالي هنا في هذا الموضوع هل ممكن ان يتحولوا بناتنا الى الموضة التركية او السورية الاسلامية ويرتدو مثل هذه الملابس الساترة الجميلة ولا هيبقى صعب تطبيق مثل هذه الموضة الاسلامية الجميلة عندنا احسن من الجينز المحزق على بدي. على ايشارب .... وتحياتي

خد بالك السكه اللي انت ماشي فيها دي اخرتها مش حلوه وشكلها هيبقى فيها جواز ههههههههههه أكل سوري وعروسه سوري ولبس سوري. الله اعلم الموضوع الجاي هيبقى فيه ايه هههههههههههههههه

اعتقد ان الحاجات السوري سواء لبس او اكل او حتي طريقه كلام تعتبر حاجه جديده و مختلفه لسه داخله علينا مع وفود الاخوه السوريين باعداد كبيره و لذلك فهي لسه ليها زهوتها و الناس مركزه منجذبه إليها مش اكتر و مع الوقت هتبدأ تتعود عليها و الموضوع هيبقي عادي و مألوف زيه زي اي موضه يعني بتاخد وقتها و بتروح.

بالنسبه بقي لموضوع اللبس تحديدا احنا معندناش زي محدد للمحجبات لكن هو محدد بمواصفاته من حيث كونه لا يصف و لا يشف و نظرا لان مفيش زي وطني للسيدات عندنا فلا مانع من الاقتباس من باب التغيير حتي مع مراعاه انه يبقي اقتباس محدود مش نقل حرفي يعني و الاقتباس طبعا في الموديلات المحتشمه و ليس من باب التقليد لان التقليد يجعل المقلِد هو رقم اتنين دائما و كمان بيلغي شخصيته يعني اللي بتروح تقلد السوريات في الشكل و اللبس و طريقه الكلام حتي بتخللي السوريه هي الاصليه و المصريه هي التقليد بتاعها مع العلم ان متطلبات الزواج من السوريه الاصليه اقل بكتير من متطلبات المصريه المقلِده و كمان بيدل علي ضعف شخصيه اللي بتقلد دي و عدم ثقتها بنفسها و بعدين في نقطه مهمه جدا و هي ان البنت قبل ما تنزل من بيتها بتبقي محدده كويس هي عايزه الناس تشوفها أزاي : يعني ممكن تبقي محجبه مثلا لكن مزحلقه الايشارب متعمده او لابسه ضيق او حاطه مكياج كتير لكي تلفت الأنظار إليها و ممكن تكون واحده مش محجبه صحيح انما محتشمه يعني اللبس في الاخر ما هو إلا تعبير عن جزء من طريقه تفكير البنت و شخصيتها و طريقه تفكيرها و لو هي عايزه ممكن تلبس حاجه محتشمه زوقها جميل و بسيط تجعل اللي امامها يحترمها و يقدرها و مش مشكله ساعتها هو اللبس ده منين و بالنسبه للهويه المصريه هي مش هتتأثر لان زي ما قلنا معندناش زي وطني زي الساري الهندي مثلا و كمان موضوع اللبس ده بالذات بيتغير كل شويه و مصر ما شاء الله بتستوعب جميع انواع الموضه انما اللي دائما بيفضل هو اللغه و التاريخ و الخصال الحميده زي الشهامة و الطيبه و التسامح اللي شعب مصر طول عمره معروف بيهم و دول اهم مليون مره من اي لبس

والله لبسهم محترم جدا انيق وملتزم بعكس اغلب البنات عندنا لبسهم حاجة خالية من الذوق وكمان ملزق ومحزق شكلهم يقرف

انا شخصيا مش بحب لبسهم نهاءي وبعدين مين قال ان كل السوريين بيلبسو كده كل مجتمع فيه وفيه

الاستايل ده تركي
ليا اصحاب اتراك بشوفهم بيه

محترم .وشيك جدا جدااا

والله هم لبسوا اى حاجه بس تكون محترمه لان ممكن الاستايل ده بشويه تعديل يبقى محزق وعريان وكاننا معملناش حاجه .
وبعدين حاليا بصراحه احوال البنات متشجعش الواحد انه يتجوز ولو عملوا قرود لان التربيه غلط فمش حتغيرها الهدوم .
بس انا كنت عايز اعرف رأى تركى فى الموضوع ده ههههههههههههههههههههه.

موضة وهتاخد وقتها وتعدي زيها زي البنطلون الشارل ستون ، والقميص الكاروهات ، وغيره كتير .

من اكتر حاجه الى بتضايقني التحجيبه الي على شكل سنم الجمل دي
في صحيح مسلم قول النبي صلى الله عليه وسلم : ( صنفان من أهل النار لم أرهما رجال بأيديهم سياط كأذناب البقر يضربون بها الناس ونساء كاسيات عاريات مائلات مميلات رؤوسهن كأسنمة البخت المائلة لا يدخلن الجنة ولا يجدن ريحها )
اسنمة : جمع سنم - البخت : نوع من الابل

بالنسبه للشعب المصري عمره ما هيقلد حاجه عدله في حياته يايارس باشا
ﻻنه بيموت في الرزيله

جمال سورى ايه يا يارس بس
منا بشوفهم زيك فى اكتوبر
الاغلبية جمال عادى مش يبهر ولا حاجة

اكيد شئ كويس

اقتباس:

---

المشاركة الأصلية كتبت بواسطة y a r i s

ههههههههه ومين مبيموتش فيهم بس
انا بصراحة اعتزلت المشاكل. وطلقت السياسة بالتلاته ... بص انا عيشني عيشة كريمة وهاتلي نيتن ياهوو يحكمني مش مشكلة بس وفر لي الهدوء ابعد عني. الغجر ... نشطلي القوانين وغيرهالي. خلي صاحب الحق ياخود حقوقوووا وانا ابوس ايدي وش وظهر عاش الملك مات الملك ... والحق هنا مش زي الهبل الي الناس تطالب بيه عاوزين فلوس والكلام الهبل الي لا يودي ولا يجيب. الحق هنا اني لمن انظلم اعرف اجيب حقي بالقانون من غير مد ايد او شتيمة او ضرب او اي قلة ادب ... ده احنا ابسط حاجة انا لو خبطلك عربيتك اقعد اطنطط قدامي ليل نهار ماهطول مني ولا مليم .... فتسعين في المية من حقوقنا ضايعة وهو ده وجه اعتراضي ... ثم مين قال لحضرتك موضويع ملهاش لازمة بالعكس

---

كلام جميل جدا , بس مش هايجي لنا ديلفري , لازم يتدفع تمنه بالعرق , و بالتعب , و بالدم للأسف

ما علينا
الستايلات دي تركي فعلا و بدأت تتواجد في مصر

هي اكثر احتشاما من المناظر الغريبة اللي بنشوفها في الشارع , و اكثر اناقة
ماقدرش اقول انها محققة شروط الزي الشرعي اسلاميا , لكنها افضل من غيرها زي ما باقول

و برده عندنا فئات محتشمة اكتر من كده

اقتباس:

---

المشاركة الأصلية كتبت بواسطة a.saad

جمال سورى ايه يا يارس بس
منا بشوفهم زيك فى اكتوبر
الاغلبية جمال عادى مش يبهر ولا حاجة

---

احمد باشا ههههههه انتا بس الي مبتركيزش ياباشا
وشكلك بتغض البصر نهههه انا عاوزك كده تدقق وتتامل في خلق ربنا و قول سبحان الله ... يعني من اول لون البشرة عارف الون ده ( استغفر الله العظيم ) سامحني يارب ... لون البشرة ده من اجمل درجات الالوان. عامل زي لون بشرة الرز بالبن والمهلبية مع الكريم كراميل ... العوود زات نفسوا العود الفرنساوي تحس كده ميكس بين جمال تالت حضارات ( الجمال الروسي. مع العود الفرنساوي مع العرق التركي مع نص معلقه جمال عربي بس ياسيدي ويضربوا في الخلاط تطلعلك البت السورية ... بلاش كده سيبك الطول بسم الله مشاء الله بسم الله مشاء الله ولا حول ولا قوة الابالله الطول. عندك من اول ميه وستين وانتا طالع فوق فوق فوووووق .

مش دنيا السنافرررر الي عندنا ... بلاش بقه اقولك على لون العيون. والوان العدسات الطبيعية ١٠٠٪. بس هقولك شوف ياباشا فتحت. ورسمة العيون كبيرة وحلوه قد ايه بسم الله مشاء الله تقلش فتحت عيون كيلو بترااا ... مش. السوبر الي عندنا ... الاجسام زات نفسها ياباشا الاجسام العصافيري والكتاكيتي كده ... غير الي عندنا احنا ياباشا اقل وحده اقل وحده تحس انها لبنيتا مش في البياض لكن جاموسة ماشية ... وتبص البت تقولك مش عارفه اخس واللهي يا ؤنكل حاويلت كتيررر ... تقلها حاوليتي ايه بس يا شيخه هو بعد حلة المحشي وحلة ورق العنب. والمكرونة الباشميل على الازانية على طبق الفاكهة. على طبق ام علي كل ده اسموووووووو محاولة !!!

بص يا احمد باشا الفرق الحقيقي بين البت لمصرية وبين البت السورية عامل بالزبط بالزبط زي الفرق بين العيش البلدي. والعيش الشامي الناعم الطري ( ريتش بيك )

ده كفاية وانتا بتسمع نبرة صوت البت السورية تحس كده بتسمع فيروز نجاة الصغيرة ... سولاف فواخرجي ... ومحسوبك يا احمد بيه عندي نقطة ضعف ومشكلة مع الصوت الهادي الرقيق واعز النعومة قووي قوي قوي . بالذات في الصوت ... ومحبش المرة الي بتجعر ابداً . او الي ترقع الدحكة كانها. بترقع زغروطة .

لذلك يا راجل يا طيب عاوزك تروح عند الحصري ... وارمي عربيتك في اي حته وانزل على رجلييك اتمشى وتامل في مخلوقات الله. عاوزك تتامل ... وانتا بتتامل قول سبحان الله تبارك الخلاق فيما خلق .

انا واللهي لو صحتي مساعداني كنت نزلت تاملت معاك ... بس البركة فيكم انتم الشباب بقه هههههههه ... وتحياتي ليك ياباشا .

انت شويه وهتنزل كتاب عن السوريات يا باشا
اانا كنت بفكر اخطب بس الكﻻم دا خﻻني اصبر لحد لما انزل في العيد الكبير نشوف الحصري

انت بس اللى منبهر ازيد من اللازم
اللى شايفه ان الجمال عادى
هو احسن من المصرى عامة
بس مش اللى يبهر اوى للدرجة اللى انت كاتبها
تقاطيع الوجه نفسه بلاقى منه عادى كتير
لانك بتاخد الموضوع ككل
مش جزء وجزء