-
مشكلة محيرة فى بولو
السلام عليكم
عندى مشكلة من شهر محيرانى وخلصت على الفلوس الاول العربية نوعها بولو 2001 ومسقطة موتور 1400 المشكلة باختصار ان العربية لما تكون باردة وجاى اطلع بيها بيحصل كوارث ( العربية بتبطل لوحدها وصوت فرقعة من الموتور وده طبعا غير الرجة ولو دوست بنزين مفيش اى استجابة ) واول العربية ماتسخن وادوس بنزين كتير العربية تبقى زى الفل .
انا غيرت الطلمبة وغيرت مسطرة الرشاشات والبوجيهات والكويل وفلتر البنزين ومفيش فايدة ولما بحطها على الجهاز مش بيسجل اى عطل ، الميكانيكى بيقولى العيب فى البلف الموجود على مسطرة الرشاشات وجربت كذا واحد ومفيش فايدة انا مبقتش عارف العيب فين
ارجو المساعدة وشكرا
-
ايه يا جماعة محدش ناوى يساعدنى ولا ايه
-
انا للاسف مش هاقدر افيدك بس انت اكتب المشكلة دى فى قسم سيات هتلاقى ناس تفيدك ان شاء الله
-
يا جماعة بجد انا محتاج النصيحة وعلى فكرة كل المشكلة دى ظهرت لما ركبي كتاوت للانوار
-
ايه يا شباب العيد خلص ولسه محدش راضى يفيدنى
-
بصراحة هى حاجة تجنن متهايئلى تروح تظبت كهربة و شوف الموضوع دا لانو ممكن يكون متعلق كهربة العربية
-
وشوف الجوان و الوش سلندر والمروحة بتشتغل ساعت لما بتكون العربية سخنة ولا لأ ؟؟؟
-
اعتقد انوا حساس الايدل لانة هو المسئول عن تظبيط العربية فى بداية الدواره لحد لم تسخن وهيخليها تاكل بنزين كمان
-
-
انا على فكرة حطيت العربية اربع مرات على الكمبيوتر ومفيش اى اخطاء وكل مرة عند واحد مختلف
Content Relevant URLs by
vBSEO 3.6.0 PL2