سكوتر sym للبيع

**m_abdelrahman** · 08-08-2013 04:04 PM

سكوتر سيمفوني 150 cc رمادي اللون موديل 2013
ماشي 500 كيلو فقط
حالته ممتازة جدا
مرخص سنة
السعر المطلوب 8000 جنيه و السعر نهائي

**banboty** · 16-08-2013 03:53 PM

ممكن صورة

**aliabdo** · 16-08-2013 04:30 PM

موفق فى البيع ان شاء الله عموما نصيحتى اصبر شويه و مستعجلش فى بيعه عشان معظم الناس خايفه اليومين دول و البيع و الشراء قليل

بعد اذن حضرتك ممكن اعرف سبب البيع ايه لو هو مش سبب شخصى يعنى حاجه متعلقه بالاسكوتر نفسه
بطئ مثلا او سحبه ضعيف شويه او ما شبه

تحياتى

**m_abdelrahman** · 17-08-2013 06:24 AM

أنا كنت رافعله صورتين بس مش عارف مش ظاهرين ليه!!!!!
عالعموم هو أتباع الحمد لله خلاص و عملت التوكيل و خلصت الاجراءات كلها قبل فض الأعتصام بيوم الحمد لله.
الاسكوتر مفهوش مشكلة و السيمفوني بشكل عام سكوتر كويس جدا بس أنا قررت مركبش أي دراجة نارية و لا أي حاجة بعجلتين في مصر تاني أبدا.

**aliabdo** · 17-08-2013 11:08 AM

مبروك و ربنا يبارك لك
معلش ممكن اعرف انت ليه قررت تعمل كده اصل انا بفكر اجيب اسكوتر؛ هل فى مشاكل فى الطرق بالنسبه للاسكوتر مثلا او اى حاجه تكرهك فى الموضوع عموما
معلش اعذرنى على كتر اسئلتي

**m_abdelrahman** · 17-08-2013 07:19 PM

المشاركة الأصلية كتبت بواسطة aliabdo

مبروك و ربنا يبارك لك
معلش ممكن اعرف انت ليه قررت تعمل كده اصل انا بفكر اجيب اسكوتر؛ هل فى مشاكل فى الطرق بالنسبه للاسكوتر مثلا او اى حاجه تكرهك فى الموضوع عموما
معلش اعذرنى على كتر اسئلتي

لا و لا يهمك أسأل براحتك.
الأسفلت في مصر وحش جدا و كله حفر و بلاعات و ده طبعا مبيخليش حد يعرف يسوق و هو مرتاح نفسيا.
أي شوية رملة أو تراب ممكن يعملولك مشكلة و المية نفس الكلام يعني هتتعب أوي لو الدنيا مطرت و هتتعرض لخطر أنك تقع.
طبعا الناس اللي بتركب العربيات مبتحترمش الموتسكلات على الطريق و خاصة سواقين التاكسي و الميكروباص يعني ياما هتلاقي ناس بتكسر عليك و ناس بتفرمل فجأة و ناس بتحود من غير متدي أشارة طبعا اللي راكب عربية حتى لو خبط أخره هيروح للسمكري أنما اللي راكب موتسكل هيتكسر هو و موتسكله و ممكن يموت كمان لأن منه للهوا مفيش حاجة حمياه.
من الأخر سواقة الموتسكل في مصر مغامرة كبيرة ممكن تنتهي نهاية وحشة جدا.
عشان كدة أنا قررت مركبش أي حاجة بعجلتين تاني يمكن الميزة الوحيدة أن الموتسكل سهل تلاقيله ركنة و حلو في الزحمة بس أنا مش شايف أن ده سبب أغامر بسببه أنا أركب عربية بكرامتي أحسن بدل ما أتبهدل على الأقل ليها أحترامها على الطريق.