ارجوا مشورتكم لاخوكم فى شراء البيكانتو 2008

**zamalek26** · 02-09-2008 11:43 PM

يا جماعة انا عاوز اجمع معلمومات عن البيكانتو

التكيف اللى فيها بيتركب فى مصر فعلا؟يعنى مش بيجى من بلدها فيها تكيف ؟لانى سمعت الموضوع دة من كذا واحد فى المنتدى...........

1-اية مزايا وعيوب العربية ؟

2-تجارب الناس من اللى معاهم العربية ؟؟؟

3-سعر العربية الفول اوبشن بكم ومنين اضمن مكان نجيبها؟

4-انا كنت بقارن بينها وبين الجيتز بس خوفت من الهيونداى لان كيا انضف من خلاصة الكلام فى المنتدى.............

5-وبرضة كنت بفكر فى السيريون اتوماتيك 1300 بس خوفت من موضوع الطقطقة اللى بيحصل لانى مش معقولة اجيب عربية جديدة وافضل اسمع صوت يطلع منها .... وبرضة مشكلة الطنابير فيها وصوت تيل الفرامل فيها ........عشن كدة ترددت فيها......... مع ان الديهاتسو تفوق انها يابانى بس انا شايف فيها عيوب تخلينى اتراجع .

يا ريت اللى عندة اى تعليق او نصيحة يفيدنى بيها...........

**shery103** · 03-09-2008 04:06 AM

طيب هى العربية معايا ، و زى الفل و عربية رائعة

بص يا سيدى موضوع التكييف اللى مشكوك فى امره ده بالنسبة للعربيات الخليجى ، يبقى نجيب تبع التوكيل ، اضمن منين ؟ يا تشترى من التوكيل ، يا تشترى من موزع معتمد ، و بكده تبقى حطيت فى بطنك بطيخة صيفى

طبعا هى الجيتز احسن من البيكانتو ، بس سعرها اعلى اوى ( ده اللى خلانى ابعد عنها )
و كمان التوكيل يطفش قبيلة ( زى ما بيقولو " ابعد عن غبور و غنيله " ) ، و انا مامتى معاها الفيرنا و شايفة بلاوى التوكيل ، فده اللى كرهنى فى اى عربية عليها علامة هيونداى طبعا

و بالنسبة للسيريون فهى برضو احسن من البيكانتو ، بس بصراحة حرااااااام اوى سعرها ، غالية جدا جدا بالنسبة للفئة دى ، و انا مش بقرا كتير عنها فمش عارفة المشاكل اللى حضرتك قلت عليها بس انا بسمع عنها كلام كويس اوى

بالنسبة للبيكانتو الفول اوبشن ، مانيوال 64 الف ، اوتوماتك 71 الف

و هى عربية حلوة جدا و واسعة اوى من جوة و سحبها حلو ( انا عربيتى مانيوال ) ، و تقفيلها نضيف و الباور بتاعها كهربا ناعم جدا مش محتاج اى مجهود و عزل الموتور كويس اوى ( تقريبا مش بسمع صوته ) ، و طبعا بما انها عربيتى ممكن اعد اشكرلك فيها من هنا للصبح

بس طبعا طبعا بما انك بتفاضل ما بين جيتز و سيريون و بيكانتو يبقى انت مضحى بالشنطة من اولها فمش محتاجة اقول ان شنطتها صغيرة صح ؟

و ربنا يوفقك :)

**hishamabdelhafez** · 08-09-2008 02:19 AM

طب انا عايز اعرف ايه الفرق بين البيكانتو الهاف اوبشن و الفول اوبشن. هل هو مرايات و زجاج كهرباء بس ولافى حاجة تانى ؟
وهل الهاف اوبشنز الاكصدام بيبقى لون العربية ولا بيبقى على طول اسود؟
والهاف اوبشنزبكام بقى ؟؟

**shery103** · 08-09-2008 03:52 AM

الفرق بين الهاف اوبشن و الفول اوبشن هو :

1- مرايات بلون العربية
2- الاكصدامات بلون العربية
3- اتنين ازاز كهربا
4-سنتر لوك و فتح الشنطة من الداخل

ايوة الهاف اوبشن الاكصدام بيبقى على طول اسود

الهاف اوبشن ب 61 الف
الفول اوبشن 64 الف

**mohamed ibiza** · 08-09-2008 08:21 AM

اتوكل علي الله و اشتري

**MomoMedo** · 08-09-2008 04:26 PM

ان شاء الله هنزل انهاردة التوكيل واشوف العربية دي
وهخلص فيها باذن الله

**A_Mando** · 09-09-2008 02:26 AM

المشاركة الأصلية كتبت بواسطة mohamed ibiza

اتوكل علي الله و اشتري

طيب لو بقارن بين البيكانتو و البونتو كلاسيك 2008 اختار ايه؟

**MomoMedo** · 09-09-2008 02:29 AM

انهاردة نزلت لفيت ملقتش خالص فل ابشنز كله هاف بس
والفل هتنزل كمان 20 يوم تقريبا
المركب هتوصل يوم 29

ايه رايكو اجيبها ولا استنى الفل
ولو جبتها ممكن الحاجات الناقصة اركبها في التوكيل؟

**drhaytham** · 09-09-2008 02:39 AM

المشاركة الأصلية كتبت بواسطة MomoMedo

انهاردة نزلت لفيت ملقتش خالص فل ابشنز كله هاف بس
والفل هتنزل كمان 20 يوم تقريبا
المركب هتوصل يوم 29

ايه رايكو اجيبها ولا استنى الفل
ولو جبتها ممكن الحاجات الناقصة اركبها في التوكيل؟

انا سالت في التوكيل عن الفتيس الاوتوماتيك قالولي مابنركبوش اما عن الاوبشنز ما سالتش لان عربية المدام ف اوبشن
تقدر تسالهم ع التليفون ده 25222222
و مبروك مقدما

**drhaytham** · 09-09-2008 02:41 AM

المشاركة الأصلية كتبت بواسطة A_Mando

طيب لو بقارن بين البيكانتو و البونتو كلاسيك 2008 اختار ايه؟

البونتو طبعا بس ما تنساش فرق السعر 11000 جنيه لو مستعد يبقى هتركب عربية فئة اعلى

الموضوع: ارجوا مشورتكم لاخوكم فى شراء البيكانتو 2008

LinkBack

أدوات الموضوع

عرض

-

-

المواضيع المتشابهه

محتاج مشورتكم فى شراء سماعات

ارجوا النصيحة فى شراء سيارة

عاجل محتاج مشورتكم في شراء رينو

اريد شراء سينناوعايز مشورتكم

محتاج مشورتكم يا شباب فى الدايهاتسو التريوس 2008

الكلمات الدلالية لهذا الموضوع

المفضلات

المفضلات

ضوابط المشاركة