زهقت من العربية و بأفكر ابيعها

**mshmshm3** · 10-08-2013 01:35 AM

استاذي العزيز
انا معايا العربية من اول 2008 و بعمل الصيانات في التوكيل و مهتم بالعربية
صوت طقطقة بيظهر في نص العربية و تحس انه جي من القايم
انا عملت موسوعات و مجلدات في الموضوع ده
في الاول رشيت زيت علي المفصلات و الصوت راح شوية و رجع تاني و من ساعتها ما راحش
لو هاتفكر تزيت المفصلات رش علي نضافة و ماترشش كتير
ولو ما راحش كبر دماغك
للعلم ....
في عضو معاه النترا 2012 و الصوت عنده
و اعرف ناس معاهم ياريس و كورولا و جيتا و كارينز و عندهم نفس المشكلة
كبر دماغك العربية جميلة و الشارع المصري الجميل يليق عليه عربية زيها
قطع غيار حنينة

**sherif4004** · 10-08-2013 02:32 AM

ياجماعه المشكله مش فى العربيه
فيه ناس اتعودت على اداء معين او متوقعه اداء معين وبتتفاجي بالواقع
يعنى مثلا انا عندي لانسر 2001 شايفها كويسه لكن العربيه اللى قبلها كانت بيجو 504 بصراحه افضل مليون مره فى احساس القياده
بالنسبه للفيرنا ساعات بستعيرها من صديق هيا جميله جدا واقتصاديه فى كل حاجه بس بالنسبه للانسر تبقى اقل ..
برضو مثال تانى
انا مره سقت جراند شيروكي جمرك اقسم بالله عربيه رائعه لو اعرف اجيبها يبقى تغور اى عريبه تانيه
واحد صديقى اشترى كورلا زيرو وقال عليها حقيره ومرتحاش غير لما والده اخد التويوتا وهوا اشترى فولكس جيتا

يعنى مش معنى كده ان السيارات دي سئيه
وعموما اللى عايز يحب عربيته يروح يركب 128 لمده 5 دقايق
الملخص اللى اتعود على الافضل لا يقبل بالاقل

**Yousf Verna** · 10-08-2013 02:48 AM

العربيه مش وحشه وماتورهاا جامد جدااا عشــان هى معايا من 2009 وزى الفــل ومافهاش حاجه للغايه النهـارده
بس فعلا الفيرنا من اول 2011 وخاصه 2012 زى ماا قالو الاعضــاء بيبقــى عيــب تقفيل وماافيش مراقبه علــى حــاجه
ربنــا ينتقم من التوكيــل وحاول تتجنبهم لانهم حرااميه و خليك فى مركز معتمد او اعمل الصياننه بنفسك عند ميكانيكى

**amrelsaqqa** · 10-08-2013 04:09 AM

المشاركة الأصلية كتبت بواسطة sherif4004

ياجماعه المشكله مش فى العربيه
فيه ناس اتعودت على اداء معين او متوقعه اداء معين وبتتفاجي بالواقع
يعنى مثلا انا عندي لانسر 2001 شايفها كويسه لكن العربيه اللى قبلها كانت بيجو 504 بصراحه افضل مليون مره فى احساس القياده
بالنسبه للفيرنا ساعات بستعيرها من صديق هيا جميله جدا واقتصاديه فى كل حاجه بس بالنسبه للانسر تبقى اقل ..
برضو مثال تانى
انا مره سقت جراند شيروكي جمرك اقسم بالله عربيه رائعه لو اعرف اجيبها يبقى تغور اى عريبه تانيه
واحد صديقى اشترى كورلا زيرو وقال عليها حقيره ومرتحاش غير لما والده اخد التويوتا وهوا اشترى فولكس جيتا

يعنى مش معنى كده ان السيارات دي سئيه
وعموما اللى عايز يحب عربيته يروح يركب 128 لمده 5 دقايق
الملخص اللى اتعود على الافضل لا يقبل بالاقل

بالظبط
والله بتندم اشد الندم على بيع الـ 504 :(

**loshabih** · 10-08-2013 01:34 PM

المشاركة الأصلية كتبت بواسطة mshmshm3

استاذي العزيز
انا معايا العربية من اول 2008 و بعمل الصيانات في التوكيل و مهتم بالعربية
صوت طقطقة بيظهر في نص العربية و تحس انه جي من القايم
انا عملت موسوعات و مجلدات في الموضوع ده
في الاول رشيت زيت علي المفصلات و الصوت راح شوية و رجع تاني و من ساعتها ما راحش
لو هاتفكر تزيت المفصلات رش علي نضافة و ماترشش كتير
ولو ما راحش كبر دماغك
للعلم ....
في عضو معاه النترا 2012 و الصوت عنده
و اعرف ناس معاهم ياريس و كورولا و جيتا و كارينز و عندهم نفس المشكلة
كبر دماغك العربية جميلة و الشارع المصري الجميل يليق عليه عربية زيها
قطع غيار حنينة

نفس المشكله بس انا 2011 والصوت مقرففففففففففففف جدا ان شاء الله هروح الهياكل قريب لو لقيت حل هقولك عليه

**mohammed dodda** · 10-08-2013 04:13 PM

المشاركة الأصلية كتبت بواسطة elsheikh2010

السلام عليكم ورحمة الله وبركاته
كل سنة وحضراتكم طيبين ....
استمراراً لمشاكلي مع عربيتي الزيرو للأسف .... معايا فيرنا 2011 والحمد لله على كل شئ .... أقسم بالله العلي العظيم اني بأصين في التوكيل بالرغم من أسعارهم النار و بأحسس على العربية لدرجة ان الي ماشي ورايا ممكن يتضايق مني وباسمع كلام زي الفل من السواقين الميكروباصات .... وبالرغم من كده باسمع أصوات عجيبة في العربية و المشكله الجديدة ... بقيت بأسمع في الصالون صوت زي سكسكة أو صوت حاجة محلولة جاي من التابلوه وبالذات لما بأمش على طريق محبب ومابيبقاش ظاهر لما بامش على طريق ناعم وكمان ومباسمعهوش لما بأكون مشغل التكييف مش عارف هل لأن صوت التكييف بيبقى عالي ؟؟؟ . واعذروني على التشبيه لأني مش عارف اوصفه ولا ممكن يكون جاي من ناحية الكاوش أو حاجة محلولة في الماتور وتصورا في التوكيل مش عارفين يوصلوا لهذا الصوت بعد سنتين من الذهاب اليهم لدرجة انهم بيقولي عيش معاه تخيلوا !!! وده بعد ماحلو الكونسول الي في النص وربطوا الحاجات الي ممكن تكون السبب .
فبالله عليكم ياريت لو حد حصلوا حاجة معاه شبه كده ياريت لا يبخل علينا بالرد ... لأنك تخيل معي عربيا زيرو بتخلل وانت ماشي بيها وبتشخلل بذمتك مش حاجة تغيظ .
الحمد لله على كل شئ وأسف على الإطالة

....سيبك انتا...أخبار أداء ال505 اللى مع حضرتك ايه؟ عادة ولا طيارة؟

**elsheikh2010** · 10-08-2013 04:30 PM

المشاركة الأصلية كتبت بواسطة mohammed dodda

....سيبك انتا...أخبار أداء ال505 اللى مع حضرتك ايه؟ عادة ولا طيارة؟:oc_sun1[1]:

ده ناقص امشي بيها على الحيطة ايه الفرنساوين دول عاملين عربية تقول مرسيدس ولا بي ام ده وانا ماشي بيها الناس بتكون عايزة تشتريها في وقتها .... عربية عسل مش تعباني خالص ماشاء الله لا قوة إلا بالله ده انا ساعات بنسى أغيرلها الزيت بتاعها وعمرها ما اشتكت ولا قلت بأصلها ...
لعنة الله على الي في بالي ....