الموضوع: زهقت من العربية و بأفكر ابيعها

ربنا يكون في عونك بجد مش عارف اقولك ايه بس بدون زعل انا مش عارف ليه حاسس انك اخترت العربية الغلط من البداية او متوقع اداء من العربية غير اللى هى هتديهولك ، والمفروض انك مش اتخدعت في العربية ولا حاجة ، انت شاريها 2011 ومعروف الفيرنا بمشاكلها وعيوبها اللى لا تنتهى بدأ بعيوب التقفيل والدهان حتى عيوب في الزوايا والشاسيه
حسبى الله ونعم الوكيل في غبور واستغلاله

انت كاتب في العربية الاولى 505 ( الاسطورة ) فطبيعى تشوف الفيرنا على انها عجلة دلوقتى (بدون مجاملة)
مش عايز احبطك ولا عايزك تزعل منى بس الفيرنا كدة وانت كنت متوقع ايه غير كدة

انت عايز عربية محترمة وتوكيل محترم وبتعمل صيانة في التوكيل وما فرقش معاك غلاء الاسعار يبقى ماكنتش دى العربية المناسبة ليك من البداية وساعتها فعلا يبقى البيع هو انسب خيار لو امكانياتك تسمح بالافضل

ولو امكانيات حضرتك ما تسمحش يبقى التعايش هو الحل الوحيد وبص دايما للى اقل منك ترتاح ..

هى فعلا حاجة تغيظ اما يكون معاك عربية زيرو ويحصل حاجات زى كدا لو قديمة معروف لزم عيوب علشان بقلها سنين وناس تقول هات الزيرو وريح بالك على العموم ان شاء الله تلقى حد يعرف العيب وربنا يبارك ليك فيها ويبعدك عن شرها

هى حاجة تغيظ و هى فعلا العربية تقفيلها عند غبور سىء جدا
و منصحكش فى الوقت ده تغير لان التغير عاوز مبلغ محترم لانك هتدخل على فئة اعلى
انا راى تشوف الموضوع عند صنايعى محترم تحكيله الموضوع و ان شاء الله توصل لحل و تنتهى القصة دى و بلاش التوكيل فى حكاية الاصوات دى
هما كلهم بتوع صيانات دورية مش بتوع حل مشاكل زى دى

ربنا يسامح الي نصحني بيها و لاأنصح اي شخص بشرائها كل الي بتشتريه ماتور بس غير كده عربية وحشة جدا جدا جدا ... طيب يا جماعة اروح لصنايعي زي مين كهربائي ولا ميكانيكي ؟؟؟؟

الصوت لو حاسه جاي من برة ناحية الحوض يعنى روح لميكانيكى
لو من جوة الصالون روح لسمكري
ولو من تحت روح لعفشجي

السمكرية بيبقوا مفتحين وبيلقطوها بسرعة ، حتى لو مش حاجة بتاعتهم ، يعنى ممكن يقولك الصوت ده صوت كذا ، وتروح للميكانيكى مثلا هو اللى يظبطلك الحاجة دى ... وهكذا ..

طيب ممكن يكون من الدراعات الي بيتربط فيها الواير الي بيخلي الهواء بتاع التكييف يجي من بره العربية أو دائري من داخل العربية يكونوا بيخبطوا في بعض . أو ممكن يكون مواسير التكييف بتخبط في صدر العربية .