عرض للطباعة
بأختصار شديد عاوز ارفع من اداء العربية في السحب والتجميع والشد يعني العربية الي معايا 1300 بس عاوز احس انها زي 1600 اعمل اية عشان احس بلعربية وادائها سمعت فلتر هوا رياضي وبوجيهات بس مش عارف اية الصح وهل دا لية ضرر للموتور؟؟ وهل ينفع ارجع بعد ما اعدل للفبريكة لو حبيت ارجع للفبريكة في اي وقت؟ والتكلفة تقريبا كام وعند مين اعمل الشغل دا ياريت معلومات ياجماعة وشكرا ليكم
اللى أعرفه إن أى تعديل فى هندسة الموتور تدفعه إلى إعطاء أقصى قدرة فهى بالتأكيد ستكون على حساب العمر الإفتراضى للموتور .
فى هندسة التصنيع يعادل الصانع بين الحصول على افضل أداء وطاقة قصوى ( قدرة حصانية ) من الموتور مع المحافظة على عمره الإفتراضى وظروف تشغيل مناسبة غير شاقة .
لا انا اهم حاجة عندي عمر الموتور افضل وافضل لو هيضر الموتور مستحيل اعمله نهائياااااااااااااااااااا
لو كان الصانع شايف ان البوجيهات ال 2 شمعة مثلا هاتفيد كان نزل العربية بيها
وكذلك حاجات تانية كتير
بس هيا المشكله ياجماعة ساعات بحس اني نفسي اكون راكب عربية 2000 سي سي ونفسي احس بعزم وقوة اكبر بس مش بلاقي القدرة الي عاوزها ولاكن انا مش من غواة التعديل وعمري ماعدلت في اي عربية بس قولت لو فية حاجة هتزود العزم والسحب بطريقة كويسة واهم شئ ميكونش ليها اضرار لية لاء وفعلا انا استغربت انة الموضوع محدش اتكلم فية في القسم بتاعنا
الفلاتر الأسبور الأصلي ممكن ترفه من 3 ل 7 حصان في المواتير الصغيرة, وبتوصل لحد 30 و الحصان في المكن الكبير زي بتاع الفورد موستنج والدودج فايبر.
ومفيش أي ضرر منه عال الموتور, بالعكس فلتر زي k&n عليه ضمان 100 ألف ميل, يعني 160 ألف كيلو
ومفيش فلتر عربية اصلي بيعد كل دا.
البوجيهات مش هتفرق كتير معاك في السحب والأداء, إلا لو بوجيهاتك وحشة خالص وهتغير هات حاجة يابانب نضيفة زي ngk وفكك من كلمة بوجيه أسبورت, لان شوط البنزين والهواء واحد, والبوجيه بيحرقهم ودا بنزين يعني, هيتحرق يعني هيتحرق,, هما بيحورو بقي ويقولك ال 3 شمعة و 4 بيحرق أحسن. كل دا وهم ومحسناش بفرق كبير معاهم.
والفلاتر الأسبورت والبوجيهات مفيش منهم ضرر علي الموتور إطلاقاً ومالهاش أي علاقة بهندسته ولا بتعدل فيه,
لو هتتكلم علي تعديل ممكن يسبب ضرر أنك تركيب تربو, وتلعب في وش السلندر وتخرط وتركيب بساتم جديدة, دا اللي بيدي أداء أعلي بشكل مضاعف لأداء موتورك الحالي وبيبقي فيه ضرر علي العمر الأفتراضي للموتور لو أتعمل غلط أو الشغل متظبطش خصوصاً التبريد.
بس البوجيهات والفلاتر دي حاجات أصلاً راكبة ف موتور عربيتك, وأنت بتركب حاجة بروفيشنال منها غير الأستوك.
....الكلام ده محترم ومن الاخراقتباس:
المشاركة الأصلية كتبت بواسطة leitosr