-
الاوبترا وسفريه الساحل
كل سنه وانتوا طيبين يارجاله
النهارده علي 11 الصبح شديت الرحال علي الساحل
ودي اول سفريه ليه بالاوبترا
قبل اما اسافر شيكت علي السوائل و الاطارات و كلمت واحد زميلي شغال في مصنع شيفورليه عشان اسأله علي التليين و حدود السرعه خاصه ان العربيه كانت عامله 527 كيلو قبل السفر
المهم الراجل قالي ..العربيه متلينه بدليل ان اول صيانه عند 5000 لو مش متلينه لازم نغير الزيت عند 1000 كيلو عشان نشيل الرايش وقالي شد و طير ز اعمل كيك جون و شغل التكيف و امشي علي الحيط و اعمل اللي لنت عايزه
اتكلت علي الله ...ودي ملاحظاتي
السرعه ....مشيت علي متوسط من 120 الي 140 و كتير وصلت ل 150 و مرتين جبت 160 و بصراحه مكنتش باخد بالي الا لما عيني تيجي علي عداد السرعه يعني العربيه متحسسكش بالسرعه
الثبات .... ممتاز حتي 160 متحسش بالخوف
لاستجابه .....لما تحب تزود السرعه رد فعل العربيه جميل جدا وسريع مع ملاحظه ان كان معايا اولادي و المدام وشنط كتير
التكييف شغال طول الرحله و فوق الممتاز و مش ماثر علي العربيه خالص
العزل ..ممتاز لكن فوق 130 تسمع صوت العجل علي الارض
الكاسيت ..صوت هايل شغلت الراديو و بس
الكراسي ...مريحه
الفرامل ....دي اوحش حاجه ضعيفه شويه و عايز اعرف ده اخرها ولا هتظبط بعد كده
الرؤيه ...ممتازه بس المرايات الجانبيه صغيره شويه
استهلاك البنزين ...مع التكييف و السرعه العاليه استهلكت ربع التانك و حاجه بسيطه بعده يعني ماتوصلش للتلت
يعني الحاجه الوحيد اللي دايقتني الفرامل و بس و بيتهيألي هتظبط بعد التطبيع
وكل سنه وانتوا طيبين
-
ياريت تتاكد من معلومة التليين دي لان اللي اعرفه ان مش المفروض ال rpm يعدي 3000 او 2500 تقريبا قبل ال 1000 كيلو الأولينين
-
لو لازم تتلين كان عمل صيانه عند 1000 كيلو عشان يغير الزيت وويشيل الرايش اللي في الموتور
اانا سالت واحد صاحبي في مصنع شيفورليه مش التوكيل
-
ان شاء الله رحلة سعيده وترجع بالسلامه وعيد سعيد يا د/ عماد ومبرووووووك من الاعماق على الاوبترا والى الامام وبالتوفيق يارب
-
شكرا يا استاذ ابراهيم علي زوق حضرتك
-
اولا كل سنو انت طيب
ثانيا
الف الف الف مليون مبروك على العربية ومبروك على طلعة الساحل شد يا معلم واعمل عفريت ماشاء الله العربية ممتازة معايا فى جدة ماشاء الله تمام التمام سفر وشد واعتماديه بس خلى بالك ممن الفرملة
اخوك
محمد حامد
-
كل سنه و حضرتك و اسرتك الكريمه بالف خير و سعاده و ان شاء الله رحله و اجازه سعيده و ربنا يباركلك في عربيتك و كل عربياتنا يارب و يحفظنا من كل الشرور
ان شاء الله الفرامل هتتحسن .
-
شكرا لكل زملائي في المنتدي الرائع
-
اعتقد الكتالوج مكتوب فيه اول 1000 متزودش علي 3000 rpm
-
الكاتلوج مكتوب فيه اول بضع مئات من الكيلومترات تجنب الضغط علي محرك السياره..وبس مفيش اي حاجه تانيه
Content Relevant URLs by
vBSEO 3.6.0 PL2