حقيقة GPS car tracker

**dem0** · 10-08-2013 01:05 PM

موضوع جيد وتكلفة بسيطة لحماية السيارة

بالتوفيق ان شاء الله

**aymanshebl** · 10-08-2013 06:53 PM

المشاركة الأصلية كتبت بواسطة mahmoud_afifi

لأ جهاز من السوق عادي. جبناه من سبير كار التجمع وهما الي قالولنا نجيب شريحة اتصالات بالتحديد.
هنشوف لو ينفع نشترك في خدمة اتصالات بتاعة mycar بس بالجهاز بتاعنا

طب جرب تحط فيه شريحة تانية و شوف هيشتغل عليها ولا ولا و معلش العربية بتاعتك اخوك اتسرقت ازاى و رجعت ازاى علشان الناس تاخد حذرها و ربنا يباركلك فيها و يحميها من كل سوء ان شاء الله

**mahmoud_afifi** · 10-08-2013 08:09 PM

المشاركة الأصلية كتبت بواسطة aymanshebl

طب جرب تحط فيه شريحة تانية و شوف هيشتغل عليها ولا ولا و معلش العربية بتاعتك اخوك اتسرقت ازاى و رجعت ازاى علشان الناس تاخد حذرها و ربنا يباركلك فيها و يحميها من كل سوء ان شاء الله

على حسب ما اعرف ان الجهاز دلوقتي متعرف على الشريحه الي موجوده دلوقتي وعشان تتغير لازم يروح لسبير كار ويعملوا الاعدادات من الاول. حوار :D

بالنسبه للعربيه اتسرقت ازاي ورجعت ازاي هقولك. العربيه سيراتو وطبعا مافهاش immobilizer بس هو مركب انذار و وحدة فصل طرمبة البنزين ودي الي نفعت انما الGPS كان زي قلته لأن مفهوش رصيد.
المهم العربيه ماشتغلتش معاهم بالطريقه التقليديه الي هي يكسر الازاز ويفك الكونتاكت ويشغل العربيه بالاسلاك وهما مصممين انهم يسرقوا العربيه فقطعوا احزمة الامان وقطروا العربيه بيها. وقبل ما يقطروها قطعوا سرينة الانذار عشان ماتصفرش.

ورجعناها بفضل الله بعد ما اخويا عمل محضر, الحراميه اتصلوا بأخويا وطلبوا فلوس (طبعا معروف جابوا الرقم ازاي بعد ما عمل المحضر) والشرطه شالت ايدها بعد ما قولنالهم ان الحراميه طلبوا فلوس (مش عاوزين يقطعوا على بعض).
ودفعنالهم وخدنا العربيه متقشطه من كل حاجه من اول الولاعه لحد الاستبن.

.... لذلك انصح كل واحد حتى لو حاطت GPS وشغال ولو عندك Immobilizer يارييييت تحط كلبش دركسيون عشان الحرامي مايفكرش في العربيه اساسا. وربنا يحمي عربيات الجميع

**M I D O** · 12-08-2013 11:16 PM

مبروك عليك وربنا يحفظلك العربية

**sas5** · 11-09-2013 10:07 AM

المشاركة الأصلية كتبت بواسطة اسلام السعيد

ممكن رقم المهندس وعنوان المكان اللى بيركب فيه وهل الجهاز ده ممككن يركب على لانسر كرستاله 99

اضافه ايضا هل الجهاز موجود فى مصر

**mahmoud_afifi** · 12-09-2013 05:50 PM

المشاركة الأصلية كتبت بواسطة sas5

اضافه ايضا هل الجهاز موجود فى مصر

الجهاز موجود في مصر. شركة اتصالات منزلاه وفي شركات تانيه زي شركة كنديه اسمها asset security عامله نفس الحكايه بس أجهزتهم محترمه قوي (صناعه الماني)وبيركبوه ويخبوه باحترافيه بس ب3000 جنيه للأسف

**K3A** · 16-09-2013 11:32 PM

المشاركة الأصلية كتبت بواسطة mahmoud_afifi

.... لذلك انصح كل واحد حتى لو حاطت gps وشغال ولو عندك immobilizer يارييييت تحط كلبش دركسيون عشان الحرامي مايفكرش في العربيه اساسا. وربنا يحمي عربيات الجميع

هي دي الحقيقة للاسف ... انت حتى لو رحت للداخلية و قلتلهم عربيتي في المكان الفلاني .. حيقولك روح اتفاوض و ادفع فلوس ... لا معنى لل gps في مصر لأسف ...