مشكلة في النقلات كيا سيراتو 2011 فتيس جديد

**mmnagy80** · 09-08-2013 03:04 AM

السلام عليكم
عندي مشكلة في النقلات كيا سيراتو 2011. 25000كم. بعض الاحيان يكون هناك رزعة في العربية في النقلات من n الى d و بين كل السرعات لمدة دقائق من القيادة و بعد كدة تروح . المشكلة ده بتتكرر يوميا بدون سبب او توقيت ثابت . المشكلة موجودة في الحالتين الاوتوماتيك و الستيب ترونيك. التوكيل كشف و قالو مافيش حاجة. المشكلة ما بانتش و هما بيكشفواا . ماذا افعل

**ابو ليلى** · 09-08-2013 04:12 AM

المشكلة تتلخص فى فالف بادى وضفيرة الفتيس وهى مشكلة بقت منتشرة فى السيراتو وهما عارفينها
كويس اوى انك وكيل لان الحاجات دى بتتغير فى الضمان لانها عيب صناعة
خليك متابع فى مركز صيانة ابو رواش احسن ومتسكتش غير لما يغيرو الحاجات دى

**Ahmed Amin** · 09-08-2013 04:33 AM

الفالف بادي بيتغير كله يا أبو ليلي,
ولا السولنيد فالف بس اللي مسؤل عن النقلات الأولي والتانية ؟

كدا بقت مشاكل نتشة الفتيس الاوروبي وصلت للكوري, ؟
أتحسدتو..

**ابو ليلى** · 09-08-2013 04:49 AM

السولنيد فالف مينفعش يتغير لوحده لان قطعه الغيار بتكون واحده وبالتالى لو اخده من الفالف
بقى مالوش لاازمة بعد كده
المشكلة فعلا بقت منتشرة فى السيراتو بالتحديد وتقريبا انا من اوائل الناس اللى حصل معاها الموضوع ده
علشان تعرف بس ان مفيش فرق بين الكورى والاوربى

**Ahmed Amin** · 09-08-2013 08:18 AM

المشاركة الأصلية كتبت بواسطة ابو ليلى

السولنيد فالف مينفعش يتغير لوحده لان قطعه الغيار بتكون واحده وبالتالى لو اخده من الفالف
بقى مالوش لاازمة بعد كده
المشكلة فعلا بقت منتشرة فى السيراتو بالتحديد وتقريبا انا من اوائل الناس اللى حصل معاها الموضوع ده
علشان تعرف بس ان مفيش فرق بين الكورى والاوربى :oc_sun1[1]:

هههههههههههههههههه ملعوبة يا باشا,,
بس أزاي مينفعش السولنيد فالف يتغير لوحده ؟ مفهتمش قصدك بكلمة أنها قطعة واحدة.

في البيجو مثلا والسيتروين والرينو ممكن تغير سلونيد واحد أو تنين اللي هما مسؤلين عن عملية النقل ما بين الأول للتاني
واللي هما سبب المشكلة في النقلة من أول للتاني, ومن ال n لل d, ولما بتيجي تقف من 4 أو 3 أو 2 للأول.

والأتنين دول بيبقي راكبين علي الفالف بلوك, بتشيل الأتنين سولنيد دول, وتركب أتنين جداد.

**Ahmed Amin** · 11-08-2013 07:10 PM

المشاركة الأصلية كتبت بواسطة ahmed12345678

طيب والحاجات دى تغييرها يكلف كام من غير الضمان

وهل بعد تغييرها ممكن العيب دة يتكرر مرة تانية

وهل المشكلة دى فى الفتيس الاربع نقلات ولا الست نقلات ولا الاتنين

عندي نفس السؤال بالنسبة للتكلفة للي عملها أو عرف تتكلف كام ؟

وصاحب الموضوع كاتب سيراتو 2011 فتيس جديد,
وعلي حد علمي الموديل دا هوا اللي من أوله نزلو العربية بالفتيس ال 6 نقلات.