ممكمن حد يفيدني عن النوبير عموما
اسعارها
مش مهم لو رشا بره
بس تكون نضيفه جدا
و اخبار قطع الغيار
عيوبها ايه و مميزاتها
و يا ريت تفاصيل زي تسارع و ثبات و تكيف و اعتماديه
معلش علشان محتاج اعرف شويه تفاصيل
عيد سعيد عليكو :Oc_sun1[1]:
عرض للطباعة
ممكمن حد يفيدني عن النوبير عموما
اسعارها
مش مهم لو رشا بره
بس تكون نضيفه جدا
و اخبار قطع الغيار
عيوبها ايه و مميزاتها
و يا ريت تفاصيل زي تسارع و ثبات و تكيف و اعتماديه
معلش علشان محتاج اعرف شويه تفاصيل
عيد سعيد عليكو :Oc_sun1[1]:
اللى اعرفه ان النوبيرا افضل من اللانوس فى الثبات
واللى افتكره ومش متأكد منه ان تسارع اللانوس احسن لانها اخف وزن
واللى اعرفه برضه تقريبآ مش متأكد ان تكيف اللانوس احسن من النوبيرا لكن مش بشكل كبير
وده اللى اعرفه واسف لو فى حاجه غلط وان شاء الله الشباب يفيدوك اكتر
عربيه كفائه
انا ممتلكها بقالى حوالى 4 سنين وعربيه حماله قاسيه
ثبات رهيب ماشاء الله . لسه والله من فتره مسافر بيها العين السخنه على 180 وكنا 5 فى العربيه ومشغل التكيف ( والعربيه معايه عامله 150 الف كيلو )
الوسع الداخلى ماشاء لله جميل جدا
قطع غيار وصيانه وكده عند أى حد
التسارع مش اوى بس لو حرقت على الغيارات هتستجيب معاك بسرعه
اكتر ميزه فيها بقى بالنسباللى ان الدركسيون بتاعها بيعلى اكتر من اى عربيه تانيه تقريبا ( لانسر بومه 2007 - كورولا 2008 - فيرنا - لانوس ) دول اللى مجربهم . وميزه عشان انا طويل
التكيف مش واو . مش تحفه زى الفيرنا . ومش وحش اوى . بس نقدر نقول جيد لو مشحون بنظافه
الله يكرمك
معرفش والله الاسعار دلوقتى بس حسب اللى بشوفه ان عشان تجيب نوبيرا نظيفه جدا بتتكلم فى 50 الف موديل 2004 مثلا
واهم حاجه مانيوال عشان الاوتو سحبها مش قد كده
عربيه تستاهل تشتريها
انا العربيه يقاليها مايا سنه العربيه تسارع بسم الله ماشاء الله وتكيف ويس وباور رائع وحايه المقصات والجلب واللام ده عادي بيتغير ذي اي عربيه مش مشكله يعني بس هي فعلا افضل عربيه في فئه ال50 الف بس عشان تجيب حاجه نضيفه علي الاقل 53 الف ولو عداد تير بس كفائه متور كويسه عادي انا عربيتي 2004 وماشيه 150 كيلو بس لما جبتها كانت فائه المتور 80 % والعربيه ذي الفل معايا والحمد لله
انا بختلف معاكم مع احترامي ليكم من ناحية التكيف و التسارع
العربية بالنسبة للتسارع لاتقارن بالانوس ابدا ( انت بتتكلم في عربية 106 Horse power و الانوس 87 H.p )
التكيف من اقوي التكيفات الي في الدايو الهوينداي ( انت ممكن يكون عندك التلاجة عي تتنضف او فلتر عايز يتغير او عايز تزود شحن )
بالنسبة لعيوبها في و جهة نظري :
( المقصات ) بتبوظ بسرعة بسبب حجم العربية الكبير علي العفشة
متابع وربنا يوفقك لما فيه الخير
بص ياباشا
انا معايا النوبيرا من شهر 1 اللى فات بجد بجد عربيه ماشاء الله عليها زى الفل واللى معايا موديل 2002 اوتوماتيك بالنسبه للمقصات دى عاديه انا اول ما جبتها غيرت جلب المقصات بس للأسف العفشجى اللى كنت بتعامل معاه مركبهمش صح وشويه كده وهغيرهم ان شاء الله
بالنسبه للأوتو نصيحه منى اوعى تجبها اوتو على اد انها مريحه ف السواقه الاوتو اوى اوى على اد انها ف المطالع بتبقى بطيئه اوى اوى وكمان لما بتشغل التكيف بتبقى بطيئه اكتر وكتر سلحفه بعيد عنك وطبعا مش بتجرب زى المانوال ده غير ان الاوتو بياكل تيل فرامل اكتر وبياكل بنزين اكتر من المانوال
انا ببقى طالع الكوبرى بجبها على رقم 2 عشان تشد وساعات ببقى طالع الكوبرى ونا مشغل التكيف العربيه بتبقى بطه بلدى وحشه
بلاش الاوتو نهائى
بما اني معايا نوبيرا 2 بريميم خليجي 99
بص يا كبير والله العظيم صفقه رابحه عربيه ب 50000 جنيه وااااسعه جدا تريلا قلاب سحب بالمانيول جميييل والله بطلع من عربيات احدث منها بكتير وكفايه اني عارف ان الضربه القاضيه للي بشد معاه هي الملف خده وانت مطمن ثبات خرافي و تكييف حلو بس استهلاك بنزين ازيد حاجه بسيطه من اللانوس لو انت بتسافر كتير او بتسوق كتير هاتها وش عشان اريح من اللانوس 100 مره قطع غيار مرطرطه و رخيصه واي صنايعي يفهم في اي حاجه فيها و عيبها المشهور ولونه سهل علاجه جلب المقصات بس مش العفشه كلها وانا عن نفسي غيرت جلبها بجلب تويوتا 99 عيون و بقت فل و كررتها تاني الاسبوع اللي فات بعد ما القديمه قعدت سنه ونص و الجلبتين التايلندي تقريبا اصلي عشان مفيش ياباني ب 80 جنيه وانسي الجلب ديه شويه حلوين اوي
يعني من الاخر عربيه هاتها لو معاك لحد 50000 جنيه وياسلام لو ربنا وقعك في البريميم حتبقى مبسوط اكتر فوانيس عدسات وفرش جلد للعربيه كلها من جوا و طبلوه اجمل من المصري بكتير و فيه منها بفتحه سقف و ABSو AirBag
توكل على الله وهاتها وانت مطمن
بوس يا كبير
لو انت متابع معانا هنا في القسم هتلاقي المشكل الوحيدة للنوبيرا المقصات
و في وجه نظري دي عيب قطع الغيار المضروبة الي في السوق
انت ممكن يكون المقصات الي عندك استوك و لو مش استوك قلي انت جايبهم منين :d عشان اجيب زيك :d
و عموما موضوع المقصات دة اتحل بتغير لجلب الفورد او مقصات اسباني بس تكون من واحد مضمون
:d
بوس العربية في وجه نظري احسن عرببية في فئتها بلا منازع مش عشان معايا والله ابدا ( انا بغير عربيات كتير )
و بعدين المقضات بقي ليها حل
بتغير لجلب الفورد او مقصات اسباني من واحد مضمون
اسعارها : الجلب الفورد 100 و لو بالتركيب و كل حاجة 200
المقصات الاسباني : 480 الجوز
و ممكن تركب استراد ب 200 في ناس شكرو فيها
السلام عليكم
عيد سعيد على كل الناس
انا كانت معايا النوبيرا اشتريتها زيرو منيوال 2003 وبيعتها في اخر 2006 وكانت ماشية 116 الف وعلى 80 الف بدأت احس بمشاكل العفشة وبصراحة مكشفتش عليها وكان تخبيط بسيط من قدام وكان وقتها معنديش خبرة كفاية في امور العفشة وكان شكي ان المشكلة في علبة الدركسيون
بيعت العربية وقتها مفهاش اي حاجة مرشوشة بس كان شكمانها مخروم ده غير موضوع العفشة
بصراحة واخد عليها نقطتين وهم: وانت بتسوق مش هتعرف تاخد بالك من الرؤية بشكل كامل عشان القوايم بتحجب الرؤية ده غير ان كبوت العربية ما شاء الله طويل و لو مختش بالك هتخبطه كتير وانت بتركن
عموما العربية اوسع عربية في فئتها و بدون منازع وده حقيقي فعلا صالون مريح جدا .. تكييف بتاعها جميل عموما هي على قد فلوسها بالزبط و زي ما واحد من الاعضاء قال انها شفقة رابحة ز
و بمناسبة الموضوع الجميل ده انا حابب اشتري واحدة تاني انا دورت كتير على النت وملقتش طلبي
وهو يهمني حالتها طبعا: بتمنى تكون فضي ومنيوال كمان بتمنى تكون من الداخل زيرو لان انا بيعتها وقتها كدواخل زيرو بمعنى الكلمة ويشهد الله ان ريحة الفابريقة كانت لسة جواها بعد 3 سنين ومن الخارج متكونش مرشوشة يعني بالكتير اكصدامات او رفرف امامي و بعدين نتكلم في السعر باذن الله
شكرا
علي سيد
نسيت اتكلم برضو ان من ضمن عيوبها هي فراملها السيئة بس لو اخدت عليها بتزبط نفسك قبل ما تفرمل وبتزبط سرعتك ديما
اسف للاطالة يا جماعة ومتنسونيش في موضوع ان لو حد قدامه وحدة نضيفة يرد عليا واشكركم جدا
الناس بتشكر فيها بس بالفلوس دي انا افضل كريستاله اوتوماتيك احسن وتكييف احسن وبنزين اقل.. بس اللي جابوا النوبيرا شكروا فيها لكن مانيوال
لو سمحتوا يا جماعة كنت عايز اعرف ايه احسن الموديلات في النوبيرا بعد 2000 وهل فيها مثلا
Air bag او ABS ,
وهل مبلغ 50000 يجيب واحد نضيفة بالامكانيات اللي انا كاتبها فوق دي ؟؟؟
انا سالت كتير ومعظم الناس رشحتلي النوبيرا لاني عايز عربية واسعة لاني اسرة مكونة من 6 افراد وكمان عايز اعرف قطع غيارها ايه عشان انا لسه هاتعلم سواقة
عايز اسال سوال لاستاذ red bull لما حضرتك اشتريت العربيه النوبيرا سنه 2003 زيرو تتذكر سعرها ان كام وشكرا
وقتها كان في اغسطس 2003 كانت ب 82 او 83 الف وكانت بالحجز على الاقل تنتظر شهر بس وقتها واحد قريبي كان على علاقة قوية بمعارض ابو غالي وجبهالي ب 78الف واستلمتها بعد اقل من اسبوع
لو سمحتوا يا جماعة حد يرد علي سؤالي بعد اذنكوا
شكرا لكم وبدوام التوفيق
هي فعلا عربيه محترمه وبتجري ماشاء الله وتكييفها اقوي من اللانوس طبعا بس هي فيها مشاكل في العفشه
وقطع غيارها رخيصه جدا