كل عام وحضراتكم بخير
لو حد معاه مبلغ دولارات او يورو او استرلينى هل يخلص منه دلوقتى ولا يسنى عليه شويه
اللى انا شايفه ان الاجنبى بينزل دلوقتى يوم عن يوم
افيدونا افادكم الله
كل عام وحضراتكم بخير
لو حد معاه مبلغ دولارات او يورو او استرلينى هل يخلص منه دلوقتى ولا يسنى عليه شويه
اللى انا شايفه ان الاجنبى بينزل دلوقتى يوم عن يوم
افيدونا افادكم الله
مفيش حد يقدر يحدد أتجاه أسعار العملات رايح فين..
الدولار بقاله فترة بينزل بصورة يومية و اليورو و الأسترليني يوم نازل و يومين طالع..
فالموضوع كله هيبقى مغامرة منك سواء بعت دلوقتي أو أستنيت شوية..
بيعهم واشتري جنيهات دهب بس اعمل حسابك متكونش محتاجهم لفتره عشان تاخد فيهم مكسب.
رأيي الشخصى
استنى نشوف اخرتها
كدة كدة الدنيا نزلت في السوق السودا عن زمان كتير
بس لسة سعر البنك يعتبر نزل حاجة بسيطة يعنى لو بعت دلوقتى كل اللى هتعمله هتخسر وخلاص وفي نفس الوقت لو استنيت شوية مش هتبقى بنفس الخسارة الاولى ، يعنى لو فرضنا استنينا شهر ، كل الموضوع مش هيعدي 5 قروش لو استمر في النزول
الفكرة ان محصلش حاجة في البلد عشان الدنيا تتعدل ، يعنى ده هبوط مزيف ، وبالعكس انا شايف ان سببه الكساد الرهيب يعنى مفيش طلب اصلا على العملة الاجنبية لدرجة ان سعرها بدأ ينزل !
مش ان الجنيه بدأ يمسك نفسه زي ما بعض الناس ممكن تفكر ، وكله دلوقتى مترقب ومفيش حركة، مجرد ما يبدأ حد يطلب عملة اجنبية تانى عشان يستورد اكل او عربيات وخلافه ، هتلاقى الدنيا ولعت تانى وبصورة رهيبة
فنستنى شوية وربنا يسترها ، عن نفسى لو نزل لحد 6.8 مثلا هبيع على طول
مشكلة الذهب انه فى منحنى هبوطى على المدى الطويل حضرتك او بصيت على الشارت السنوى هتلاقى الدهب بيعمل قمم اقل من قمم وقيعان اقل من قيعان والاتفاع اللى حاصل اليومين دول اظن انه رتداد تصحيحى مش اكتر لهبوط قوى حدث فى شهر يونيه
دى الشارتات يا جماعة نبصى فى السنوى والنصف سنوى
24-hour Spot Chart - Gold
الله اعلم ايه اللى هيحصل بكره انا بس بقول راىء يمكن جدا ان يكون خطا بس الواجب انه اقوله ==== الذهب بيتاثر بمؤثرين الاول السوق العالمى وثانيا سعر الدولار بالنسبة للجنيه
متابع
اشكر كل اللى شارك بالراى والتفاده
واللى انا فهمتو من اراء حضراتكو انى مبعش دلوقتى طالما مش محتاجهم وخساره الانتظار مش هتكون كبيره
أستني
لان السعر نزل بسبب ركود و مفيش تجار بتستورد حاجات دلوقتي اليومين دول بس لكن شوية وهيبدأو يجيبوا وتلاقي الطلب زاد ، السعر لو كان نزل بسبب تحسن اقتصادي وكدا تبيع عالطول لان هيكون في مصدر للدولار غير الصرافات يعتمدوا عليه التجار
لكن حتي اللحظة الدولار اللي في المركزي اى كان رقمة حتي لو عدي ال 20 مليار متشال للبلد وللحكومة وهيخلصوا طالما مفيش شغل
ربنا يصلح الاحوال
أيوجد رأى جديد بعد أحداث أمس؟