-
عاوز اشترى عربيه لادا
نويت اشترى عربيه لادا ودى اول عربيه ليا
وكلمت اكتر من ميكانيكى على عربيه كويسه موديل التسعينات
ولقيوا عربيات وسعرها مش بينزل عن 25 الف
مش عارف هى العربيه اللى موديل التسعينات ومش راشه وحالتها حلوه السعر ده مناسب ليها ولا لا
وواحد قالى على عربيه 131 وقالى على 18 الف وهتعوز تظبيط بحوالى 4 الاف بس من كلامه ان التظبيط بره بس يعنى ميكانيا ميه الميه
مش عارف ايه رايكم
-
مبدئيا حضرتك أخرك كام ؟؟ وبشكل عام خليك فى الموديل الاحدث أفضل ليك عشان متقرفكش فى الصيانة يعنى خد بالك ان اخر موديل من ال131 كان سنة 84 يعنى احدث عربية هتبقى بقالها 29 سنة ونادرا ما هتلاقى حالات فبريكة جوا ولو لقيتها هتلاقى البارومة فى كل حتة...مع العلم ان فى حالات نادرة جدا بره وجوه من ال131 بس أصحابها بيستهبلوا فى سعرها أنا شوفت واحدة المانى 84 من سنة فى السوق بره وجوه وكماليات ومكنة اوريجينال بحالتها والباشا صاحبها مش راضى ينزل جنيه عن 27 ألف
-
انا اخرى بعد مااشترى العربيه واذا احتاجت مصاريف بعد مااشترتها يعنى شويه تظبيط
اخرى 25 الف
وانا اللى خلانى اختار اللادا ان عايش فى قريه ودى العربيه اللى تنفع تمشى فى شوارعنا
انت راى حضرتك ايه
-
شوف يا أستاذ سامى خد منى النصيحتين دول وعن تجربة شخصية :
مفيش مستعمل فى مصر اسمه لاتحتاج مصاريف...عالأقل لازم تشيل الفين تلاتة تظبيط على جنب
ومتخليش صنايعى يتوسطلك فى شراء عربية (ميكانيكى-كهربائى-عفشجى)...يكشفلك عليها ماشى انما يشتريهالك أوعى... واذا كان تجار المستعمل نصابين فالصنايعية شيوخ النصب...ببساطة لان التاجر اخره ينصب فى فلوس لكن الصنايعى ممكن جدا يبيعك لمالك العربية ويديك عربية مشنشنة او ملعوب فى أساستها وعمرك ما هتكشفه
حضرتك تشوف حد معرفة أو تاجر أمين ومتجرب(عارف انها صعبة) ويشوفلك واحدة لادا 2107 اواخر التسعينات وتكون فابريكة جوه بالكامل و شاسيه سليم تماما بدون لحامات او بارومة ومكنة بحالتها متكونش خفيفة او بتاكل زيت عشان متخشش معاك فى مصاريف عمرة وبالحالة دى اخرها 20-22 ألف بالكتير وربنا يوفقك..
-
كنت عند الميكانيكي من كام يوم كان قدامه واحد 2002 ب 21 الف اتصدمت وبيقولي العربيه فابريكه وحالتها ممتازه
وللعلم الميكانيكي امين انا الصراحة ماشفتش العربيه
بس فعلا اتصدمت من السعر القليل
-
فى عربيه اتعرضت عليا 2001 بس دى راشه دواخل ب23
طبعا مرضيتش
بس انا مستغرب على الاسعار اللى حضرتك بتقول عليها دى
يمكن عندنا فى الصعيد وفى سوهاج تحديدا الاسعار عاليه ولا ايه
وهل فى وقت بتبقى العربيه اسعارها رافعه مشتريش فى الوقت ده زى دلوقتى
-
اصل اتعرض عليا حوالى 5 عربيات موديل 95 و94 مقلوش عن 25 او 24 لو فيه فصال
-
يا سيدى الفاضل مع احترامى لحضرتك انت غاوى تعذب نفسك حرام عليك لادا مين ياعم انت بالمبلغ دة تشترى عربية سوزوكى حنينة ومكيفة وزى الفل ابعد عن الدفع الخلف وغنيلة اسال مجرب لادا نيفا لغاية لما جابتلى ديك واسطوانة فى ضهرى حرام عليك 25 الف فى لادا حرام حرام حرام
ولك مطلق الحرية قد يتفق البعض مع ارائى أو يختلف ارحب بالنقض للاستفادة
محمد بازيد
-
طيب حضرتك ممكن توضح متطلباتك من العربية اللي انت عاوزها والاعضاء يفيدوك بأيه افضل سيارة مناسبة ليك
-
اولا شكراا للاهتمام
العربيه لازم تكون تستحمل طرق القرى دى اهم حاجه
سهله الصيانه وقطع الغيار متوافره
سهله البيع
انا مش هشغلها غير مرتين تلاته فى الاسبوع وكل مشوار مش هيذيد 30 كيلو بالكتير
دى اول عربيه ليا يعنى هتعلم عليها فلازم تستحمل
بس كده
Content Relevant URLs by
vBSEO 3.6.0 PL2