السلام عليكم ورحمة الله وبركاته
كل سنه وانتوا طيبين ورمضان كريم ياجماعه
كنت عاوز اسأل على الاستيكر اللى بيتلزق على العدادت بتاعه العربيه من جوه زى الاسبور وانا عربيتى شاهين فياريت اللى يعرف يقوللى وشكرا
عرض للطباعة
السلام عليكم ورحمة الله وبركاته
كل سنه وانتوا طيبين ورمضان كريم ياجماعه
كنت عاوز اسأل على الاستيكر اللى بيتلزق على العدادت بتاعه العربيه من جوه زى الاسبور وانا عربيتى شاهين فياريت اللى يعرف يقوللى وشكرا
معندكش صورة ليه شكله عامل ازاي ؟؟؟
شكرا على الرد بس دى صورة بتاعه الجولف مش بتاعه الشاهين
http://www.postimage.org/gxGeo9S.jpg
كنت سمعت ان فى ناس فى الحرفيين بيغيروا كارتة العداد بالشكل اللى انت تحبه
بس معرفش مين
انا برضه بدور ازاى اخلى العدادات بتاعت العربية باينة لان عندى مش واضحه قوى وكان نفسى اخلى الارضية سودا زى ماهيه واخلى العلامات هيا اللى بتعكس النور او بتنور
السلام عليكم ورحمة الله
انا شفتها فى عربيه شاهين & 128 عباره عن استيكر بس مش عارف بيتباع فين
بص الحوار دة فية اكتر من طريقة.انا كان عندى النور بتاع العدادات ضعيف رحت غيرت الاضاءة بأقوى و غيرلى اللون كمان هى كانت اضاءة خضراء و بقت حمراء الان و فعلا الفرق جامد اوى سواء كمنظر او وضوح او قوة اضاءة.
http://img98.imageshack.us/img98/9338/image020fu5.jpg
و الطريقة التانية انك تجيب حاجة زى الاستيكر بتركب على العدادات و بتبقى هى نفسها بتنور بيسموها illumination او عدادات بلازما ودى اجمد بكتير بس المشكلة انها بتنزل لانواع محدودة من العربيات يعنى لانسر او هوندا بس اللى عرفته بعد كدة ان فيه ناس بتعملها عمولة زى مخل اسمة ENZO فى مدينة نصر وراء اولاد رجب.
http://i225.photobucket.com/albums/d...a/DSC00804.jpg
الف شكر للرد ياباشا بس ممكن تقوللى تكلفه الاستيكر ده حوالى كام وشكرا لانى غيرت نور العدادات وبرضه الضوء مش قوى
اعتقد انة بيتكلف حوالى 300 جنية و دة عشان هيتعمل عمولة .لكن لو لقيته جاهز هيبقى ارخص طبعا
شكرا ياباشا على المتابعه
طيب ممكن اعرف لما ركبت المبات الحمرا دي جبتها ايه
لأني في صيني الواحد تقريبا بجنيه
وطبعا لونها بيروح مع الوقت
وضؤها سيء للغايه
السلام عليكم ورحمة الله وبركاته
انا فكيت اللمبات اللى جوه العداداه وهى لمبات صفراء وامامها بلاستيك اخضر انا فكيت البلاستيك الاخضر وشلته خالص وبعد كده رشيت اللمبات باسبراى احمر بيتباع ب7 جنيه عند اى حد بتاع لوازم البويات وركبتهم تانى بس برضه الاضاءه ضعيفه الحل انك تركب ليدات بيضاء او زرقاء عند اى كهربائى انا شوفتها فى تاكسياتن كتير بس انا بدور على الاستيكر علشان الشكل مش اكتر ولو عاوزنى اعملهملك انا فى الخدمه ممكن تشرفنى فى اى وقت وانا اعملك الحوار ده لانى بحب الكهرباء (ماتخفش مش هاخد فلوس منك ) هههههههه انا اصلا مهندس كهرباء وليا فى الحوارات دى
لا يا upnemo باشا انا ركبت لمض عادية اعتقد انها صينى بردة بس اقوى.بس على فكرة انت معاك لانسر و هى ليها استيكر بيتباع انا كنت شفتة فى عربية واحد صاحبى و كان منظرة تحفة فعلا:thumbsup:.
بص يا عم mrghostانت اللى عملته صح وزى الفل بس هو فية حاجة بسيطة هى اللى فرقت معاك و هى انك بدل ما ترش اللمبة المفروض كنت فكيت الاستيكر الاخضر و ركبت مكانه احمر و هو مش حوار لانه اصلا بيبقى حاجة زى السوليفان و دة هيفرق جامد فى الاضاءة و شوف لو لقيت لمبة اقوى من اللى عندك هيبقى احسن و احسن.
لكن حوار الاستيكر هيبقى احسن طبعا لو متوفر لموديل عربيتك لانه بيبقى عبارة عن استيكر بتوصل بالكهرباء العادية بتاعت العدادات و بيخلى الاستيكر كلى ينور اكنة فوسفور.
وشوف كدة لو وصلت لحل كويس فى حوار اليدات ابقى قولى عشلن نعمله مع بعض:)
هو فية منة اشكال منها اللى موجود فى الصورة اللى بعتها و منها اللى بيكون الخلفية كلها منورة عدا الارقام و الشرط بس .يعنى من الاخر مفيش شكل ثابت و هو كان جابة من امبير عباس العقاد و كان تقريبا بـ200 جنية بس دة من كام سنة.و انا كنت شفتة بيتباع عند اغلب محلات الاكسسوارات النضيفة بس مسألتش على سعره.
السلام عليكم ورحمة الله
بالنسبه لنور تابلوه الشاهين الجزء الاخضر عباره عن نصف كوره بلاستيك اخضر وليس سلوفان وبالتالى انا اضطررت انى اشيله لانه مفيش منه الوان حمراء وباذن الله لما اعمل الليدات هقولقوا عليها ان شاء الله
يا باشا انت كدة مظبوط شيل النص كورة البلاستيك دة وركب سوليفان على الارقام نفسها من جوة
السلام عليكم ورحمة الله ممكن ياباشا تقولى السلوفان ده شكله ايه وبيتباع فين وبكام
ابراهيم بتاع الاستيكر اللى فى شارع دمشق بيغرو انوار التابلوه
يا باشا انا فعلا غيرت نولر التابلوة عند ابراهيم عالم البادجات بس لما شفت الواد بيعملها لقيتها سهلة اوى و مفهاش اى صنعة بالعكس انت ممكن تعملها احسن منة.
وبالنسبة للسوليفان هو سوليفان عادى مش حاجة مخصوصة يعنى اهم حاجة انك تلزقة بنضافة بس.
السلام عليكم ورحمة الله وبركاته ممكن ياباشا تفهمنى اركب السلوفان فين بالضبط لانى بصراحه مش فاهم وشكرا للمتابعه
انا كنت شارى البلازما بتاعى من موقع المانى -
هو عامل زى الشريحة وليها سلك بيتوصل بكهربا العربية و فيه زرار تعلى و توطى و فيه زرار تغير منه اللون
هو اللى فى الصورة دى
http://i225.photobucket.com/albums/d...a/DSC00769.jpg
ده الموقع لو حد عايز يشوفه
http://www.blauertacho4u.de/en/EL-Da...sign-EL-Dashes
معلش يا جماعه انا عندي عربيه سوزوكي سويفت وكنت عاوز اعدل العداد بتاعها زي صاحبنا بتاع الشاهين ولو حد يعرف يجبهولي يبقي كتر خيره و شكرا،،
السلام عليكم ورحمة الله
انا لسه مالقتش الاستيكر انا كل اللى عملته انى غيرت النور من اخضر الى احمر
ايه رايك يا جوست فى لمبه 12 فولت من ايللى بيتباعوا فى السخاوى نحطها فى التابلوه و هيه بتتباع الوان و مش مشكله فى تركيبها و نورها قوى و كده هتخلى التابلوه عندك ضهر هيه بتبقى زى الفلوروسنت بس طبعا اقل منها بكتير
اتأكد بس انها متكونش بتطلع حرارة عالية ممكن تسيحلك اى حاجة و انا مع جوست ان اليدات هتكون افضل لان حرارتها بتبقى اقل و اضاءتها اقوى
السلام عليكم ورحمة الله بالنسبه لليدات ياجماعه دى بتتباع جاهزه عند اى حد بتاع اكسسوار بس هى بتبقى كوه بلاستيك كل ما عليك انك بتفك البلاستيك وتخلى الليدات بس علشان ماتخدش مكان فى التابلوه وعلشان شكله مايبوظش وتركبها فى جوانب التابلوه بتاع العداد بحيث النور بتاعها بس اللى يبان وطبعا فيه كل الالوان اخضر واحمر وازرق وابيض والابيض هو احسن لون وشكرا
يا ريت لو ركبتها عندك تصور العدادات بعد التركيب
السلام عليكم ورحمة الله
انا والله لسه ماركبتهاش بس انا غيرت اللون بتاع النور من اخضر الى احمر فقط
أنا عندى عداد لانسر 99 و لانسر 2007 و هوندا 92 و هوندا 98 و اوبل فيكترا
السلام عليكم يا جماعة..معقول مافيش حد عارف الأستيكر دة بيتعمل إزاي؟
بصوا يا رجالة..أخ ghost بالنسبة لعربيتك الشاهين بالذات أنا كان لي واحد صاحبي عامله..بس ما كانش ستيكر..هاحاول أشرح بالتفصيل بس ماحدش يزعق ويخضني..خصوصا إن الموضوع دة عايز طولة بال حبة..مش كتير بتاع نص يوم
أول حاجة بتفك العداد بتاعك وتطلع لوحة العدادات بس..من غير أي مؤشر
بعدين بتروح لمطبعة من بتوع الدعاية والإعلان دول اللي بيكون عندهم سكانر كبييييييرة كدة وبرنترات عجيبة
بتديله لوحد العداد وتقول له عايز أعمل سكان..طبعا الراجل هيستغرب ويقول إيه الواد العبيط دة؟قول له ربنا يسامحك وبعد مايخلص موته ضرب!:beatdeadhorse5:
بعد ميعمل سكان هيقوللك وبعدين؟
بالنسبالك إنت عندك لوحة العدادات أسود والشرط بيضاء..وعايز العكس زي الصورة بتاعة الجولف دي.صح؟
قول له بقى إعمل invert يعني هيعكسلك الألوان..هتلاقي شكله بقى بالظبط زي اللي في الصورة
بعد كدة تخليه يطبعهولك..وتقعد تفتح أماكن المؤشرات ب cutter بس بشويش كدة عشان الشكل مايبوظشي..
وتيجي بعد كدة تدهن المؤشرات أسود بدل ما هي بيضاء..
صاحبي بعد ماغمل الليلة دي راح مغلف الورقة ولزقها بنوع صمغ كدة على لوحة العدادات..ودي أقوى بكتييييييير من الستيكر..والشكل فوق الجيد جدا..
بس المشكلة إن الموضوع دة مكلف جدااااااااااااا
يعني أنا شفت ناس بتقول الإستيكر ب 200 و 300 وحاجات تافهة كدة..إنسى
الحوار دة لازم تكون عامل له ميزانية جامدة أويييييييييييي
لأنه إتكلف 10 جنيه
أيوة ماتتخضش..10 جنيه..ممكن تستلف من أصحابك وكدة وتكمل وتعمله..
والموضوع دة ممكن يتعمل في أي عربية..أنا أعرف واحد حاليا عاملها بنفس الطريقة في ميتسوبيشي قديمة أوي..لو تحب ممكن أصورهالك..
أرجو إني ما كنش زهقتكوا..لولا إن معاك ريتمو ماكنتش رديت:tt2::crazy2:
وممكن تبقى تشوفها قبل ما أبيعها إن شاء الله عشان لو عوزت تعرف حاجة
يا ريت أكون قدرت أفيدكم ولو حد حب يعمل الطريقة دي يجيلي بالعداد بس وأنا أروح معاه..السلام عليكم
يا باشا شكرا على شرحك بس فيه حاجة بسيطة بس احنا بنتكلم على العدادت البلازما و دة بتكون عبارة عن ورقه بتتوصل كهرباء و تنور الورقة كلها اكنها فوسفور و اضائنها illumination زى الاضاءة بالظبط بتاعت الساعات G-Shock و دة اعتقد انه حوار تانى غير مجرد الشكل او ممكن يكون يطبع على نوعيه معينة من الورق.
بس بجد انا عجبانى الفكرة:thumbsup: و فعلا هحاول اجربها بس على نوعية ورق ممكن تكون احسن و لو عدلت حاجة تانية هبقى اقولكو ان شاء الله.
هو الموضوع جت فيه سيرة البلازمة و في نفس الوقت العادي..بالنسبة للناس اللي لتركب لمبات عادية في التابلوه..أنا عارف البلازما بس أنا كنت باشرح بالنسبة للحجات العادية اللي ماتكلفش وفي نفس الوقت شكلها حلو وكمان عملية لأن العداد بيظهر جدا..خاصة إن البلازما مش موجود لكل العربيات..وشكرا ليك :shocked:
طب يا ريت لو عندك صور للعدادات بعد التعديل ترفعها:crazy2:
طيب لو عايز اغير شكل العداد عندي في الفيرنا اغيره خالص عايز اخليه لون ابيض زي النيون وشوية حركات ازاي؟؟؟ بس يا ريت تقلولي على واحد كويس
ويا ترى ده بيطلعني برا الضمان ولا ايه؟؟ معلش هتعبكم معايا