يا جماعة ان شاء الله ناوي اشتري شارك 2013
و احب اعرف رأيكم فيها
وهل تقفيلها ياباني و قطع الغيار متوفرة ؟
و جزاكم الله خيرا .
عرض للطباعة
يا جماعة ان شاء الله ناوي اشتري شارك 2013
و احب اعرف رأيكم فيها
وهل تقفيلها ياباني و قطع الغيار متوفرة ؟
و جزاكم الله خيرا .
عربية تحفة وملهاش حل... تقفيل ياباني طبعا...
بس هات الهايلاين اهم حاجة..
عربية رووعة وتقفيل ياباني ويعيبها اسعار قطع الغيار غالية جدا وسعر اعادة البيع واقع شوية
عربية هايلة بس حد قالى ان العزل بتاعها مش كويس واستهلاك البنزين عالى بس مش اوى
طيب الشارك احسن ولا البومة من الاخر كدة ومحدش يقولي دي ليها مميزات ودي ليها مميزات من الاخر انهي الاحسن يادي يادي لاني بفكر فيها لاني شايف شكلها احلي من البومة
باختصار شديد... عيوب الشارك في رأيي:
1. عزل مش قد كده... هوه احسن من البومة بس بعيد عن الالماني بصراحة... والسبب من وجهة نظري كاوتش الدانلوب لان صوته عالي جدا ومسموع... في المقابل ممتاز في الثبات والفرامل... بس مثلا لو بريدجستون او ميشلان على الشارك هيفرقوا كتييير في موضوع العزل ده...
2. شنطة مش كبيرة... اضيق من شنطة البومة والكورولا والالنترا والحاجات دي... زائد ان الهايلاين فيها صب ووفر built-in في الشنطة... بس بالنسبة لي مش عاملة مشاكل كبيرة والحمد لله وبقدر اكيف ظروفي عليها... مقابل كده هتلاقي الكنبة الخلفية واسعة جدا ومريحة... اوسع من الكورولا والفانتازيا مثلا...
3. قطع الغيار الاصلية غالية... بس اعتقد ان اي حاجة دلوقتي قطعها الاصلية غالية... وكنت لسة كاتب في مشاركة ان مراية البومة الواحدة ب2300 جنيه في التوكيل..
غير كده الشارك دي عربية مؤهلة جدا تكون Perfect وخصوصا مع اسعار اليومين دول...
وفي الاخر مفيش عربية كاملة...
وانت طيب يا باشا... كل عام وانت بخير!!
بص... العربية زي الفل بس مش زي الكوري في الطلعة بتاعتها... بس والله عزم الموتور المايفيك ده جاااامد جدا... وبالنسبة للتوب سبيد بتاعتها انا بجيب ال190 عااادي كل يوم تقريبا... ومن حوالي اسبوع وصلتها ل215 على طريق العين السخنة... وكان لسة فيها والله بس انا قلقت خصوصا ان كنا بالليل... احلى حاجة بقى اني كنت ماشي 200 وسايب الدركسيون...
انما باختصار انا شايف الموتور جيد جدا في التسارع... بس مش زي الكوري... وانا بتكلم عن ال1600 اللي معايا لاني مجربتش ال1500 بنفسي...