محتاج نصيحه ضرورى من مالكى الكارينز لو سمحتوا

**Waleed_zayan** · 09-08-2013 09:20 PM

كل سنه وانتم طيبين ،،،،،، بفكر أجيب الكارينز لأنها عائليه وواسعه وتقضى الأسره ، بس خايف من حاجتين ، التكييف يكون ضعيف وده شىء أساسي عندى يعنى لازم يكون تلااااجه ، زى اليابانى كده ، وتانى حاجه يكون السحب ضعيف وأنا محتاج عربيه قويه لأنى بسافر كتير ،،٫ يا ترى حد عنده فكره وجرب العربيه و يقدر يفيدنا ؟ وبالمناسبة أخبار قطع الغيار ومدى توافرها فى ال توكيل أو بره واسعارها عامله ايه ؟
كمان عايز اعرف ايه الفرق بين التوكيل والخليجي وأعرفهم ازاى وترشحولى موديل ايه ؟ أنا معايا ١٢٥ ألف ،،، وشكرا مقدما

**Waleed_zayan** · 10-08-2013 08:32 AM

كل المشاهدات دى ومحدش رد ، أيه يا جماعه كله مشغول بياكل كحك ولا ايه ؟

**ehab_osman** · 13-08-2013 11:55 AM

المشاركة الأصلية كتبت بواسطة waleed_zayan

كل سنه وانتم طيبين ،،،،،، بفكر أجيب الكارينز لأنها عائليه وواسعه وتقضى الأسره ، بس خايف من حاجتين ، التكييف يكون ضعيف وده شىء أساسي عندى يعنى لازم يكون تلااااجه ، زى اليابانى كده ، وتانى حاجه يكون السحب ضعيف وأنا محتاج عربيه قويه لأنى بسافر كتير ،،٫ يا ترى حد عنده فكره وجرب العربيه و يقدر يفيدنا ؟ وبالمناسبة أخبار قطع الغيار ومدى توافرها فى ال توكيل أو بره واسعارها عامله ايه ؟
كمان عايز اعرف ايه الفرق بين التوكيل والخليجي وأعرفهم ازاى وترشحولى موديل ايه ؟ أنا معايا ١٢٥ ألف ،،، وشكرا مقدما

مزايا الكارينز عائلة وواسعة ................. تكييف جيد جدا ( مش ممتاز زى الياباني )؟؟؟؟؟
التسروع بطئ شوية لكبر حجم العربية .
السفر بها متعة كبيرة والتكييف ممتاز .
قطع الغيار متوافرة في كل مكان واسعارها جيدة .
العربية بتاعت التوكيل اقل كماليات ، والخليجي اكثر كماليات ؟
جميع الاساسيات واحدة .
الاسعار .................... مش عارف اخر الاسعار ايه ........... بس انا كنت جايب موديل 2010 بـ 117 الف جم مش توكيل .؟؟؟؟؟؟؟؟؟؟
وانا تحت امرك

**د.عماد صلاح** · 13-08-2013 12:13 PM

مميزات ...واسعه ...شيك
عيوب ..سحب بطئ ..استهلاك بنزين كتير
التكييف معقول جدا بس مش تلاجه زي الياباني
الاسعار ..اعتقد ان الباز لين بقي ب 140 الف ودي فراملها سيئه عشان مفيش abs

**asbeats** · 14-08-2013 01:42 AM

المشاركة الأصلية كتبت بواسطة waleed_zayan

كل سنه وانتم طيبين ،،،،،، بفكر أجيب الكارينز لأنها عائليه وواسعه وتقضى الأسره ، بس خايف من حاجتين ، التكييف يكون ضعيف وده شىء أساسي عندى يعنى لازم يكون تلااااجه ، زى اليابانى كده ، وتانى حاجه يكون السحب ضعيف وأنا محتاج عربيه قويه لأنى بسافر كتير ،،٫ يا ترى حد عنده فكره وجرب العربيه و يقدر يفيدنا ؟ وبالمناسبة أخبار قطع الغيار ومدى توافرها فى ال توكيل أو بره واسعارها عامله ايه ؟
كمان عايز اعرف ايه الفرق بين التوكيل والخليجي وأعرفهم ازاى وترشحولى موديل ايه ؟ أنا معايا ١٢٥ ألف ،،، وشكرا مقدما

التكييف معقول جداً .. واحيانا برفع الريش لفرق عشان ببرد منه .. وأنا ظابطه على ٢٦ كمان ...
السحب يقل مع التكييف لكن مش بيموت العربية...
بالنسبة للسحب ... لو الموتور متفتح هتجري معاك كويس ... والعربية معقولة في المناورة لما تتعود على أبعادها ...
استهلاك البنزين زي ما العضو الكريم رد على حضرتك

عائلية ممتازة ومريحة في السفر
قطع الغيار متوفرة جداً وفي رينج الكوري اللي في السوق ...

إعادة البيع ممتاز ...

العيوب من وجهة نظري ...
عائلية وليست شبابية ..مش عربية شد وجري
الشنطة مفتوحة على المقصورة ... الأصوات والروائح تنتقل بسهولة
فرامل اليد ضعيفة نسبيا
لازم تجيبها أعلى فئة لكي تشعر بتميزها

الفروق بين الوكيل والخليجي مذكور في عدة موضوعات بالمنتدى