سلام عليكم .. كل سنة وانتم طيبين و عيد سعيد علينا و عليكم وعلى مصر كلها .
الموضوع باختصار انى امبارح كنت فى مشوار وانا راجع بافتح الازاز عشان أهوى العربية فتح تمام جيت اقفله مش راضى استغربت .. بابص على العدادات لقيت لمبة التشيك انجن منورة و جربت اشغل التكييف فاصل خالص قطع نفس ..
وطبعا امبارح اول يوم العيد كل المحلات قافلة و النهاردة كذلك و دخلت العربية جراج عشان الازاز مفتوح ماينفعش اركنها كده فى الشارع طبعا .
ياترى ده سبب الفيوز ولا أحط العربية على سكان عشان اعرف السبب ؟ العربية نوبيرا 2006
سكانر حيوضح سبب المشكله.
لمبه التشيك ملهاش علاقه بالزجاج
شيك على الفيوزات اللى جوه الصالون و التانى اللى فى صدر العربيه
طالما لمبه ال check engine نورت يبقي الكمبيوتر سجل error بسبب خلل في حساس من الحساسات .. لازم يتعمل اسكان للكمبيوتر و يوضح الخلل فين .... ده بالنسبه للمبه ال check engine .
بالنسبه للزجاج و التكييف بص علي الفيوزات بالتأكيد .
فى فيوز خاص بالازاز فى صدر العربية بص عليه ممكن يكون اتحرق
ولو اللمبه ماتشالتش اعمل سكان وان شاء الله خير
طالما لمبة الشيك انجين نورت يبقي حضرتك تعمل اسكان وبالنسبة للزجاج ممكن يبقي فيوز او ممكن تكون المكنة بتاعت رفع الزجاج باظت
فبرة توصيل الكهرباء الى خلف مفتاح الكونتاكت جوة علبة الدركسيون البلاستك بتكون باظت و الاطراف النحاس مش ملمسة كويس
بتتغير و سعرها 60 جم
و متمشيش بيها كتير لان مراوح التبريد مش هتشتغل معاك
و دا شكلها
http://dc461.4shared.com/img/4OjMOyZ...0101112002.jpg
و المشكلة بتكون الصوابع النحاس مش بتلمس كويس فى الكويل النحاس علشان توصل الكرباء للعربية و انت بتدور المفتاح
http://dc681.4shared.com/img/kfXIBMI...0101113001.jpg
انا صلحتها بانى نضفتها و دقبت شوية على القرص النحاس علشان يقرب من الصوابع شوية و مشيت بيها سنتين لحد ما غيرتها